Nahum 2:4 - Zokam International Version

⁴ Kongzing tengah sakolleng om zuahzuah a, tual-awng tengah suktai totai zalzal uh hi. Amaute meisel kuanglai tawh kibang uh hi; amaute khuaphia bangin kilek zakzak uh hi.

LAISIENGTHOU CL Bible (BSI)

⁴ Kidouna sakollengte kholai dung a, lam liente ah khat leh khat akiphutuo butbut uhi; Meisel kuong abang ua, tunphe bangin atai uhi.

Zo Bible

⁴ Gawldung cin tengah sakol leengte a mot tai vua, tuol-awng tengah amate suhtai totai kawikawi uhi; a melpuoh uh meisel kuong tawh kibang a, tunphe bangin a phe leplep uhi.

Nahum 2:4 ပူးပေါင်းရင်းမြစ်များ

Paunakte 31:21

A innkuanbup puansan guan zo ahi manin vuk a kiat hangin a innkuante ading a lunghimawh kei hi.

Isaiah 37:24

Na kamtaite zangin TOPA na zahkona na uanglua mahmah hi. Tuateh nang in, ‘Ka sakolleng tampite-in asanna mualdawnte le Lebanon mualdawn kui ah ka kahto khin hi; a tamtak sangpente a takkung hoih pente ka phuk khin hi. A sangpenna adawn kui-a tulak hoihpenna mun ka tung khin hi.

Isaiah 66:15

En un, mei tawisa-in TOPA hong pai a, ama sakollengte pingpei tawh kibang hi. A hehna in a thangpaihna hong puaksuk dinga, amah in meikuangin a taai ding hi.

Jeremiah 4:13

En un! Amah meii bangin hong kuankhia-a, a sakollengte pingpei bangin hong pai in, a sakolte, muvanlai sangin a manlang zaw uh hi. Gimna hong tung ei! A kisia hi ta hang ei!

Jeremiah 46:9

Sakolte aw, mainawt un! Sakolleng hawlte aw, lunghamsa-in nawh un! Galhangte - Cush a le Put mi lum tawite, thal kamsa-a om Lydia mite aw, mainawt un.

Ezekiel 23:24

Nang langkhatah amaute - galhiam a kengin sakolleng le van pua leng le mihon tampitak tawh hong kuan ding uh hi; amaute in nang langkhat mun citengah lum neu, lum lian le sik lukhute khusa-in panmun a la ding uh hi. Nang dan kong tuahsakna-in amaute tungah kong pia dinga, amau ngeina zui-in nang dan hong tuaksak ding uh hi.

Ezekiel 26:10

A sakolte tam lua mahmah dinga leivui in nang hong tuamcip ding hi. Kulh kiphuvang a mi a lut henhan bangin na kongpi-ah amah a lut ciangin sakol galkap, van pua lengte le sakol-leng huging in na kulh a lingsak ding hi.

Ezekiel 26:7

"Bang hang hiam cih leh hih in, Thupipen TOPA gen ahi hi: Tyre a kumpite kumpipa Babylon kumpipa Nebuchadnezzar a sim dingin leilu-lam panin galkap tampi, sakol, sakolleng le sakol galkapte tawh ka kuansak ding hi.

Daniel 11:40

"A bei ding hun ciangin Leitaw-lam kumpipa in kisim dingin thu zasak dinga, Leilu-lam kumpipa a sakol galkapte, sakolleng le gal tembaw tampi tawh a kuankhia ding hi. Gam tampi sim dinga tuikhang bangin a nawtmai ding hi.