Nasepte 2:22 - Zokam International Version

²² "Israel mite aw, hih thu ngai un: note in na theih mah bangun Nazareth mi Jesu pen Pasian in note lakah ama tungtawna a bawl nalamdangte, a lamdangte le limte tawh Pasian in a kipsak mi ahi hi.

LAISIENGTHOU CL Bible (BSI)

²² “Nou Israel mite aw, tam thu na ngai un, Nazareth Jesu, Pasian in Ama zangin na lah uah sil lamdangte sil thupite leh chiemtenate bawlin Pasian midih ahi chi noute lah ah akilangsahta hi, noute mama in zong na thei uhi.

Zo Bible

²² “No, Israel-te aw, ka thugen ngai un: Note in na theisa ma bangun Nazareth mi Jesu pen Pasien in note lahah ama tungtawna a bawl vanglietna le na lamdangte, le limte tawh Pasien in a kipsah mi ahi hi.

Nasepte 2:22 ပူးပေါင်းရင်းမြစ်များ

John 3:2

Amah zanin Jesu kiangah va pai-a, "Rabbi aw, Pasian kiang pana hong pai siapa na hi cih ka thei uh hi. Ahang in, Pasian in a ompih kei leh kuamah in na bawl lim lamdangte a bawl thei kei ding hi," a ci hi.

Nasepte 4:10

note le Israel gama midangte khempeuh in hih thu thei ta un. A dam siang sinsensa a note mai-a ding hih mipa pen, note in na kilhlup uh, ahi hanga Pasian in misi pana a thawhkiksak pa Nazareth mi Jesu Christ min hanga dam ahi hi.

Luke 11:20

Ahi hangin Pasian khutme tawh dawite ka hawlkhiat leh Pasian gam note tungah hong tung zo hi.

Matthew 12:28

Ahi hangin Pasian Kha suanga hawlkhia ka hileh note tungah Pasian gam hong tung zo hi.

Matthew 9:8

Mihonpite in hih thu a muh uh ciangin lamdang a sa mahmah uh a, hih bang thuneihna mihingte tunga a pia Pasian a phat uh hi.

Hebrews 2:4

Pasian in zong limte, a lamdangte le nalamdang tuamtuamte le ama deih banga a hawm Khasiangtho letsongte tawh tua thu teci a pang hi.

2 Corinth-te 12:12

Sawltakpi khat kiciamtehna limte alamdangte le nalamdangte note lakah lungduaitakin kibawl zo hi.

Nasepte 26:26

Kumpipa in hihte teltaka a theihsa hi-a, ama tungah ka ut bangbangin ka gen thei hi. Kong kawmlak peuha kihih hi lo ahi manin a theih loh om lo dingin ka kipsan hi.

Nasepte 26:9

"Kei mahmah in zong Nazareth mi Jesu min langdo-a, a hi thei zahzah ka sep ding mah hi, ci-in ka kipsan hi.

Nasepte 24:5

"Kote in buaina a piangsak hih mipa, leitung khempeuh a Jew-te lakah mipi ngonghtatsakin a linglawngsakpa hi, cih ka mu uh hi. Amah Nazareth pawl tuam makaipa hi a,

Nasepte 22:8

"‘Topa kua na hiam?’ ci-in ka dong hi. "Amah in, ‘Na bawlsiat Nazareth mi Jesu ka hi hi,’ ci-in hong dawng hi.

Nasepte 21:28

"Israel mite aw, ko hong huh un! I mite, i thukham le hih mun lang panga, mun khempeuh-a mi khempeuh tungah thu a hilhpa hih pa ahi hi. Tua tham loin biakinnpi huang sungah Greek-te hong paipih in hih munsiangtho a buahsak hi," ci-in a kiko uh hi.

Nasepte 14:27

Tua lai a tun uh ciangin amaute in pawlpi teng kai khawm uh a, amaute tungtawna Pasian nasepnate khempeuh le Gentile-te tungah upna kong a kihon takpinate a zasak uh hi.

Nasepte 13:16

Paul ding to-in a khut vana, "No, Pasian a bia Israel-te le Gentile-te aw, ka thugen na ngai un!

Nasepte 6:14

Kote in, ‘Hih Nazareth mi Jesu in hih mun susia dinga, Moses in eite khuta hong piaksawm i pupa ngeina a kheng ding hi,’ a cih ka za uh hi," a ci uh hi.

