Nasepte 19:9 - Zokam International Version

⁹ Ahi hangin amaute pawlkhat phengphi uh a, um nuam loin mipi mai-ah Lampi thu a gensia uh hi. Tua ciangin Paul in amaute a nusia hi. Amah in nungzuite paikhiatpih a, Tyrannus-te thugenna innpi sungah nisimin thu a kikuppih hi.

LAISIENGTHOU CL Bible (BSI)

⁹ Hinanleh pawlkhatte kilungkhausah in agingta ut sih ua, mipite mai a tua Lampi agensiet tahun, Paul in amauh apeisan a, nuazuite azawpi a, Tiranus sekul ah nisim in thu akikuppi hi.

Zo Bible

⁹ Mi pawlkhat a lung uh khau a, amate in um nuom loin mipite mai-ah tua Lampi thu a gensiet ciengun amate kung panin nuazuite tawh Paul kihem dawhin Tyrannus thuhilna innpi sungah nisielin thu a kikuppi hi.

Nasepte 19:9 ပူးပေါင်းရင်းမြစ်များ

2 Kumpite 17:14

Ahi hangin amaute in thu ngai lo uh a, TOPA amaute Pasian a muang lo a pate uh bangin ngawng khauh uh hi.

2 Khangthute 30:8

Na pate uh bangin ngawngkhauh kei un; TOPA tungah kipumpiak un. Amah in a tawntung adingin a apsa munsiangtho hong zuan un. Note panin a hehluatna a kiheimang theih nadingin TOPA note Pasian na sem un.

2 Khangthute 36:16

Ahi hangin TOPA thangpaihna mite tungah tungin a kidamsak zawh loh dong amaute in Pasian kamtaite zahko-in a kammalte simmawh uh a, ama kamsangte a zahpih uh hi.

Nehemiah 9:29

"Na thukham lama a kihei nadingun na vauhilh hangin kiphasak lua uh a, na thupiak a mang kei uh hi. Mi khat in a zuih leh a nungtasak thei na ngeinakipte tungah a mawh uh hi. Phengphi in nang hong nungngatsan uh a, ngawngkhauhin na thu a ngai kei uh hi.

Phatna-late 95:8

Meribah a a na hih bang uh leh sehnel-gam Massah b a na om ni-ua na hih bangun na lungsim uh khauhsak kei un;

Paunakte 8:34

Ka thu ngai-a ka kongkhakte nisimin vila, ka kongvang ah a ngak mi thupha ngah ahi hi.

Isaiah 8:14

amah biakbuk suakin ahi hangin Israel innkuante adingin mite kimuktukna suang le amaute kipalpukna suangtum a hi khawm ding hi. Tuateh Jerusalem mite adingin thang le thangzak a suak ding hi.

Jeremiah 19:15

‘Hih in Israel Pasian Thahatpen TOPA gen ahi hi: ‘Ngai un! Amaute ngawng khauh uh a, ka thugente ngai lo uh ahi manin hih khuapi le a kima om khuaneute tungah amau tungah tunsak dinga ka gensa gimna ka tungsak ta ding hi,’ ci hi," a ci hi.

Jeremiah 7:26

Ahi hangin amaute in ka thu ngai lo uh a, zong hong thusim kei uh hi. Amaute a ngawng uh khauh a, a pute uh sangin a siazaw-in gamta uh hi,’ ci hi.

Matthew 15:14

Amaute thudon dah lel un; amaute, mittaw lamhilhte f ahi uh hi. Mittaw khat in mittaw dang khat makaih leh a nih un kawhawm sungah kiakhawm ding uh hi," ci-in a dawng hi.

Matthew 16:4

A tatkhel le angkawmhat hih khang mite in lim lamdang a zon uh hangin Jonah lim longal adang khat beek a kilak kei ding hi," ci-in a dawng hi. Tua ciangin Jesu in amaute nusia in a paikhia hi.

Matthew 26:55

Tua laitakin Jesu in mihonpite kiang ah, "Kei man dinga namsau le khetbuk tawh nong kuan uh, kumpi langpangte makai ka hi hiam? Nisimin biakinnpi tualte ah thu ka hilh laitakin nong man kei uh hi.

John 12:40

"Amah in amaute mit tawsakin, a lungtangte uh sisak hi, tua ahi manin a mit uh tawh bangmah mu thei lo uh a, a lungtang uh tawh zong bangmah theitel thei loin a kihei thei kei uh hi - tua hi kei leh amaute ka damsak kha ding hi," c ci hi.

