Nasepte 2:24 - Zokam International Version

²⁴ Ahi hangin sihna in amah lenden zo lo ahi manin, Pasian in misi pan thokiksak a, sih gentheihna pan a suaktasak hi.

LAISIENGTHOU CL Bible (BSI)

²⁴ Ama khu Pasian in shina gahnate sutpiehin akaithouta hi, shina tuhden guol ahilou zieh in.

Zo Bible

²⁴ Ahi vangin sina in ama tukip zo lo ahi ziehin Pasien in sina panin suohtasahin a thosah hi.

Nasepte 2:24 ပူးပေါင်းရင်းမြစ်များ

Phatna-late 116:16

TOPA aw, nangma nasem ka hi taktak hi; keimah na nasem, na nasemnu’ c tapa ka hi hi; ka sikkhainiangte panin kei nong khahkhia hi.

Isaiah 10:7

Ahi hangin hih pen ama sawm hi loin, ama ngaihsut ahi kei hi. Ama tupna ahileh susia ding, minamte tampi beisak ding ahi hi.

Isaiah 25:8

sihna a valhtum den ding hi. Thupipen TOPA in maitang khempeuh pana khitui teng nulsak dinga, leitunga ama mi khempeuh minsiatna a beisak ding hi. TOPA gensa ahi hi.

Isaiah 26:19

Ahi hangin na misi te uh nungta dinga, a pumpite uh a tho ding hi. No leivui laka tengte aw, khanglo unla nuamin kiko un. Na daitui uh zingsang daitui tawh kibang hi; leitung in a misite a hingkhia ding hi.

Isaiah 53:10

Tua bangin kisatnima a kithuaksak ding lah TOPA deih hi a, TOPA in ama nuntakna khialhna hanga biakna-in a bawl f hangin amah in a suan le khakte mu in a nuntak hun sotsak dinga ama gamsungah a khut sungah TOPA deihna a pung ding hi.

Hosea 13:14

"Hankhuk e vangliatna panin amaute tatna sum ka pia ding hi; sihna panin amaute ka tankhia ding hi. Sihna aw, na gimna koi-ah om hiam? Hankhuk f aw, na siatsakna koi-ah om hiam?

Matthew 27:63

Amaute in, "Pu aw, tua mikhempa in a nuntak lai-in, ni thum khit ciangin ka tho kik ding hi,’ a cih ka phawk gige uh hi.

John 10:18

Kei tung pan kuamah in hong lak khiatsak hi lo hi. Keima ut thu-a kikham ka hi hi. Keima ut thu-a kikham-theihna le lakkik-theihna thuneihna ka nei hi. Hih thupiak, ka Pa tung pana ka ngah ahi hi," a ci hi.

John 10:35

Amah in Pasian thu tunna amaute ‘pasiante’ ci ahileh, Laisiangtho thu lah kipelh thei lo dinga,

John 12:39

Hih thu hangin amaute in a um thei kei uh hi. Bang hang hiam cih leh Isaiah in mun dangah:

John 20:9

(Amaute in tua hun dong, Laisiangtho in, Jesu misi pan kithosak ding hi, cih thu a theitel nai kei uh hi.)

Nasepte 1:16

"Sanggamte aw, tanglai peka Khasiangtho in David kam tawna a na gen, Jesu a mante a makaih Judas tawh kisai Laisiangtho thu a tangtun ding kisam hi.

Nasepte 13:30

Ahi hangin Pasian in amah misi pan thosak a,

Nasepte 13:37

Ahi hangin Pasian in misi pana a thawhsak pa ahileh a muat kei hi.

Nasepte 17:31

Ahang in, amah in a sehkholhsa mipa zangin thumaan tawh leitung mi khempeuh thu a khen ni ding sehkhol khin zo hi. Hih thu amaanna mi khempeuh tungah a lahna-in, amah misi pan a thokiksak hi," a ci hi.

Nasepte 2:32

Pasian in hih Jesu thosakin nung tasaka, hih thu a taktak a hina kote khempeuh, teci ka hi uh hi.

Nasepte 3:15

Note in nuntakna a piapa na that uh a, ahi hangin Pasian in amah misi pan a thosak hi. Hih thuah kote teci ka hi uh hi.

Nasepte 3:26

Pasian in a nasempa a khankhiatsak ciangin note, na tatsiatna panun na vekun kikhelin thupha hong piak theih nadingin note kiangah hong sawl masa hi," a ci hi.

