Nasepte 2:1 - Zokam International Version

¹ Pentecost ni a tun ciangin amaute a vekpi un mun khatah a om khawm uh hi.

LAISIENGTHOU CL Bible (BSI)

¹ Tualeh Pentikos ni ahing tunin a bawn un mun khat ah lungsim mun khat puoin a umkhawm uhi.

Zo Bible

¹ Pentecost ni a tun ciengin mun khatah amate a unpi-un a omton uhi.

Nasepte 2:1 ပူးပေါင်းရင်းမြစ်များ

2 Khangthute 30:12

TOPA kammal zui-in kumpipa le a uliante thupiaksa a tangtun nadingin Judah sungah zong Pasian khut in kigawm khawm nopna lungsim a guan hi.

2 Khangthute 5:13

Lasate le pengkul mutte aw khata gingin TOPA tungah lungdam ko ding le a phat dingin a kigawm uh hi. Pengkulte, daltuahte le a dang tumtheihte kipawlkhawm uh a, a aw uh sangsakin: "Amah hoih hi; ama itna kip tawntung hi," ci-in TOPA phatna a sa uh hi. Tua ciangin TOPA biakinnpi meii tawh kidim a,

Phatna-late 133:1

Sanggamte kithutuakin a tenkhawm uh ciangin hoih in noptuak mahmah si e!

Paikhiatna 23:16

"Lo sunga na tuh uh gahmasate tawh Anlak Pawi na bawl ding uh hi. "Lo-a ansang kaihkhop khit kum bei ciangin Ansangkhum Pawi na bawl ding uh hi.

Paikhiatna 34:22

"Mangbuh a gahmasa pen tawh Nipikalte Pawi le kum kihei hun b ciangin Ansangkhum Pawi na bawl ding uh hi.

Jeremiah 32:39

Amaute hoih nading, amau nunga a tate uh hoih nading le kei hong kihtak tawntung nadingun lungsim khat le gamtatna khat ka guan ding hi.

Zephaniah 3:9

Tua ciangin amaute khempeuh in TOPA min lo in liangko kinawkin a na a sep theih nadingun mite muk ka siangthosak ding hi.

Nasepte 1:5

Ahang in, John in tui-ina hong baptise hi. Ahi hangin ni tawmkha khit ciangin Khasiangtho-in na kibaptis a ding uh hi," ci-in thu a pia hi.

Nasepte 1:8

Ahi hangin note tungah Khasiangtho hong tun ciangin vangliatna na ngah ding uh a, Jerusalem, Judea gam, Samaria gam khempeuh le leimong dongah ka tecite na hi ding uh hi," a ci hi.

Nasepte 2:46

Nisimin biakinnpi huangte sungah a kithuah khawm ngitnget uh hi. Amaute innah anlum balkhamin lungdamna le itna lungsimtak tawh nekhawm uh a,

Nasepte 20:16

Paul in a hi theih le Pentecost ni lap nuam ahi manin Asia gam sungah ahun zang khin loin, Ephesus khengsuakin a manlangin Jerusalem tun a sawm hi.

Nasepte 4:24

Amaute in hih thu a zak uh ciangin a aw uh sangsakin Pasian kiangah thu a ngen khawm uh hi. Amaute in, "Thuneipipen Topa aw, vantung, leitung, tuipite le a sunga omte khempeuh na bawlsa ahi hi.

Nasepte 4:31

Thu a nget khit uh ciangin amau te kikhopna mun a ling hi. Amaute khempeuh Khasiangtho tawh kidim uh a, Pasian thu hangtakin a gen uh hi.

Nasepte 4:32

Thu-umte khempeuh, lungsim le ngaihsutna kikhatin a om uh hi. Amau neihsate kuamah in aituamin nei lo uh a, ahi hangin a neih khempeuh uh a neikhawm uh hi.

Nasepte 5:12

Sawltakpite in mite lakah lim lam dang le a lamdang tampi a bawl uh hi. Thu-umte khempeuh Solomon Talap ah a kituahkhawm zel uh hi.

Rome-te 15:6

Tua hileh lungsim khat le kam khat tawh i Topa Jesu Christ Pasian le Pa na minthangsak thei ding uh hi.

1 Corinth-te 16:8

Ahi hangin Pentecost ni dong Ephesus ah ka taam ding hi.

Philippi-te 1:27

Bang khatpeuh piang ta leh, Christ lungdamna-thu tawh a kilawm in, ki-ukin na gamta un. Tua hileh hong hawhin note kong mu a, ka om loh kalin note thu ka galzak zongin lungdamna-thu upna hu in, lungsim kikhatin na dingkip uh cih ka thei ding hi;

Philippi-te 2:2

lungsim kibangin om a, itna kibang nei in, lungsim le tupna kikhatin na omna uh tawh ka lungnopna na kimsak un.