Nasepte 3:19 - Zokam International Version

¹⁹ Tua ahi ciangin kisikin Pasian lam nga kik un. Tua hileh na mawhnate uh kisiaksiangin Topa tung panin thathak ngahna hun hong tung thei dinga;

LAISIENGTHOU CL Bible (BSI)

¹⁹ Tuaziehin kisia unlen, na khelnate uh phietmang ahi theina dingin Mangpa lam ah kihei un, tuachi’n, Mangpa kunga kipat in halna hun ahing tung thei dinga;

Zo Bible

¹⁹ Tua ahi ziehin na mawnate uh a kiphietmai thei nadingin kisiakia-in Pasien lamah kihei un.

Nasepte 3:19 ပူးပေါင်းရင်းမြစ်များ

Nasepte 2:38

Peter in, "Na mawhnate uh a kimai sak theih nadingin note, na vekpi un kisik unla Jesu Christ minin na kibaptise un. Tua ciangin Khasiangtho letsong na ngah ding uh hi.

Isaiah 44:22

Keimah in thupalsatnate meii bangin ka phiatmang khin a, na mawhnate zingsang meiilum bangin ka thengsak zo hi. Nang kong tankhia khin hi, hong ciah ta in," a ci hi.

Isaiah 43:25

Kei mahmah ka kikhualna-in na thupalsatnate uh hong paihsak keimah, kei mahmah in na mawhnate uh ka ciamteh nawn kei hi.

Matthew 18:3

Tua ciangin amah in, "Thutak kong geninah, note kikhela naupangno na bat kei uh leh vantung gam sungah na lut ngei kei ding uh hi.

Matthew 13:15

Hih mite lungtang kheeng lua ahi manin; a bil uh tawh za mialmial in, a mit uh si uh hi. Tua hi kei leh a mit-un mu-in a bil uh tawh za-in a lungtang uh tawh theitel in kihei ding uh a, amaute ka damsak kha ding hi,’ a ci-a a genkholhna tangtung hi.

Phatna-late 51:9

Ka mawhnate buksan inla ka khialhna khempeuh phiatkhia in.

2 THESSALONIKA 1:7

hong kibuaisak note buaina hong vengsakin, kote aa zong hong vengsak ding hi. Topa Jesu ama vansawltak vangliante tawh vantung pan meikuang tawh hong kilat ciangin hih thu a piang ding hi.

Tamlawhna 3:40

I lampite en pha in sittelin TOPA lamah kihei ni.

Nasepte 11:21

Topa khut, amaute tawh omkhawm a, mi tampitakin um in, Topa lamah a kihei uh hi.

2 Peter 3:8

Ahi hangin kong it lawmte aw, hih thu khat na mangngilh kei un. Topa aa in ni khat pen kum tulkhat bang a, kum tulkhat pen ni khat bang hi.

Nasepte 28:27

‘Hih mite lungtang sak lua ahi manin a bil uh tawh za mel lo uh a, mitsi uh hi. Tua hikeileh a mit uh tawh mu thei-in a bil uh tawh za a, a lungtang uh tawh theitel in kihei ding uh a, amaute ka damsak kha ding hi,’ a ci hi.

1 Peter 2:25

Ahang in, note a pialmang tuu tawh na kibang uh a, ahi hangin tu-in na khate uh a Cingpa le a Kempa kiangah na ciah kik zo uh hi.

2 THESSALONIKA 1:10

Amah hong pai ni-in a misiangthote sungah kiminthangsak dinga amah a um mite khempeuh lakah piandang a kisa ding hi. Note kianga ka teci panna uh na upna un note zong a umte lakah hong kihelsak hi.

Nasepte 11:18

Amaute in hih thu a zak uh ciangin bangmah nialna nei nawn tuan loin, "Tua ahi mawk leh Pasian in, nuntakna ngah nadingin kisikna Gentile-te tungah phal tazen hi lo maw!" ci-in Pasian a phat uh hi.

Luke 1:16

Israel mite tampitak, Topa amau Pasian kiang a tunpih kik ding hi.

Hosea 14:2

Kammalte keng inla TOPA kiangah kihei in. Ama kiangah: "Ka mawhna khempeuh uh hong maisak inla ka muk a gahte uh nang kong piak theih nadingun, nong hehpihna-in kote hong sang in.

Daniel 9:13

Moses thukham sunga kigelhsa bang tektekin hih siatnate ko tungah hong tung napi ka mawhna uh kisikin TOPA kote Pasian kong zong tuan kei uh a, na thumaan ka thusim tuan kei lai uh hi.

Rome-te 11:25

Sanggamte aw, note na kimisak loh nadingun; a lut ding zah a lut kim khit mateng Israel-te khenkhat lungkhauh tadih ding uh hi, cih thuthuk na theih loh ding uh ka deih kei hi.