Nasepte 11:26

amah a muh ciangin Antioch ah a paipih hi. Tua hi-a Barnabas le Saul tua lai-a pawlpi tawh kum khat vilvel kikhawl uh a, mi tampitak thu a hilh uh hi. Antioch ah nungzuite, Christian-te a kici masa pen hi.

Nasepte 14:4

Khuapi mite kipawl khen uh a, pawlkhatte Jew-te lamah pangin adangte sawltakpite lamah a pang uh hi.

Nasepte 17:4

Jew-te pawlkhat kithuzawha Paul le Silas a pawl uh hi; tua mah bangin Pasian kihta Greek-te tampitak le a kipi-et numei a tawm het lo in a pawl uh hi.

Nasepte 19:23

Tua hun pawlin Lampi thu tawh kisai buaina lianpi khat a piang hi.

Nasepte 19:30

Mihonpite mai-ah Paul kilaak nuama, ahi hangin a nungzuite in a phal kei uh hi.

Nasepte 20:31

Tua ahi ciangin kigalging un! Kum thum sung khawl lo-a, sun tawh zan tawh khitui luanga note a milip tunga kong vauhilhna ciamteh un.

Nasepte 22:4

Hih Lampi thu a zuite a sih dongun ka bawlsia a, numei hi ta leh pasal hi ta leh manin thong sungah ka khum hi.

Nasepte 24:21

Amaute mai-a ka din lai-a: ‘Misite thawhkikna thu tawh kisai-in tuni-in note mai-ah thusitna ka thuak hi,’ ka cih hoh ahi kei buang leh," ci-in a gen hi.

Nasepte 28:22

Ahi hangin mun khempeuh ah mite in, hih biakna pawltuam thu a langpan uh thei ka hi manun nang bang na ci muh hiam, ka za nuam uh hi," ci-in a dawng uh hi.

Nasepte 7:51

"No a genhak mite, lungtang le bil vun-at lohte! Na pate uh tawh na kibang tektek uh hi. Note in Khasiangtho na nang ngitnget uh hi!

Nasepte 9:2

Lampi thu a zui mi a muh nak leh numei ahi a pasal ahi zong in Jerusalem ah thong a khiat theih nadingin Damascus a synagogue-te a, a lah ding lai a ngen hi.

Rome-te 11:7

Tua ahileh bang ahi hiam? Israel-te in kuhkaltaka a zon uh mu lo uh a, ahi hangin a teelte in a ngah zo uh hi. Adangte kisak sak lai-a,

Rome-te 9:18

Tua ahi manin Pasian in a lainat nopte tungah lainatna nei-a, a lungkhauhsak nopte a lung khauhsak hi.

1 Corinth-te 16:9

Bang hang hiam cih leh kei adingin a lawhcin huai nasep theihna kong lianpi khat hong kihon zo hi. Ahi zongin kei hong langpan tampi a om hi.

1 Timothy 6:5

le lungsim sia mite kikalah kinawt ngitngetna a piangsak hi; amah thutak paii lo le pasian-mina, summet bawl nading beka a ngaihsun pa ahi hi.

2 Timothy 1:15

Phygelus le Hermogenes-te zong kihel in, Asia gama omte khempeuh in kei hong taihsat lam na thei hi.

2 Timothy 3:5

pasian-mina lim nei napi a, a vangliatna a nialte hi ding uh hi. Amaute tawh kisawhkha kei in.

2 Timothy 4:2

Thu hilh in; ahun ahi-a, ahun ahi kei zongin kigingsa-in om in; kuhkaltak le kidawm mahmah kawmin lam lakin, bawlpha in, tai-in, hanthawn in.

Hebrews 3:13

Ahi hangin tuni a kici sungin mawhna’ khemhatna hangin kuamah in a lungsim a khauhsak loh nadingin nisimin khat le khat na kihan thawn un.

2 Peter 2:12

Ahi hangin hih mite in a theihtel loh uh thute tawh a daisak uh hi. Amaute, man-a siatsak ding bek-a, suak a ngongtat gamsate bangin ganhing lungsim neite hi uh a, gamsate mah bang in amaute zong a mangthang ding uh hi.

2 Peter 2:2

Mi tampi in a zumhuai amau makaihna lam zui ding uh a, thutak lampi minsiasak ding uh hi.

Jude 1:10

Tua hi napi hih mite in a theihtel loh peuhpeuh uh gensia-in, a theihtelsate uah lah, a ngaihsun thei lo gamsate bangin hih uh a, hih nate mahmah in amaute a susia hi.