Nasepte 20:3 - Zokam International Version

³ Tua lai-ah kha thum a taam hi. Syria gam zuana tembaw tawh pai a sawm hi napi Jew-te in thah a sawmsim manin Macedonia tawna ciah kik dingin a khensat hi.

LAISIENGTHOU CL Bible (BSI)

³ Tuanah ha thum ataam a, tualeh Judaten ama abuhdap zieh un, Siria gam langa kuonga pei dinga kisa lai, Masidonia gam langa pei dingin akisa kiata hi.

Zo Bible

³ tua munah hla thum sung a tam hi. Tembaw tawh Syria gam pei ding a kisah laitahin Jew mite in ama a tha sawm ziehun Macedonia gam tawnin kilekia ding a khensat hi.

Nasepte 20:3 ပူးပေါင်းရင်းမြစ်များ

Ezra 8:31

A kha masa pen a ni sawm le nih ni-in Ahava Hawkguam panin Jerusalem zuan dingin ka dingkhia uh hi. Kote Pasian khut in hong ompih a, lampi tawntungah galte le pansimna panin hong dal hi.

Paunakte 1:11

Amaute in, "Ko hong zui in; mi khatpeuh sisan suah dingin va pang ni, mi ommuang khat va busim ni;

Jeremiah 5:26

Ka mite lakah migilote om uh a, vasa thangsiah bangin mite thangsiahin man uh hi.

Matthew 4:24

Syria gam sung tengah ama thu a kizel hi. Natna tuamtuam a veite, a na valvalte, dawilutte, sibup natna veite le pumzawte khempeuh Jesu kiangah paipih uh a, amah in a damsak hi.

Nasepte 16:12

Tua lai panin Macedonia khuapi khen sunga a lian pen Rome pemtate tenna khua ahi, Philippi ka tung uh hi. Tua lai ah sawt veipi ka taam uh hi.

Nasepte 16:9

Zan laitakin Paul in Macedonia gam mi khat dingin, "Macedo-nia ah hong galkah unla, ko hong huh un," ci-a gen khat a mangin a mu hi.

Nasepte 18:18

Corinth ah tawm vei sung Paul a taam lai hi. Tua ciangin sanggamte nusia in Priscilla le Aquila tonpih a Syria ah tembaw-in a pai uh hi. Amah in kiciam nasa khat a neih manin tembaw tung a tuan ma-in Cenchrea ah a sam a metmaisak hi.

Nasepte 19:21

Hihte khempeuh a pian khit nungin Paul in Macedonia le Achaia-ah nawkin Jerusalem ah pai ding a khensat hi. Amah in, "Tua lai ka tun khit ciangin Rome ah zong ka hawh kul hi," ci hi.

Nasepte 20:1

Tua buaina a ven ciangin Paul in nungzuite samsaka, amaute a hanthawn khit ciangin mangpha khaka, Macedonia a pai dingin a dingkhia hi.

Nasepte 20:19

Jew-te in kei thah dingin hong sawmsimna un nakpi-in hong zia-et ta leh, nakpitakin kiniamkhiatin khitui tawh Topa na ka sem hi.

Nasepte 20:2

Amah tua huam tengah zin kawikawi-a, mite kiangah hanthawnna thu tampi genin a tawpna-ah Greece a tung hi.

Nasepte 21:3

Cyprus ka galmuh khit uh ciangin a khang lam nawkin Syria dong ka pai uh hi. Tyre ah ka kinga uh hi. Tua lai-ah ka tembaw un a vanpuakte a suahkhia ding ahi hi.

Nasepte 25:3

Amaute in Festus kiangah amau a angvanna-in, a manlang theithei a Jerusalem ah Paul a puak nading a ngen uh hi. Ahang in, amaute in lamkal ah buksimin Paul thah nading a kigingkhol khin zo uh hi.

2 Corinth-te 1:15

Hih mah ka muan manin nihvei na hamphat theih nadingun note kianga hawh masak dingin ka geel hi.

2 Corinth-te 11:26

tawlnga loin mai ka nawt hi. Gunte ah lauhuaina, misuamte lauhuaina, keima gam mite kihtakhuaina, Gentile-te kihtakhuaina, khuapi sungah lauhuaina, gamlaka lauhuaina, tuipi tunga lauhuaina le sanggam-zuaute kihtak-huainate ka tuak zo hi.

2 Corinth-te 7:5

Ahang in, kote Macedonia a kong lut lai-un hih ka pumpi uh a tawlnga ngei kei hi. Ahi hangin kote kiheina peuhpeuh ah pualam ah kidona, sunglam ah launate ka tuak den uh hi.

Galatia-te 1:21

Tua khit ciangin Syria le Cilicia ah ka pai hi.