Nasepte 5:35

Tua ciangin amaute tungah thu gen a, "Israel mite aw, hih mite na bawl nopna thu uh limtakin ngaihsun un.

Nasepte 3:12

Peter in a muh ciangin amaute kiangah, "Israel mite aw, bang hangin hih in note lamdang hong sasak ahi hiam? Kote vang tawh ahikeh ka pasianmina uh hanga hih mipa lam a paisak thei bangin bang hangin kote hong hi ci et na hi uh hiam?

John 19:19

Pilate in theihsakna khat bawlsak a, singlamteh ah a suang hi. Tua ah, JEW-TE KUMPIPA, NAZARETH MI JESU, kici hi.

John 15:24

Amaute lakah kuama bawl loh va bawl kei leng, amaute khialhna hangin a mawh suak lo ding uh hi. Ahi hangin tu-in hih nalamdangte mu zo uh a, tua hi napi amaute in kei le ka Pa hong mudah khawm uh hi.

John 12:17

Tua laitakin amah tawh a om khawm mihonpite in, amah in han sung panin Lazarus sama, misi pan a thawh sakna thu a thangsak beh lailai uh hi.

John 11:47

Tua ciangin siampi makaite le Pharisee-te in Sanhedrin kikhop a sam uh hi. Amaute in, "A bangci tazen i hi hiam? Hih mipa in limlamdangte bawlbawl a;

John 10:37

Ka Pa hih banga ka hih keileh hong um kei un.

John 9:33

Hih pa, Pasian kiang pan hi kei leh bangmah a hih thei kei ding hi," a ci hi.

John 7:31

Tua hi napi mipite lakah tampi in amah a um lai uh hi. Amaute in, "Christ hong pai ciangin hih mipa bawl sangin lim lamdang zaw a bawl ding hiam?" a kici uh hi.

John 6:27

A sia thei an ngah nadingin na na sep uh sangin Mihing Tapa hong piak ding, nuntak tawntungna donga kimang ding an ngah nadingin sem zaw un. Pa Pasian in amah a sanna ciamtehna ama tungah a koih zo hi," ci-in a dawng hi.

John 6:14

Jesu nalamdang bawl mite in a muh khit uh ciangin, "Hih pa, leitunga hong pai ding Kamsangpa hi takpi hi," a ci pan uh hi.

John 5:36

"John teci panna sanga thugik zaw ka nei hi. Ahang in, Pa in zawh khit dinga hong piak tua ka nasep pen Pa in kei hong sawl ahina teci ahi hi.

John 4:48

Jesu in ama kiangah, "No mihingte in na lamdang le a lamdangte na muh loh ngalun na um ngei kei ding uh hi," ci-in a gen hi.

John 1:45

Philip in Nathanael a muh ciangin, "Moses in Thukham sunga ama thu a gelh, kamsangte in zong amah tawh kisai a na gelh uh, Joseph tapa Nazareth mi Jesu ka mu zo uh hi," a ci hi.

Luke 24:18

Amaute khat Cleopas min nei pen in, "Jerusalem a hawhte lakah tua lai-a tusawng tenga thupiangte a thei lo nang bek hi niteh maw?" a ci hi.

Matthew 2:23

Nazareth kici khua-ah a va teng hi. Tua bangin: "Amah Nazareth mi kici ding hi," ci-a kamsangpa tungtawna kigensa thu a tangtung hi.

Isaiah 41:14

Tangtel lel Jacob aw, aneu Israel aw, keimahmah in hong huh ding ka hi manin kihta kei in," note Tanpa, Israel-te Siangtho Pa, TOPA in a cikhia hi.

Nasepte 2:19

Tunglam vanah a lamdangte le nuailam leitungah limte le sisan le mei le meikhu sahpite ka lak ding hi.

Nasepte 2:43

Mi khempeuh in lamdang sa mahmah uh a, sawltakpite in alamdang tampi le apiandang limte a bawl uh hi.

Nasepte 3:6

Tua ciangin Peter in, "Kham ahi-a ngun ahi zongin ka nei kei hi. Ahi hangin ka neih pen nang kong pia hi. Nazareth mi Jesu Christ minin lam pai in," a ci hi.

Luke 18:37

Amaute in ama kiangah, "Nazareth mi Jesu in hong nawk laitak hi," ci-in a gen uh hi.