Nasepte 12:4 - Zokam International Version

⁴ Amah a mat khit ciangin thong sungah khuma, galkap li-a kipawl, pawl lite cin dingin a ap hi. Herod in, Paisan Pawi a ven cianga mipite mai-ah thukhen dingin lakkhiat a sawm hi.

LAISIENGTHOU CL Bible (BSI)

⁴ Tuachia Peter amat tahin suongkul ah akhum a, galkap lili a kipawl pawl li in aveng sah a, peikan pawi zou chienga mipite kunga puidoh a sawm hi.

Zo Bible

⁴ Ama a mat zaw ciengin ama in thong sungah khum a, Peisan Pawi a ven ciengin mipi mai-a peipi dingin li ta-a om galkap pawl lite’ cin dingin ap hi.

Nasepte 12:4 ပူးပေါင်းရင်းမြစ်များ

Esther 3:13

Kumpipa gam sung khempeuhah kha sawm le nihna Adar kha a ni sawm le thumna ni, ni khat bek sungin Jew-te a khangmoi, a khangham, numei le naupangnote thatin kisumaimang dinga a neihsate uh kilaksak ding hi, cih thu laitaite a kipuaksak hi.

Paikhiatna 12:1

Egypt gam sungah TOPA in Moses le Aaron kiangah,

Paunakte 19:21

Mihing lungsim in tampi geel-a, ahi zongin TOPA ngaihsut mah taksuak hi.

Paunakte 27:1

Zingciang kimasialhpih kei in, ahang in ni khat in bang piang ding cih na thei kei hi.

Tamlawhna 3:37

Topa sehkholh lohpi-in kua pau thei a, a ma gen bangin piang thei ahi hiam?

Matthew 24:9

"Tua ciangin note bawlsiat ding le thah dingin hong kipiakhia dinga, keima hangin minam khempeuh in note hong mudah ding uh hi.

Matthew 26:5

Ahi hangin, "Mipite hong so kha ding ahi ciangin Pawi sungah hih kei ni," a ci uh hi.

Mark 14:1

Tu-in Paisan-pawi le Silngo-sawhloh Anlum Pawi ding ni nih bekin a sap laitakin, siampi makaite le thukham siate in, Jesu mansima thahlup theih nading lampi a zong uh hi.

Luke 21:12

"Ahi hangin hihte a pian ma-in amaute in note tungah a khut uh hong nga-in hong bawlsia ding uh hi. Keima min hangin amaute in note synagogue-te le thongte ah hong tun ding uh a, kumpite le gam-ukte mai-ah hong paipih ding uh hi.

Luke 22:33

Ahi hangin amah in, "Topa aw, nang tawh thong kiakhawm ding ahi zongin, sihkhawm ding ahi zongin a kigingsa ka hi hi," ci-in a dawng hi.

John 19:23

Galkapte in singlamteh tungah Jesu a kilh uh ciangin a puansilhte la in phel li suah uh a phel khat ciatin tang uh a, a puan sungsilh a siit lai uh hi. A puan sungsilh pen a khuina om lo, alu pan ataw dong zang khata kiphan ahi hi.

John 21:18

Thutak kong geninah, na khangno zawk lai-in nang le nang kizemin na utna peuhah na pai hi. Ahi hangin na khangham ciangin na khutte zanin midang khatpeuh in nang hong zem dinga, na pai nop lohna pi-ah hong paipih ding uh hi," a ci hi.

Nasepte 12:3

Hih thu in Jew-te lung kimsak cih a muh ciangin Peter zong mat beh a sawm lai hi. Hih in Silngo-sawhloh Anlum Pawi huna thupiang ahi hi.

Nasepte 12:5

Tua dinga Peter thong sunga a khum ahi hi. Ahi hangin pawlpite in ama ading cihtakna tawh Pasian tungah thu a ngen uh hi.

Nasepte 4:28

Amaute in nang vangliatna le nang deihna-in a piang dinga a khentat kholsa bangin sem uh hi.

Nasepte 4:3

Amaute in Peter le John man uh a, nitaklam ahi manin a zingciang dong thong sungah a khum uh hi.

Nasepte 5:18

Amaute in sawl takpite man uh a, tangpi thong inn ah a khum uh hi.

Nasepte 8:3

Ahi hangin Saul in pawlpite suksiat ding a kipan hi. Inn khat pan inn khatah pai-in numei hitaleh pasal hitaleh kaikhia gawpin amaute thong ah a khum hi.