Nasepte 12:7 - Zokam International Version

⁷ Thakhatin Topa vansawltak khat kilanga, thong inn sung teng khuavak in a tan hi. Amah in Peter a pang bengin a phawng hi. Amah in, "Manlang in, tho in!" ci-a Peter khutdawh pan sikkhainiangte a kitolkhia hi.

LAISIENGTHOU CL Bible (BSI)

⁷ Ngai vawi, Mangpa vansawlsieng khat akungah ahing dinga, suongkul sungah vah ahing taangta a, vansawlsiengin Peter pang bengin aphawng a, “Kintahin thou in,” achi a, tualaitahin asia khainieng bute akhut apat aketa hi.

Zo Bible

⁷ Topa’ vantungmi khat thakhatin kilang a, thong inn sung teng khuovah khat in a tanvah hi. Vantungmi in Peter a pang behpieh a, “Mallangin tho in,” ci-in a phong leh a khuta siakhaute a kiphelmang hi.

Nasepte 12:7 ပူးပေါင်းရင်းမြစ်များ

2 Samuel 22:29

TOPA aw, nang ka meivak na hi hi; TOPA in ka khuamial khuavak a suaksak hi.

1 Kumpite 19:5

Tua ciangin amah sing nuai-ah lumin a ihmu hi. Tua khit phetin vansawltak khat in amah lawnga, "Tho inla ne in," a ci hi.

1 Kumpite 19:7

TOPA vansawltak a nihveina pai kik a, amah lawng in, "Na pai nading gamla lua hi, tho inla ne in," a ci hi.

Phatna-late 107:14

Amah in khuamial lak le miallak thukpi panin amaute lakhia a a sikkhainiangte uh a suktatsak hi.

Phatna-late 116:16

TOPA aw, nangma nasem ka hi taktak hi; keimah na nasem, na nasemnu’ c tapa ka hi hi; ka sikkhainiangte panin kei nong khahkhia hi.

Phatna-late 146:7

Amah in a kinengniamte’ thu lenkip-a, a gilkialte an a pia hi. TOPA in thongkiate khahkhia in,

Phatna-late 34:7

TOPA a kihtate kimkot ah vansawltak in giahphual sat-a, amaute hukhia hi.

Phatna-late 68:6

Pasian in a tangsamte innkuan b guan a, thongkiate lasa kawmin a pusuaksak hi; ahi hangin a lehdote nisa katkeuna gamah a tengsak hi.

Isaiah 37:30

Hezekiah aw, hih in nang adingin lim ahi ding hi: "Tu kumin anli pote na ne ding uh a, a kum nihna ah tua bangmah na ne ding uh hi. Ahi hangin a kum thumna kumin vawhin na at ding uh a, lenggui suanin a gah na ne ding uh hi.

Isaiah 60:1

"Na khuavak hong tung zo-a, tho inla tang in; TOPA minthanna nang tungah hong suak ta hi.

Jeremiah 40:1

Kumpi cing galkapmang Nebuzaradan in Jerusalem le Judah pana Babylon ah sal-a kikaite lakah sikkhainiang khihsa-a om Jeremiah a muh ciangin Ramah ah a khahkhia hi. Tua khitin Jeremiah tungah TOPA thu a tung hi.

Ezekiel 43:2

nisuahna-lam pana hong tung Israel-te Pasian minthanna ka mu hi. Ama awging tuizeu hawk tawh kibanga a minthanna in leitung a taan hi.

Daniel 3:28

Tua ciangin Nebuchadnezzar in, "Shadrach, Meshach le Abednego-te’ Pasian, a vansawltak sawl-a, a nasemte a hukhiapa kiphat ta hen! Amaute in amah muang uh a, kumpipa thupiak nialin amau Pasian longal Pasian dangte na sep ding le biak ding sangin singam zaw uh hi.

Daniel 6:22

Ka Pasian in a vansawltak hong sawlin amah in humpinelkaite kam a humsak hi. Ama muhna ah mawhpeng ka hi manin hong liamsuah kei uh hi. Tua tham loin kumpipa aw, na mai-ah bangmah ka khial kei hi," a ci hi.

Micah 7:9

Ama langkhat ah ka mawh hangin ka thu hong thumsak mateng TOPA thangpaihna ka thuak dinga amah in kei hong diksak ding hi. Amah in khuavak ah kei hong puakkhia dinga thumaan ka mu ding hi.

Habakkuk 3:11

Na thaltangte a len zalzalna, na teipite khuaphia bangin a tee zalzalna vante ah, ni le kha a khawlcip hi.

Habakkuk 3:4

Ama thupina nisuak tawh kibang hi; ama khut panin nizangte tangkhia hi, ama vangliatna tua ah kisel hi.

Matthew 2:13

Amaute a ciah khit uh ciangin Joseph mang sungah Topa vansawltak khat a kilang hi. Amah in, "Tho inla naungek le a nu Egypt ah taipih in. Herod in naungek thah dingin zong ding ahi manin, kong hilh kik mateng tua lai-ah va om un," a ci hi.

Luke 2:9

Amaute kiangah Topa vansawltak khat kilanga, amaute kimkotah Topa minthanna tangin a lau mahmah uh hi.

Luke 24:4

Hih thu ah amaute lungmangin a om laitakun, a puante uh khuaphialep banga tee zalzal pasal nih a gei uah thakhatin a ding hi.

Nasepte 10:30

Cornelius in, "Nung ni li lai-in, ka inn sungah nitak lam nai thum, tu hunin thu ka ngen hi. Thakhatin ka mai-ah puan atang selsal a silh mi khat hong dinga,

Nasepte 12:23

Herod in, Pasian phatna pia lo ahi manin Topa vansawltak khat in, amah sattukin than in ne-a a si hi.

Nasepte 12:6

Herod in thukhen dinga lakkhiat a sawm ni ma zanin, galkap nih kikalah Peter luma, sikkhainiang nihin kikhihin, a cingte in kong a cing uh hi.

Nasepte 12:8

Tua ciangin vansawltak in a kiangah, "Na puante silh in, na khedapte bulh in," a ci hi. A cih bangin Peter in a hih hi. Vansawltak in, "Na puantualpi silh inla kei hong zui in," ci-in a gen hi.

Nasepte 16:26

Thakhatin zin nakpi-in linga, thong inn bulpi a kilok hi. Thakhatin thong kong khak khempeuh kihonga, mi khempeuh kikhihna sik khainiang khempeuh kitolkhia hi.

Nasepte 2:24

Ahi hangin sihna in amah lenden zo lo ahi manin, Pasian in misi pan thokiksak a, sih gentheihna pan a suaktasak hi.

Nasepte 5:19

Ahi hangin Topa vansawltak khat in zan laitakin thong kongkhakte hongin a paikhiatpih hi.

Nasepte 9:3

Amah zinkhia a, Damascus a tun dektak laitakin vantung panin khuavak khat in a kimkot a tanzal hi.

Ephesa-te 5:14

Ahang in, na khempeuh a kimu theisak khuavak ahi hi. Hih thu hangin: "Ihmu mi aw, khanglo in, misi panin tho in, tua hileh nang tungah Christ a tang ding hi,"a na ci hi.

Hebrews 1:14

Vansawltakte khempeuh, hotkhiatna luah dingte nasem dinga, kisawl khate hi lo ahi hiam?

Kilaakna 18:1

Hih teng khit ciangin vansawltak adang khat, vantung pan hong paisuk ka mu hi. Amah in thuneihna lianpi nei-a, a thupina in leitung a tangsak hi.