Nasepte 4:10

note le Israel gama midangte khempeuh in hih thu thei ta un. A dam siang sinsensa a note mai-a ding hih mipa pen, note in na kilhlup uh, ahi hanga Pasian in misi pana a thawhkiksak pa Nazareth mi Jesu Christ min hanga dam ahi hi.

Nasepte 5:30

Amah sing tungah khai-a na thah pa uh Jesu, ka pate uh Pasian in misi pan thosak zo hi.

Rome-te 10:9

"Note in na kam uh tawh, ‘Jesu in Topa hi,’ ci-in pulaka, Pasian in amah misi pan thokiksak zo hi, ci-a na lungtang sung uhah na up uh leh note hong kihonkhia ding hi, cih upna thu ahi hi.

Rome-te 14:9

Ahang in, hih thu hang mahmahin a site le a hingte Topa aa ahikhawm theih nadingin Christ si-a tua ciangin nungta kik hi.

Rome-te 4:24

i Topa Jesu misi pana a thosakpa Pasian in thumaanna-a a simsak ding a um eite adingin zong a kigelh ahi hi.

Rome-te 6:4

Tua ahi manin Pa minthanna tungtawnin misi pan Christ a thawh kik mah bangin eite zong nuntakna thak sungah i nuntak theih nadingin ama sihna sungah i kibaptisena tungtawnin amah tawh i kivuikhawm hi.

Rome-te 8:11

Misi pana Jesu a thosakpa Kha note sungah hong teng ahileh misi pana Christ a thosakpa in no sunga teng ama Kha tawnin a si thei na pumpite uh zong nuntakna a pia ding hi.

Rome-te 8:34

A mawhpaihpa kua ahi hiam? Si bek tham loin nungta-a, a tho kik pa Christ Jesu, tu-in Pasian taklamah tu-a eite adingin hong thumsak hi.

1 Corinth-te 15:12

Ahi hangin misi panin Christ kithosak hi, ci-in kihilh ahileh bangci bangin note pawlkhat in misi thawhkikna om lo hi, ci thei ahi hiam?

1 Corinth-te 15:15

Tua tham loin Pasian in Christ misi pan thosak hi, cih thu teci ka pan manun kote Pasian thu ah zuau teci pang hong suaksak ding hi. Ahi hangin misi kithokiksak lo takpi hileh Pasian in amah a thokiksak lo hi ding hi.

1 Corinth-te 15:20

Ahi hangin misi pan Christ kithokiksak zo takpi-a a ihmusate lak pan gahmasa ahi hi.

1 Corinth-te 15:4

amah kivui-in, Laisiangtho gen bangin a nithum ni-in tho kika,

1 Corinth-te 6:14

Pasian in ama vangliatna tawh misi panin Topa thosak-a, eite zong hong thosak ding hi.

2 Corinth-te 4:14

Bang hang hiam cih leh misi pana Topa Jesu a thosakpa in Jesu tawh kote hong thosak khawm dinga, ama omna ah kote tawh note hong tunkhawm ding hi, cih ka thei uh hi.

Galatia-te 1:1

Mihing pan hi lo, mite sawl zong hi lo, ahi hangin Jesu Christ le misi pana amah a thosak Pa Pasian sawltakpi Paul le

Ephesa-te 1:20

Misi pan amah a thawhkiksak lai-a vanlam gamah a taklam-a a tutsak lai-a

Colosse-te 2:12

Baptisena sungah amah tawh na kivui khawm uh a, amah misi pana a thosak Pasian vangliatna ah upna tungtawnin amah tawh na thokhawm zo uh hi.

1 THESSALONIKA 1:10

misi pana a thawhsak pa, hong tung ding thangpaihna pana eite hong suaktasak ding pa a Tapa Jesu vantung pana hong pai ding ngaka na om zia uh amaute in hong ko uh hi.

Hebrews 13:20

Tawntung thukhun sisan tungtawn in a lian Tuu cingpa i Topa Jesu misi pana a thosak tua lemna Pasian in,

Hebrews 2:14

Tate in si le sa nei ahi nungsang amah in zong a sihna tungtawn a, sihna vangliatna a nei dawimangpa, a suksiat theih nading

1 Peter 1:21

Ama tungtawnin misi panin amah thosaka, a minthangsak pa Pasian na um uh a, tua na up uh le na lamet uh Pasian ahi hi.

Kilaakna 1:18

Keimah a Nungta Pa ka hi hi. Ka si zo a, en in a tawntungin ka nungta den hi! Keimah in sihna leh Gawtmun tawhtangte zong ka tawi hi.