Nahum 1:2 - Zokam International Version

² TOPA in a aam le phula Pasian ahi hi; TOPA in phu la-a thangpaihna tawh a dim hi. TOPA in ama galte tungah phu la-a, a galte langah a thangpai hi.

LAISIENGTHOU CL Bible (BSI)

² Pasian khu thangsiet hat ahia, Mangpa’n phuba ala hi. Mangpa’n phuba ala a, lungthahnain adim hi; Mangpa’n ama doute tungah phuba ala ding a, Amelmate adingin thangpaina akholkhawm hi.

Zo Bible

² Topa pen a thangsie le phulah hat Pasien ahi a, Topa in phula a, a lungthah mama hi; ama a langpangte tungah Topa in phu la a, a galte tungah ama a thangpai hi.

Nahum 1:2 ပူးပေါင်းရင်းမြစ်များ

Job 20:23

A gilpi a dip khit ciangin Pasian in ama hehna kuangin bi dinga, a tungah haksatna a zusak ding hi.

Phatna-late 94:1

Phu a lapa Pasian, TOPA aw, phu lapa Pasian aw, tangkhia in.

Paikhiatna 20:5

Tuate mai-ah na kun kei ding uh a, zong na bia kei ding uh hi; ahang in, keimah TOPA, note Pasian, kei hong mudahte a pate uh mawhna, a khang thumna le a khang lina donga, a tate uh tunga a thuk a aam Pasian ka hi hi.

Paikhiatna 34:14

Ama min Aam ahi TOPA, a aam Pasian ahi manin pasian dang khatpeuh bia kei un.

Paikhiatna 34:7

a tul tampite a it pa, gitlohna, langdona le mawhna a maisakpa ahi hi. Tua hi napi amah in mawhna a bawlte dan tuaksak loin a om kei hi. Amah in pate mawhna tate tung le amaute tate tung, khang thum khang lina dongin dan a tuaksak hi," ci-in a tangko hi.

Isaiah 42:13

Mi thahatpa bangin TOPA kuankhia a, galhangpa bangin deihluatna sosak dinga; galphawnna aw khatvei kiko in a galte a zo khin ding hi.

Isaiah 51:17

Khanglo in, khanglo in! Jerusalem aw, tho in, nang in ama thangpaihna ahi - mite a amsak hai a tawdat dongin TOPA khut panin na dawna na kham khin hi.

Isaiah 51:20

Na tapate bah khin uh a; lam lian bul tengah lenthanga awk sanang bangin lum uh hi. TOPA thangpaihna le na Pasian taina tawh amaute kidim uh hi.

Isaiah 66:15

En un, mei tawisa-in TOPA hong pai a, ama sakollengte pingpei tawh kibang hi. A hehna in a thangpaihna hong puaksuk dinga, amah in meikuangin a taai ding hi.

Jeremiah 25:15

TOPA Israel Pasian in kei tungah hong gen hih ahi hi: "Ka thangpaihna zu a dim hih hai ka khut panin la inla kong sawlna minam khempeuh dawnsak in.

Jeremiah 28:8

Hun masa lai nang le kei hun ma lai inah gam tampi le kumpi-gam lianpite tungah gal, pulpi le siatna tung ding hi, ci-in a gen khol uh hi.

Jeremiah 3:5

heh denden ding na hi hiam? Na thangpaihna zom den keii ding na hi hiam?’ nong ci hi. Hih bangin pau napi na hih theih gitlohna khempeuh na sem hi," a ci hi.

Jeremiah 36:7

Hih mite tunga TOPA zaksak a hehna le a thangpaihna lian ahi manin TOPA mai-ah amaute thumin a gitlohna panun a kikhel kha thei ding uh hi," a ci hi.

Jeremiah 4:4

No Judah mite le Jerusalem mite aw, TOPA tungah no le no vun ki-at unla, na lungtang vun uh at un, na tua cih kei uh leh na gitloh gamtatnasate uh hangin ka heh suakin mei bangin kuang dinga - kuama phelh theih lohin a kang ding hi.

Jeremiah 50:15

Apang ciat panin otsan tek un! Ama tausangte puka, a kulhte kiphel khinin amah a galte tungah lutta hi. Hih in TOPA phulakna ahi manin ama tungah phu la unla; amah in midangte tungah a hih bangin ama tungah hih un.

Tamlawhna 4:11

TOPA in a thangpaihna a vekin suahkhia ta hi, a heh luatna a sungkhia hi. Mei-in Zion hala a bulpite a kangtum hi.

Ezekiel 36:6

Tua ahi ciangin Israel gam tawh kisai-in thu genkhol inla mualliante le mualneute tung, kuamte le kuamthukpite tungah: "Hih in Thupipen TOPA gen ahi hi: Note in minamte simmawhna thuak khin na hi manun ka aamna thangpaihna tawh ka pau hi.

