Nasepte 23:1 - Zokam International Version

¹ Paul in Sanhedrin-te tangtakin en a, "Ka sanggamte aw, tuni dongin Pasian tungah kisuantaakna om loin ka sep ding teng ka tangtun khin zo hi," a ci hi.

LAISIENGTHOU CL Bible (BSI)

¹ Paul in vaihawm pawlte a en pimpem a, sanggamte aw, tuni tan in Pasian masanga ka sie leh pha theina siengtah toh ka hinkhuo zangtou zel ka hi, achi hi.

Zo Bible

¹ Paul in biehna uliente a etcien laitahin ama in, “Sanggamte aw, keima in tuni cieng dongin Pasien mai-ah lungsim kisuonna om loin hinkhuo ka na mang hi,” a ci hi.

Nasepte 23:1 ပူးပေါင်းရင်းမြစ်များ

Paunakte 28:1

Migilote kuama delh lohin tai-a, mi thumaante ahileh humpinelkai bangin kihtak a nei kei hi.

Matthew 5:22

Ahi hangin ken kong geninah, a sanggam c tunga a hehte peuhmah in thukhenna a thuak ding hi. Tua banah a sanggamte tunga, ‘Raca, d ’ a ci peuhmah in Sanhedrin-te thusitna a thuak ding hi. Ahi hangin, ‘Nang mihai!’ a ci peuhmah in hell meipi a thuak ding lauhuai hi.

Nasepte 22:1

"Sanggamte le pate aw, tu-in kei kihutna thu na ngai un," a ci hi.

Nasepte 22:30

A zing ciangin galkap mangpa in, bang pen hanga Jew-te in Paul hih banga mawhmat nuam uh ahi hiam, cih cian taka a theih khit nop manin, amah khahkhia a, siampi makaite le Sanhedrin-te khempeuh a kikup dingun thu a pia hi. Tua ciangin Paul paipiha amaute mai-ah a dingsak hi.

Nasepte 22:5

Hih bang ka hihna tulpipa le Vaihawmte in zong teci hong pang thei ding uh hi. Keimah in Damascus a, a sanggamte uh a laikhak nangawn uh amaute tung pan ka ngah a, hih mite Jerusalem thonga khum ding le gawt dinga puak dingin ka va kuan hi.

Nasepte 23:15

Tua ahi ciangin tu-in nang le Sanhedrin in Paul thu a cingzaw a thei nuam kineihin note mai-ah galkap mangpa in amah hong puak nadingin na ngen un. Amah hih lai hong tun ma-in a that dingin kigingsa-in ka om uh hi," a ci uh hi.

Nasepte 23:20

Amah in: "Jew-te in ama thu a cingzaw-a thei nuam kineih in, zing ciangin Sanhedrin mai-ah Paul na puak nading hong nget ding uh a thukim zo uh hi.

Nasepte 23:28

Amaute in bang hanga amah mawhsak uh hiam, cih ka thei nuama, amau Sanhedrin tungah amah ka puak uh hi.

Nasepte 23:6

Tua ciangin Paul in amaute pawlkhat Sadducee hi-in, adangte Pharisee ahilam uh thei a, Sanhedrin mai-ah, "Ka sanggamte aw, kei Pharisee khat tapa Pharisee khat mah ka hi hi. Misite thawhkikna ka lamet manin thukhenna a thuak ka hi hi," a cikhia hi.

Nasepte 24:16

Tua ahi ciangin Pasian le mite mai-ah kisuantakna a om lo dingin gamtat ka sawm tawntung hi.

Nasepte 6:15

Sanhedrin a tu mi khempeuh in Stephen limtakin entek uh a, amaute in a maitang, vansawltak maitang tawh kibangin a mu tek uh hi.

1 Corinth-te 4:4

Kisuantakna ka nei kei hi, ahi hangin tua in kei mawhpeng hong suaksak tuan lo hi. Kei tunga thukhenpa Topa ahi hi.

2 Corinth-te 1:12

Kote kisialhna hih ahi hi: Leitunga ka gamtatnate uh le a diakdiakin note tawh i kizopna thu ah kote ngaihsutna zang loin Pasian tung pana sianthona le cihtakpina tawh ka gamtatna uh ka lungsim kitheihna un teci a pang hi. Kote in leitung pilna tawh kizui-in hih loin Pasian hehpihna tawh kizui-in tua bangin ka hih uh hi.

2 Corinth-te 4:2

Tua sangin a simtham le a zumhuai-a gamtatnate ka tawpsan uh hi. Khem bawlnate zang loin Pasian thu zong ka lehkaih kei uh hi. Tua sangsikin tua thutak teltakin ka pholak uh a, Pasian mitmuh ah mi khempeuh lungsim tawh kituakin ka om zaw uh hi.

2 Timothy 1:3

Ka thungetnate ah sun le zanin nang kong phawk tawntung a, ka pu ka pa-te hihsa bangin lungsim kitheihna siang tawh a na ka sep Pasian tungah lungdam ka ko hi.

Hebrews 13:18

Ko ading thu hong ngetsak un. Lungsim kisuantakna nei lo le lam khempeuh ah pahtawitaka nuntak ding ka lunggulh lam uh ka telcian uh hi.

1 Peter 3:16

Christ sunga om na gamtatna hoih uh langpang a, a simmawhte in a gensiatna uh a maizumpih theih nadingun na lungsim kitheihna uh siangthotakin kem un.