Nasepte 17:26

Mi khat panin mihing nam kim bawla, amaute leitung bup a luahsak hi. Amaute ading hunte sehsaka, amaute ten nading mun ciat a sehsak hi.

Nasepte 15:3

Pawlpite in lampi-ah kha uh a, Phoenicia le Samaria gamte tawna a zin kawmun Gentile-te kikhelna zia a gen uh hi. Hih thuthak in sanggamte khempeuh a nuamsak mahmah hi.

Nasepte 3:21

Sawt lai peka ama kamsang siangthote tungtawna a kamciam bangin Pasian in na khempeuh a bawlphat hun hong tun masiah amah ahileh pel loin vantung ah a om lai ding hi.

Nasepte 1:6

Tua ahi ciangin amaute a kisuktuah khawm laitakun, "Topa aw, Israel tungah tuhunin kumpi-gam ding kiksak ding na hi hiam?" ci-in dong uh hi.

Joel 2:13

Puansilh bek hi loin na lungsim uh tamzansak un. TOPA note Pasian lam zuan kik un, ahang in, amah migi-in mi khuatuahpa hi a, lungduai-in it na dim a mawhna liante maisak nuam tawntung hi.

Tamlawhna 5:21

TOPA aw, kong kihei theih nadingun kote ka ngei uh hong bangsak in; a beisa hunte bangin ka tulai nite uh hong bawlthaksak in;

Jeremiah 50:20

Tua ni le tua hun ciangin ka hawi lai, a baanglaite a mawhna uh maisak ta ding ka hi manin Israel mawhna a kizon hangin bangmah kimu lo dinga, Judah mawhnate a kizon hangin bangmah a kimu kei ding hi. TOPA in cikhia hi.

Isaiah 61:9

Minamte lakah amaute suan le khakte kitangtheih dinga, amau suante mite lakah a kitang theih ding hi. Amaute a mu peuhmah in TOPA thupha piaksa minam ahilam a tel ding uh hi," a ci hi.

Isaiah 61:3

Zion-a om a dahte huhin - amau lutungah vut tangin kumpi lukhu a khusak ding, thumna tangin nuamna sathau, le lungkiatna kha tangin phatna puan a pia dingin kei hong sawl zo hi. ama thupina a kilat nadingin amaute, TOPA suansa thumaanna tehno kungte, kici ding hi.

Isaiah 51:11

TOPA tatsate a kileh kik ding uh hi. La sa kawmin amaute Zion ah lut ding uh a; amau lutungah a bei ngei lo lungnopna a khu ding uh hi. Kipahna le lungnopna tawh kidimin dahna le khuisatna a mangthang ding hi.

Isaiah 6:10

Hih mite lungtang saksak inla, a bil uh ngongsak in; amaute mitsisak in. a Tua hi kei leh a mit uh tawh mu-in a bil uh tawh za-a, a lungtang uh tawh theitelin kihei ding uh a, amaute ka damsak kha ding hi,’ hong ci hi.

Phatna-late 103:12

nisuahna panin nitumna a gamlat bangin eite panin i tatkhialhnate a hemkhia hi.

Phatna-late 51:13

Tua ciangin a khialte tungah na lampite ka hilh dinga, mawhneite nang lamah hong kihei kik ding uh hi.

Kilaakna 21:4

Amah in amaute mit-a khitui khempeuh a nulsak ding hi. Alui nate paizia mangthang zo ahi manin tua lai-ah natna, sihna, thumna, kahnate a om nawn kei ding hi," a ci hi.

2 Timothy 2:25

Amah a langdote lungnemtakin lamlak pelmawh hen, Pasian in amaute kisiksakin kiheisak dinga thutak theihna ah a pi ding hi.

Jeremiah 36:3

Judah mite in amau tunga tunsak dinga ka ngim siatna khempeuh a zak uh ciangin amau gitlohna pan kihei kha ding uh a, tua ciangin amau gitlohna le amau mawhna ka maisak kha ding hi," a ci hi.

Ezekiel 33:11

Amaute tungah, "Thupipen TOPA in, ‘Ka nuntakna ka lo hi, migilo khat sihna ah ka lungdam kei a ahi hangin kikhela a nuntak ding ka deihzaw hi. Kihei in! Na gamtatna hoih lote lehngatsan in! Israel innkuan aw, bang hangin si zenzen ding na hi hiam?’ ci hi.

Nasepte 3:20

tua ciangin note adinga kisehsa tua Christ - Jesu nangawn note kiangah hong sawl thei ding hi.

Hebrews 4:1

Tua ahi ciangin ama khawlna sunga lut nading kamciam om lai ahi manin khatpeuh tua sunga lut dingin a cin zawh loh khak ding kidawm ni.

Luke 22:57

Ahi hangin amah in nial a, "Numei aw, ken amah ka thei kei hi," a ci hi.