Nahum 1:6 - Zokam International Version

⁶ Ama lunghamna kua in nangzo ding hiam? Amah hehluatna kua in thuakzo ding hiam? A thangpaihna mei bangin a sungkhia hi; ama mai-ah suangtumte kitamzan hi;

LAISIENGTHOU CL Bible (BSI)

⁶ A lungthahna masanga ding ngam ding koi ahiei? koi ahiei alungthahna zauhuoina thuoh zou ding? A lungthahna khu mei banga sunbuoh in aum a, tualeh suongpite Aman asepkehta hi.

Zo Bible

⁶ A thangpaina mai-ah koi ding zo ding ahei? A lungthahna koi in thuoh zo ding ahei? Meikuong bangin a thangpaina kisung a, ama ziehin suongpite a pawhkeh hi.

Nahum 1:6 ပူးပေါင်းရင်းမြစ်များ

1 Kumpite 19:11

TOPA in, "Paikhia in, TOPA omna mual TOPA in nawk ding ahi manin tua tungah ding in," a ci hi. Tua ciangin a lian a thakhauh mahmah huihpi in mualte semkham in, TOPA mai-a suangtumte pilhzansak a, ahi hangin huih lakah TOPA a om kei hi. Huih nun khit ciangin zin linga, ahi hangin zinling ah TOPA a om kei hi.

Job 26:11

Amah in vante a do khuampite tai-in a taihilh ciangin kiling hi.

Job 40:11

Na thangpaihna suahkhia inla a kiphasakte enin niamkhiat gawp dih in,

Job 9:5

Amah in mualte a theihloh kalun khin a, a heh suakin a lumlet hi.

Phatna-late 130:3

TOPA aw, mawhnate ciamteh lecin TOPA aw, kua in thuak zo ding hiam?

Phatna-late 2:12

Tapa nam un, tua hi kei leh amah heh kha dinga, ama thangpaihna thakhatin kuang thei ahi manin na lampi-ah hong susia kha ding hi. Amah a bel mi khempeuh thupha ngah ahi hi.

Phatna-late 76:7

Nangmah bek kihtak ding na hi hi. Na heh ciangin na mai ah kua ding thei ding hiam?

Phatna-late 76:8

Vantung panin thukhenna na genkhia a leitung lau-in dai khipkhep hi -

Phatna-late 90:11

Na hehna vangliatzia kua in thei ahi hiam? Ahang in na thangpaihna ahileh na kihtakhuai zah mah in lian hi.

Isaiah 10:16

Tua ahi ciangin Topa, Thahatpen TOPA in ama galhang tha hoihte tungah thabei natna a tungsak ding hi; ama thupina nuai-ah mei kuanglai bangin a kuang den ding hi.

Isaiah 13:13

Tua ahi ciangin Thahatpen TOPA thangpai a, ka hehna a kuan ciangin vante ka lingsak dinga leitung a omna munah a kilok ding hi.

Isaiah 27:4

Ka heh kei hi. Lingkungte le thangling kungte in kei hong maituah ta leh amaute phu in gal sungah ka pai teitei dinga; amaute khempeuh mei-in ka hal ding hi.

Isaiah 33:14

Zion-a mawhneite lau uh a; pasian-neilote a ling kauhkauh uh hi: "Eite kua a haltum mei tawh teng khawm thei ding i hi hiam? Eite kua a kuang tawntung mei tawh tengkhawm thei ding i hi hiam?"

Isaiah 66:15

En un, mei tawisa-in TOPA hong pai a, ama sakollengte pingpei tawh kibang hi. A hehna in a thangpaihna hong puaksuk dinga, amah in meikuangin a taai ding hi.

Jeremiah 10:10

Ahi hangin amaan Pasian TOPA hi a; amah a nungta Pasian, a tawntunga Kumpipa ahi hi. Amah a heh ciangin leitung kilinga, ama thangpaihna minamte in a nang zo kei uh hi.

Jeremiah 21:12

David innkuante aw, hih in TOPA gen ahi hi: "‘Zingsang simin thutangin thu khen unla, a nengniampa khut panin a kisutgawppa hukhia un; tua hi kei leh na bawlsa uh gitlohna hangin ka thangpaihna mei bangin kuang dinga kuamah in a sumit zo kei ding hi.

Tamlawhna 2:3

Heh mahmah a, Israel’ ki e khempeuh a attan hi. A sim dinga kuan galte a nai ciangin a khut a dokkik hi. Amah in meikuang bangin Jacob hal a, tua in a kima om na khempeuh a hultum hi.

Tamlawhna 2:4

Amah in gal bangin a thal kek a, a khut taklam kigingsa-in a om hi. Gal bangin a mit-a amuh thahhuai khempeuh a that hi; Zion Tanu’ puanbuk tungah a thangpaihna mei bangin a sung hi.

Tamlawhna 4:11

TOPA in a thangpaihna a vekin suahkhia ta hi, a heh luatna a sungkhia hi. Mei-in Zion hala a bulpite a kangtum hi.

Ezekiel 21:31

Note tungah ka thangpaihna sungin ka hehluatna husa-in kong mut ding hi. Siatsakzia a siam, a cikzia lo mite tungah kong pia ding hi.

Ezekiel 30:16

Egyp-te mei-in ka hal dinga, gimna lianpi-in Pelsium ka nuai ding hi. Ngongtatna tawh Thebes kila dinga, Memphis lungdong den ding hi.

Ezekiel 39:6

Magog le tuipi gei-a lungmuangtaka tengte mei-in ka hal dinga tua ciangin keimah TOPA ka hilam a thei ding uh hi.

Ezekiel 7:8

Ka thangpaihna no tungah hong sungin ka hehna ka zang ding hi. Na gamtatsa uh tawh kizui-in thu kong khen dinga a kihhuai na gamtatsa khempeuh uh tawh kizui-in kong thuaksak ding hi.

Nahum 1:2

TOPA in a aam le phula Pasian ahi hi; TOPA in phu la-a thangpaihna tawh a dim hi. TOPA in ama galte tungah phu la-a, a galte langah a thangpai hi.

Zephaniah 2:2

ansi bangin hong kizapkhiat ni ding kiciangtan ni a tun ma, TOPA hehluatna no tungah hong tun ma, TOPA thangpaihna ni no tungah hong tun ma-in na vekun kikhawm un.

Malachi 3:2

Ahi hangin ama hong pai ding ni kua in thuakzo ding hiam? Amah hong kilat ciangin kua in nang zo ding hiam? Ahang in, amah sik siansakna mei ahikeh puan sawpsiangna saban tawh kibang ding hi.

Malachi 4:1

"A ni hong tung takpi ta hi; pummei-a kang hong bang ding hi. A kiphasakte le migilote khempeuh ninpa keu tawh kibang ding uh a, hong tung ding tua ni-in amaute meikhuk ah a khul ding hi," Thahatpen TOPA in ci hi. "A bul a hiangin amaute a kinusiat kei ding hi.

Kilaakna 16:1

Tua ciangin biakinnpi pan vansawltak sagihte tungah, "Pai unla Pasian thangpaihna kuangkum sagihte leitung ah sung ta un," a ci aw ngaih khat ka za hi.

Kilaakna 16:8

Vansawltak a lina in ni tungah a kuangkum sunga, mite mei tawh haldulh nading, ni tungah vangliatna kipia hi.

Kilaakna 6:17

Bang hang hiam cih leh amaute thangpaihna ni thupi hong tung hi, kua in thuak zo ding hiam?" ci-in a sam uh hi.