Nasepte 20:1 - Zokam International Version

¹ Tua buaina a ven ciangin Paul in nungzuite samsaka, amaute a hanthawn khit ciangin mangpha khaka, Macedonia a pai dingin a dingkhia hi.

LAISIENGTHOU CL Bible (BSI)

¹ Buoina aven nuain, Paul in nuazuite akung ah ahan a, amauh ahantawh zou in Mangpha ahah a, Masidonia gam zuonin apeita hi.

Zo Bible

¹ Tua buoina a ven zaw ciengin Paul in nuazuite hlanin a hanthot zaw ciengin mangpha pai-in Macedonia gamah a pei hi.

Nasepte 20:1 ပူးပေါင်းရင်းမြစ်များ

2 Corinth-te 7:5

Ahang in, kote Macedonia a kong lut lai-un hih ka pumpi uh a tawlnga ngei kei hi. Ahi hangin kote kiheina peuhpeuh ah pualam ah kidona, sunglam ah launate ka tuak den uh hi.

Nasepte 19:21

Hihte khempeuh a pian khit nungin Paul in Macedonia le Achaia-ah nawkin Jerusalem ah pai ding a khensat hi. Amah in, "Tua lai ka tun khit ciangin Rome ah zong ka hawh kul hi," ci hi.

1 Timothy 1:3

Macedonia ah ka pai lai-a kong kut bangin Ephesus mah ah na tam lai in. Tua pen mi pawlkhat in thu upna maan lo hilh nawn lo a,

1 THESSALONIKA 5:26

Kinapna siangtho tawh sanggamte khempeuh na kihopih un.

1 Corinth-te 16:20

Hih lai-a om sanggamte khempeuh in zong hong hopih uh hi. Kinapna siangtho tawh khat le khat na kihopih un.

1 Corinth-te 16:5

Macedonia gam tawna pai ding ka hi manin Macedonia ka nawk khit ciangin no kiangah kong pai ding hi.

Rome-te 16:16

A siangtho kinapna tawh note khat le khat na kihopih un. Christ pawlpite khempeuh in hong hopih uh hi.

Nasepte 20:37

Amaute khempeuh in amah kawi-in, namin, a kap uh hi.

Nasepte 20:10

Paul kumsuka, tua tangvalnopa tungah boksukin a kawi hi. Amah in, "Amah nungta hi, patau kei dih un!" a ci hi.

Nasepte 16:9

Zan laitakin Paul in Macedonia gam mi khat dingin, "Macedo-nia ah hong galkah unla, ko hong huh un," ci-a gen khat a mangin a mu hi.

Nasepte 11:26

amah a muh ciangin Antioch ah a paipih hi. Tua hi-a Barnabas le Saul tua lai-a pawlpi tawh kum khat vilvel kikhawl uh a, mi tampitak thu a hilh uh hi. Antioch ah nungzuite, Christian-te a kici masa pen hi.

Piancilna 48:10

Tu-in a khanghamna hangin Israel mitte manga khua a mu nawn kei hi. Tua ciangin Joseph in a tapate a kiangah nehsak-a, a pa in amaute namin kawi hi.

2 Corinth-te 13:12

Kinapna siangtho tawh khat le khat na kihopih un.

Nasepte 16:12

Tua lai panin Macedonia khuapi khen sunga a lian pen Rome pemtate tenna khua ahi, Philippi ka tung uh hi. Tua lai ah sawt veipi ka taam uh hi.

Nasepte 20:2

Amah tua huam tengah zin kawikawi-a, mite kiangah hanthawnna thu tampi genin a tawpna-ah Greece a tung hi.

Nasepte 20:3

Tua lai-ah kha thum a taam hi. Syria gam zuana tembaw tawh pai a sawm hi napi Jew-te in thah a sawmsim manin Macedonia tawna ciah kik dingin a khensat hi.

Rome-te 15:19

amah in Kha vangliatna tungtawnin lim le nalamdangte, vangliatna tawh a sem hi. Tua ahi ciangin Jerusalem a kipan Illyricum kimkot khempeuh ah Christ lungdamna-thu ka tangko khin dipdep hi.