Nasepte 13:23 - Zokam International Version

²³ "Pasian in hih mipa suan le khakte panin Israel-te kianga a ciamsa bangin Honpa Jesu a puak hi.

LAISIENGTHOU CL Bible (BSI)

²³ Tam David hahlesuonte lah ah Pasian in athuchiemsa dungzuiin Israelte kungah Hundampa Jesu atung dingta hi.

Zo Bible

²³ Pasien in a kamciemsa bangin tam mipa’ suonlehlahte sung panin Israel mite tungah Gumpa Jesu a piengsah hi.

Nasepte 13:23 ပူးပေါင်းရင်းမြစ်များ

2 Samuel 7:12

Na nite bei-in na pate tawh na khawlkhawm ciangin na zalaih ding nangma suan nang sunga piang dingte mah ka lamto dinga ama kumpi-gam ka phutkip ding hi.

Phatna-late 132:11

David tungah TOPA kiciam a, a khel kik loh ding thu ciamin: "Nangma suante khat na kumpi tokhom ka luahsak ding hi -

Isaiah 11:1

Jesse bulpi panin hiang khat selkhia dinga, a zungte lak pan a Hiang khat in gah a gah ding hi.

Isaiah 11:10

Tua ni ciangin mite dialkhai bangin Jesse Zungpi ding dinga, minam khempeuh in amah beelin ama khawlna mun a minthang ding hi.

Isaiah 43:11

Kei, keimah TOPA longal honpa dang a om kei hi.

Isaiah 45:21

Bang piang ding hiam genkhia-in thu sung un - amaute kikumkhawmsak un. hih thu sawt pekin kua in genkhol a, hun beisa lai-in kua in genkhia ahi hiam? a genkhia keimah TOPA hi lo ka hi hiam? Keimah Pasian longal a thumaan Pasian le Honpa dang kuamah a om kei hi; kuamah om lo hi, keimah ka hi hi.

Isaiah 7:13

Tuateh Isaiah in, "No David innkuante aw, za un! Mihingte lungduaina na zia-et uh kicing sa nai lo na hi uh hiam? Ka Pasian lungduaina zong zia-et lai ding na hi uh hiam?

Jeremiah 30:9

Tua tangin amaute Pasian TOPA le amaute adingin ka laptoh a kumpipa uh David na a sem ding uh hi.

Amos 9:11

"Tua ni ciangin a puksa David puanbuk angei ka bangsak kik ding hi. A kisiatna mun teng ka puah dinga, a sia teng angei bangin a kizang thei kik dingin ka lam ding hi.

Zechariah 9:9

Zion Tanu aw, nuam mahmah in! Jerusalem Tanu aw, kiko in! En in, na kumpipa b na kiangah thumaanna le hotkhiatna kengin migi-in laa tungah, sin nai loh, laapi ta laano tungah hong tuang hi.

Matthew 1:1

Abraham suan David tapa Jesu Christ khang ciamtehna:

Matthew 1:21

Tapa khat a nei ding hi; tua tapa in ama mite a mawhna uh panin honkhia ding ahi manin a min Jesu b na phuak in," a ci hi.

Matthew 21:9

A nung le a mai-a pai mihonpite in, "David Tapa tungah Hosanna! b "Topa mina hong paipa in thupha a ngah hi!" c "A sang penna munah Hosanna!" d ci-in a awng uh hi.

Matthew 22:42

"Christ d bangin na ngaihsun uh hiam? Amah kua tapa ahi hiam?" ci-in a dong hi. Amaute in, "David tapa ahi hi," a ci uh hi.

Luke 1:69

Ama nasem David suan sung panin eite ading, hotkhiatna ki a khat hong potosak a,

John 4:42

Amaute in tua numei kiangah, "Nang hong genna hang bek-a um ka hi nawn kei uh a, ko mahmah in tu-in ka za uh a, hih mipa, leitung Honpa taktak hi, cih ka thei uh hi," a ci uh hi.

John 7:42

‘Christ pen David innkuan b pan le David tenna khuapi Bethlehem pan hong pai ding hi,’ ci-in Laisiangtho in gen hi lo ahi hiam?" a ci uh hi.

Nasepte 13:32

"Kote in note tunga kong gen uh lungdamna thu: Pasian in i pate tunga a kamciamsa,

Nasepte 2:30

Ahi hangin amah kamsang khat hi-a, Pasian in kiciama, ama suante sung pan khat ama kumpi tokhoma, a tutsak ding a kamciamsa a thei hi.

Nasepte 3:26

Pasian in a nasempa a khankhiatsak ciangin note, na tatsiatna panun na vekun kikhelin thupha hong piak theih nadingin note kiangah hong sawl masa hi," a ci hi.

Nasepte 4:12

Midang khat beek sungah hotkhiatna a om kei hi. Ahang in, eite kihotkhiat nading van kikhupsin nuai-a mihing tungah a kipia, min dang a om kei hi," a ci hi.

Rome-te 1:3

a Tapa tawh kisai lungdamna-thu, amah mihing pianngei-a David suan,

Rome-te 11:26

Tua hi-a: "Zion panin tanpa hong pai ding hi; amah in Jacob panin pasian-milohna a hemkhia ding hi.

Titus 1:4

Eite in i upkhawm upna sunga ka tapa taktak Titus tungah: Pa Pasian le eite Honpa Christ Jesu pana hehpihna le lemna hong tung ta hen.

2 Peter 1:1

Jesu Christ nasem le sawltakpi Simon Peter in, Eite Pasian le i Honpa Jesu Christ thumaanna tungtawnin kote aa banga a manpha upna a ngahte tungah:

2 Peter 1:11

eite Topa le Honpa Jesu Christ tawntung kumpi-gamah note thupitakin hong kimuak ding hi.

2 Peter 2:20

Eite Topa le Honpa Jesu Christ a theihna uh hangin leitung siatna pan suakta khin napi, tua lai mah ah awk kikin a pianzia nunung, a masa sangin a sia zawtham hi.

2 Peter 3:18

Ahi hangin i Topa le Honpa Jesu Christ hehpihna le theihna-ah na khangto un. Ama tungah tu le a tawntungin minthanna om ta hen! Amen.

2 Peter 3:2

A beisa huna kamsang siangthote thugente le na sawltakpite uh tungtawna, i Honpa le Topa in a thupiakte na phawk kik ding uh ka deih hi.

1 John 4:14

Tua hi-a Pa in leitung Honpa dingin ama Tapa hong sawl zo hi, cih eite in i mu khin a, teci i pang hi.

Jude 1:25

eite Honpa Pasian khat bek tungah i Topa Jesu Christ tungtawnin minthanna, thupina, vangliatna le thuneihna, khang hun khempeuh ma, tu laitak le a tawntung in om ta hen! Amen.

Kilaakna 22:16

"Keimah Jesu in, pawlpite ading in hih teci panna nang b tunga gen dingin ka vansawltak kong sawl zo hi. Kei in David Zungpi le ama Suan le a tangpha Zingsol ka hi hi."