Ezekiel 38:18

Tua ni ciangin hih bangin a piang ding hi: Gog in Israel gam a sim ciangin a sa mahmah ka hehna a kuangkhia ding hi, Thupipen TOPA in cikhia hi.

Ezekiel 38:19

Ka aamna le ka thangpaihluatna hanga ka cihinah tua hun ciangin Israel gamah zin nakpi-in ling ding hi.

Ezekiel 39:25

"Tua ahi ciangin hih in Thupipen TOPA gen ahi hi: Keimah in Jacob a saltanna a panin ka paikhiatpih dinga Israel mite khempeuh khuatuahin ka min siangtho ka aam ding hi.

Ezekiel 5:13

"Tua ciangin ka hehna dai dinga, amaute tungah ka thangpaihna kiamin ka lungkim ta ding hi; ka phulakna ahi hi. Ka thangpaihna amaute tungah ka zat ciangin TOPA in hong aam a, a pau ka hilam a thei ding uh hi.

Ezekiel 6:12

Gamlapi a omte pulpi in si ding uh a, a nai-a omte namsau-in puk ding uh a, a omlai sun a kihawi laite kialpi in a si ding uh hi. Ka thangpaihna tu-a bangin ka tungsak ding hi.

Ezekiel 8:18

Tua ahi manin amaute ka hehna ka thuaksak ding hi; Hehpihna tawh en loin ka zah tuan kei ding hi. Ka bil ah hong kiko uh hangin a gen uh ka ngai kei ding hi," hong ci hi.

Joel 2:18

Tua ciangin TOPA in ama gam aam dinga a mite a hehpih ding hi.

Siampi Laibu 26:28

tua ciangin ka heh dinga note hong langneihin kei mahmah in note na mawhna uh hangin a zah sagih vei val dan kong tuaksak ding hi.

Micah 5:15

Keimah in ka thu hong mang lo minamte tungah hehna le thangpaihna tawh a phu uh ka la ding hi," cikhia hi.

Micah 7:18

Na innluah dingin a baanglaite khialhna maisaka a mawhna uh a phelsak nang tawh kibang Pasian kua om ahi hiam? Na heh den kei a, na lainatna na lak hi.

Zechariah 1:14

Tua ciangin kei hong hopih vansawltak in, "Hih thu tangko in: Thahatpen TOPA in hih hong ci hi, ‘Zion le Jerusalem ading ka aam lua mahmah hi,

Zechariah 8:2

Thahatpen TOPA thugen hih ahi hi: "Zion ka aam mahmah hi; amah ka aamna-in ka sin ka lung a so hi," a ci hi.

Misimna 25:11

"Siampi Aaron’ tapa, Eleazar’ tapa Phinehas in Israel tunga ka hehna a damsak zo hi; ahang in, pammaih ka sakna hangin amaute ka beisak loh nadingin, amaute lakah kei pahtawina kei amm zahin a amm hi.

Rome-te 12:19

Ka lawmte aw, phu na la kei un; Pasian thangpaihna adingin na awnzaw un. Ahang in, Topa in: "Phulakna keima aa ahi hi. Keimah in ka thuk kik ding hi." g ci hi.

Rome-te 13:4

Ahang in, nang tunga a hoih sem dingin amah Pasian nasempa ahi hi. Ahi hangin asia-a na gamtat leh lauthawng in; amah in a mawkna-in namsau a tawi kei hi. Amah, Pasian nasem hi-a, asia-a gamtate tungah thangpaihna ahi gawtna a tungsak dinga kisawlsawn ahi hi.

Thupiakkikna 4:24

Ahang in, TOPA note Pasian in a haltum mei, a aam Pasian ahi hi.

Thupiakkikna 7:10

Ahi hangin amah a mudahte a hileh amaute maitang mah ah kisiatna in thuk kika; amah a mudahte a maitang-a, a thuk kik ding a ziakai kei ding hi.

Hebrews 10:30

Ahang in, "Phulakna kei aa hi-a, ken ka thuk ding hi," a cih le "Topa in a mite thu a khen ding hi," b a ci kik pa i thei hi.

Joshua 24:19

Joshua in mipite tungah, "Note in TOPA na na sem thei kei ding uh hi. Amah a siangtho Pasian hi a; a aam Pasian ahi hi. Amah in na lehdona uh le na mawhnate uh hong maisak lo ding hi.

2 Peter 2:9

hih bang teng hi ahileh Topa in a pasian-mite, zia-etna pan a suahtaksak nading ahi zongin a thumaan lote thukhen ni adingin a gawt c kawmkawma, a koih nading zia a thei hi.