Nahum 3:5 - Zokam International Version

⁵ "Nang langah ka pang hi," Thahatpen TOPA in cikhia hi "Na maitang ah na nikte ka lemto ding hi. Na guaktanga na om lam minamte ka lak dinga, kumpi-gamte in na zumhuaina a mu ding uh hi.

LAISIENGTHOU CL Bible (BSI)

⁵ Galkapte Mangpa’n Ngai vawi, ka hing dou ahi achi hi, Na puonten na mailam ah ka hawh dinga, na saguohna namte ka musah ding hi. Na zumhuoina leenggam ten ka ensah ding hi.

Zo Bible

⁵ Nang kang langpan hi, Vanglien Topa in ci hi, na maitangah na nih ka lemto ding hi; tua hile minamte in guohtanga na opna le kumpi gamte in na zumhuoina kang ensah ding hi.

Nahum 3:5 ပူးပေါင်းရင်းမြစ်များ

Jeremiah 13:22

"Bang hangin hici-in kei tungah hong tung hiam?" ci-in na kingaihsut leh - na mawhna tampite hangin na niksing hong kibalkeksaka, na pumpi hong kibawlsia ahi hi.

Jeremiah 13:26

Na zahmawh a kimuh nadingin na niksing na maitang khuh dongin kong lemtohsak ding a —

Jeremiah 50:31

"A kiphasaknu aw, en in na dan tuah ding ani ahun tungta ahi manin na langkhat ah kei ka pang hi," Topa Thahatpen TOPA in cikhia hi.

Ezekiel 16:37

Tua ahi ciangin na itte, nuam na kisakpihte, le na muhdahte na itte tawh a kibangin ka kaikhawm dinga na kimkot ah omsakin amaute mai-ah na puan kong hawkkhiatsak dinga na selsim khempeuh a mu ding uh hi.

Ezekiel 21:3

tuanu tungah: ‘Hih in TOPA gen ahi hi: Nang langkhatah ka pang hi. Ka namsau a paai panin ka dok dinga, misia le mipha kong bantan khawm ding hi.

Ezekiel 23:25

Haza a ka hehluatna nang tungah kong tungsak dinga a hehluatna uh nang hong thuaksak ding uh hi. Na nakte le na bilte atkhia in, tua khita om lai sunte namsau in a tuk ding uh hi. Na tanu na tapate uh lamang ding uh a, no a om laite mei-in hong haltum ding uh hi.

Ezekiel 23:29

Amaute in hong mudahin na thalawhsa khempeuh hong laksak ding uh hi. Na guaktangin hong hawm nusiat ding uh a, a maizumhuai na paktatna teng hong pholak ding uh hi.

Ezekiel 26:3

Tua ahi ciangin hih in Thupipen TOPA gen ahi hi: Tyre aw, nang langah ka pang hi. Nang langkhatah minamte tampi ka pangsak dinga tuipi hual khang a bang ding uh hi.

Micah 1:11

Shaphir e a tengte aw, guaktang le maizumsa-in paisuak un. Zaanan f a tengte, hong paikhia kei ding uh hi. Beth Ezel a thumthum hi; ama kidalna no na hi uh hi.

Nahum 2:13

Thahatpen TOPA in, "Keimah note langah ka pang hi. Na sakollengte uh meikhu lakah ka haltum dinga, na humpinelkai khanglaite uh namsau in a vatmai ding hi. Leitung ah na samatsa uh kong nusiat kei ding hi; na kamtaite uh awging a kiza nawn kei ding hi," a ci hi.

Habakkuk 2:16

Note, minthanna tangin maizumna tawh na kidim ding uh hi. Tu hun no hun ahi hi! Dawn unla kipholak un! g TOPA khut taklam pana hai no tung hong tung ta hi, na minthanna uh daina a suak ding hi.