Nasepte 4:29 - Zokam International Version

²⁹ Tu-in Topa aw, amaute hong tawnna ngaihsun inla, hangtaka na thu a gen dingin na nasemte hihtheihna lianpi hong guan in.

LAISIENGTHOU CL Bible (BSI)

²⁹ Tuin Mangpa aw, koute ahing vaunate en inlen, na suohten hangsantaha na thu agen theina ding uh pie in.

Zo Bible

²⁹ Topa aw, tu-in amau’ ei galgihna ei theipi inlen, ko na nasemte hangsan tahin thu ei gensah in.

Nasepte 4:29 ပူးပေါင်းရင်းမြစ်များ

Nasepte 4:13

Amaute in Peter le John a hanna mu uh a, lai siam lo mi mawkmawk ahilam uh thei uh ahi ciangin lamdang sa-in hih mite Jesu tawh a om khawm uh hi, cih a phawk uh hi.

Nasepte 14:3

Tua lai-ah amah in Paul le Barnabas lim lamdangte le a lamdangte bawl theisakin ama hehpihna thupuakte a kipsak pa Topa adingin hangtakin thu genin hun sawt khop a zang uh hi.

Philippi-te 1:14

Kol hong kibulhna hangin Topa sunga sanggamte a tamzaw in Pasian thute hangtak le lau het loin gen ding hanthawnna a ngah zaw uh hi.

Nasepte 4:31

Thu a nget khit uh ciangin amau te kikhopna mun a ling hi. Amaute khempeuh Khasiangtho tawh kidim uh a, Pasian thu hangtakin a gen uh hi.

2 Timothy 4:17

Ahi hangin ka gei-ah Topa dinga, kei tungtawnin Gentile-te khempeuh in tua thupuak a zak nadingun kicingtaka ka tangko theih nading tha hong guan hi. Tua hi-a, humpinelkai kam panin kei hong hukhia hi.

Nasepte 28:31

A dal om loin hangtakin Pasian gam thu hilh a, Topa Jesu Christ thu a sinsak hi.

Nasepte 19:8

Synagogue sungah Paul luta, mi lungsim a zo theithei dingin Pasian gam thu kiselin, hangtakin kha thum sung tua lai-ah thu a gen hi.

Nasepte 13:46

Tua ciangin Paul le Barnabas in: "Note kiangah Pasian thu kong gen masak ding mah uh ahi hi. Note in tua thu nial a, nuntak tawntungna ngah dingin cing kisa lo na hi nungsangun, tu-in Gentile-te lam ka nga ta uh hi.

Nasepte 9:27

Ahi hangin Barnabas in amah paipihin sawltakpite kiangah a pi hi. Amah in amaute kiangah Saul in a khualzinna-ah Topa a muh zia le Topa in amah a hopihna le Damascus ah lau loin Jesu mina thu a hilhnate a gen hi.

1 THESSALONIKA 2:2

Na theihsa bangun tunung in Philippi ah hong kiselphona ka thuak uh a, langbawlna khauhtak om napi, i Pasian huhna tawh ama lungdamna-thu no tungah ka gen ngam uh hi.

Nasepte 4:21

A nasia zaw in tawng’ uh a, tua khit ciangin amaute a paikhiasak uh hi. A piangsa thu hangin mi khempeuh in Pasian phat uh ahi manin, amaute in gawtna a piak nading uh a khensat thei kei uh hi.

Daniel 9:18

Pasian aw, na bil hong ngat inla hong za in; hong en inla nangma Min a pua khuapi a siatna mu in. Kote thumaanna suang hi loin a lian mahmah nangma lainatna muangin kong ngen uh hi.

Ezekiel 2:6

Ahi zongin nang mihing tapa aw, amaute ahikeh a kampaute uh hangin lau kei in na kimkotah dailing le thangling in hong umin aikam lakah na teng zongin kihta peuhmah kei in. Amaute a lehdo innkuante hita leh amau genna le hong linthawnnate uh hangin lau het kei in.

Nasepte 26:26

Kumpipa in hihte teltaka a theihsa hi-a, ama tungah ka ut bangbangin ka gen thei hi. Kong kawmlak peuha kihih hi lo ahi manin a theih loh om lo dingin ka kipsan hi.

Micah 3:8

Ahi hangin kei ka hileh Jacob khialhna le Israel mawhna pulak dingin vangliatna, TOPA Kha le thutang le hatna tawh ka kidim ding hi.

Tamlawhna 5:1

TOPA aw, ko tunga thupiang sate phawk inla hong en-in ka maimawlnate uh hong mu in.

Tamlawhna 3:50

kang thei loin ka khitui a luangluang ding hi.

Isaiah 63:15

Vantung panin hong ensuk inla, a siangtho a minthang sangpi-a om na tokhom panin hong mu in. Na deihluatna le na liatna koi-ah om ahi hiam? Na lungnemna le na khuatuahna kote tung panin kidokkik ta ahi hiam?

Isaiah 58:1

Na aw neih zah sit loin awng in. Pengkul bangin na aw ngaihsak in. Ka mite tungah amaute lehdona le Jacob innkuante tungah a mawhna uh genkhia in.

Nasepte 9:28

Tua ciangin amaute tawh Saul om khawm-in, adal om loin Jerusalem khuapi sungah vak kawikawi uh a, Topa minin hangtakin thu a gen hi.

2 Corinth-te 3:12

Tua ahi manin tua bang lametna ka neih khit nungsangun ka hang mahmah uh hi.

1 Corinth-te 14:13

Hih thu hangin pautuam khat zanga thugen mi in, a thugen a khiatna a theih nadingin ngen ta hen.