Nasepte 3:18 - Zokam International Version

¹⁸ Ahi hangin Pasian in kamsangte khempeuh tungtawn a, ‘Christ c in thuak ding hi,’ ci-a a gen kholhsate a tangtunsakna hih bang ahi hi.

LAISIENGTHOU CL Bible (BSI)

¹⁸ Hinanleh Pasian in a guolneite zousie kam a, Khrist in genthei athuoh ngei ding ahi chi ana genlawhsa khu tambangin atangtung sahta hi.

Zo Bible

¹⁸ Ama’ Messiah in gimna thuoh ding hi, ci-in kamsangte zosie tung panin a na magensa thute Pasien in tam bangin a tangtungsah zo hi.

Nasepte 3:18 ပူးပေါင်းရင်းမြစ်များ

Piancilna 3:15

Nang le numei kikal le nang suan le khak a le ama suan-le-khakte kikalah kihuatna ka omsak ding hi; amah in na lutang suzan b dinga, nang ama khetul na tu ding hi," ci hi.

Isaiah 50:6

Kei hong satte ka nung ka dawh a; ka khamul a hong mante ka paang ka dawh hi; hong simmawhte le hong cilphihte ka lehngatsan kei hi.

Daniel 9:26

Sawmguk le nih ‘sagihte’ khit ciangin Sathau-kinilh Pa kithat dinga, bangmah f a nei kei ding hi. Hong pai ding gam-ukpa’ mite in khuapi le munsiangtho a susia ding uh hi. Tuikhang bangin a beina tungin: A bei dongin gal kido ding hi, siatmang ding thukip a kisehsa ahi hi.

Zechariah 12:10

Tua ciangin David innkuante le Jerusalem a tengte tungah hehpihna le ngetnopna kha a ka sungkhia ding hi. Amaute in a sutletpa uh kei hong en b in a tapa neihsun kah bangin kap ding uh a, a tapa masapen hanga a dah mahmah bangin ama adingin dah ding uh hi.

Zechariah 13:7

"Namsau aw, ka tuucingpa le kei tawh kinai mipa do dingin tho in," Thahatpen TOPA in cikhia hi. "Tuucingpa sat in tuute kithehthang dinga, a note tungah ka khut ka viik ding hi.

Luke 24:44

Amah in amaute kiangah, "Hih in note tawh ka omkhawm lai-a ka gen: Kei thu, Moses Thukham, Kamsangte le Phatna-late sunga kigelhte khempeuh a tangtung pelmawh ding hi, ka cih hih thu ahi hi," a ci hi.

Nasepte 10:43

Amah a umte khempeuh in ama min tungtawnin mawh maina a ngah nading uh thu, kamsangte khempeuh in teci a pang zo uh hi," a ci hi.

Nasepte 2:23

Pasian in a tupsa le a theihkholhsa bangin note khutah hong kipia hi. Tua ciangin note in mitatsiate f huhna tawh singlamteh tungah na kilhlum uh hi.

Nasepte 28:23

Amaute in Paul tawh kimuh kik ding ni khat seh uh a, a omna munah mi a tamzaw tham a va pai uh hi. Amaute kiangah zingsang a kipan nitak dong, amah in Pasian gam thu hilhcianin pulak a, Moses Thukham le Kamsangte panin Jesu thu ah amaute thuzawh a sawm hi.

2 Peter 1:21

Ahang in, genkholhna peuhmah mihing deihna pan hi ngei lo-a, Khasiangtho hihsakna bangbangin mite in Pasian tung pana a gen uh hizaw hi.

Kilaakna 19:10

Hih thu ah amah bia dingin a khe phungah ka bok hi. Ahi hangin amah in, "Hih kei in! Kei zong Jesu ading teci a pang, nang le na sanggamte tawh nasem khawm khat mah ka hi hi. Pasian bia in! Ahang in, Jesu teci panna in kamsanna kha ahi hi," hong ci hi.