Nasepte 17:32 - Zokam International Version

³² Amaute in misi thawhkikna thu a zak uh ciangin pawlkhat in zahpih uh a, ahi hangin adangte in, "Hih thu tungtang na gen ka za kik nuam uh hi," a ci uh hi.

LAISIENGTHOU CL Bible (BSI)

³² Amauten mishi thawkiana thu azah tah un, Pawlkhat in anuisat ua, pawlkhat in lah “Tam thu nanga kipat ka ngai nuom nalai uhi,” achi uhi.

Zo Bible

³² Amate in a sisa mite thawkiana thu a zah ciengun pawlkhat in a simmawbawl uhi; ahi vangin adangte in, “Tami thu khatvei za nuom lai ung,” a ci uhi.

Nasepte 17:32 ပူးပေါင်းရင်းမြစ်များ

Nasepte 26:8

Bang hangin note khatpeuh in, Pasian in misite thosak, cih uphuai lo a ngaihsun ding na hi uh hiam?

Nasepte 17:18

Epicurea le Stoic thuguizuihte honkhat amah tawh a kisel uh hi. Amaute pawlkhat in, "Hih kam theipa in bang gen nuam ahi hiam?" ci-in a dong uh hi. Paul in lungdamna thu ahi Jesu thu le thawhkikna thu hilh ahi manin a dangte in, "Amah in gamdang pasiante a gum hileh kilawm," a ci uh hi.

2 Corinth-te 6:2

Ahang in amah in, "Kong angvan hunin note kong za a, hotkhiatna ni-in note kong huh hi," b ci hi. Pasian angvan hun tuhun hi-a, hotkhiatna ni tuni ahi hi, cih kong gen hi.

Nasepte 25:19

Tua sangsik in, amau biakna thu le Jesu kici mi sisa khat, Paul in nungta hi, a cih thu tawmkhat kitotpih uh ahi hi.

Nasepte 24:25

Paul in, thumaanna, ei le ei pumpi ki-ukna le hong tung ding thukhenna thute a gen ciangin Felix lau a, "Pha zo! Ciah ta in. Hun hoih ka sak ciangin kong sam kik ding hi," a ci hi.

Nasepte 2:13

Ahi zongin mi pawlkhatte in amaute nuihsan in, "Lenggahzu tam dawn lua ta uh hi," d a ci uh hi.

1 Corinth-te 4:10

Christ adingin kote a hai ka hi uh a, ahi hangin note Christ sungah na pil mahmah uh hi! Kote ka thanem uh a, note na thakhauh uh hi! Note hong kipahtawi-a, kote hong kisimmawh hi!

Nasepte 17:31

Ahang in, amah in a sehkholhsa mipa zangin thumaan tawh leitung mi khempeuh thu a khen ni ding sehkhol khin zo hi. Hih thu amaanna mi khempeuh tungah a lahna-in, amah misi pan a thokiksak hi," a ci hi.

Luke 14:18

"Ahi hangin a khohsate in a kibangin paulap a nei ciat uh hi. A masa pa in, ‘Lo khat a lei khin phet ka hi a, pai-in tua lo ka et kul hi. Nong hehpihna-in hong pengsak in,’ ci hi.

2 Khangthute 36:16

Ahi hangin TOPA thangpaihna mite tungah tungin a kidamsak zawh loh dong amaute in Pasian kamtaite zahko-in a kammalte simmawh uh a, ama kamsangte a zahpih uh hi.

1 Corinth-te 1:23

Ahi hangin kote in Jew-te adingin kisuih khakna suang, Gentile-te adingin haina ahi, a kikilhlum Christ thu ka hilh uh hi.

Nasepte 13:41

"‘No mizahpih hatte aw en un lamdang sa unla mangthang un; ahang in, mi khatpeuh in hong gen taleh na up ngei loh ding uh na khat, na nuntak sungun ka hih ding hi,’ f ci hi," a ci hi.

Hebrews 13:13

Tua ahi ciangin ama thuak maimawkna thuak dingin giahphual pua ama kiangah pai ni.

Hebrews 11:36

Adangte sikkhainiang tawh kikhihin thong sungah a kikhum laitakin pawlkhatte in ciamnuih bawlna le sat gawpna a thuak uh hi.

Luke 23:36

Galkapte zong paito uh a, amah a zahko uh hi. Amaute in amah lenggahzu thuk pia-in ama kiangah,

Luke 23:11

Tua ciangin Herod le a galkapte in amah ciamnuih-bawlna in nei uh a, a zahko uh hi. Amah kumpi puan hoih mahmah khat silhsakin Pilate kiangah a puak kik uh hi.

Luke 22:63

Jesu a cingte in zahko in a sat uh hi.

Piancilna 19:14

Tua ciangin Lot paikhia-a, a tanute a tenpih a dinga a dongsa a mak dingte a va hopih hi. Amah in, "Manlangtakin hih mun pan paikhia un, bang hang hiam cih leh TOPA in i khuapi susia dekta hi!" a ci hi. Ahi hangin a mak dingte in a ciamnui-in a ngaihsun uh hi.

Nasepte 17:33

Tua laitakin Paul in tua kikhawmte a nusia hi.

1 Corinth-te 15:12

Ahi hangin misi panin Christ kithosak hi, ci-in kihilh ahileh bangci bangin note pawlkhat in misi thawhkikna om lo hi, ci thei ahi hiam?