Misimna 6:20 - Zokam International Version

²⁰ Tua ciangin siampipa in TOPA mai-ah vei-a biakna-in tuate a vei ding hi; tuate siangtho-a kivei a iik le a kipia a phei tawh siampipa aa hikhawm hi. Tua khit ciangin Nazir mi in a lenggahzu a dawn thei ding hi.

LAISIENGTHOU CL Bible (BSI)

²⁰ Tualeh siempuin Mangpa masangah vei sillat ding in avei ding hi; tam pen siempu satan sil siengthou ahi ding hi, a awm vei sillat leh amal vei sillat toh. Tuazou chiengin Nazir mipa’n uoin adawn thei ta ding hi.

Zo Bible

²⁰ Tua ciengin Topa mai-ah a kivei biehna dingin siempu pa in tuate a vei ding hi; tua teng pen a awmsa le a phei tawh siempu pa adingin a siengtho ama’ tanh ahi hi. Tua ciengin nazir mite in lenggazu dawn thei ding uhi.

Misimna 6:20 ပူးပေါင်းရင်းမြစ်များ

Thuhilhna 9:7

Pasian na nasepna hong angvanna ahi manin: pai in lungkimtakin na an ne inla lung nuamtakin na zu dawn in.

Isaiah 25:6

Thahatpen TOPA in hih mual tungah mi khempeuh adingin an lim mahmah, zu gei mahmah - an limpen nekna le zu cilpen dawnna pawi a bawl ding hi.

Isaiah 35:10

TOPA in tatman a piaksate hong ciah kik ding uh hi. Amaute lasa kawmin Zion ah a lut ding uh hi; amaute lutungah a tawntungin lungnopna khu ding uh hi. Nopsakna le kipahna tawh kidim ding uh a, dahna le khuisatna beimang ding hi.

Siampi Laibu 10:15

A kipiasa a phei le a kivei a iik, mei-a hal biakna lakah athaute tawh TOPA mai-ah vei-a biakna dingin nong tawi ding uh hi. Hih in TOPA hong thupiak bangin nang le na tate in na kaih den ding uh ahi ding hi," a ci hi.

Siampi Laibu 23:11

Amah in note tanga kisang thei dingin TOPA mai-ah tua buhphal a vei ding hi; Siampipa in Sabbath ni a zing ciangin a vei ding hi.

Siampi Laibu 7:30

Ama khut tektekin TOPA tungah mei-a hal biakna a tawi ding hi; amah in athau a iik tawh tawikhawm dinga, TOPA mai-ah vei-a biakna-in a iik a vei ding hi.

Siampi Laibu 7:31

Siampipa in biakna-tau tungah a thau hal ding hi, ahi hangin a iik pen Aaron le a tapate tanh ahi hi.

Siampi Laibu 7:32

Kilawmtakna biakna a taklam phei siampipa tanh dingin na pia ding hi.

Siampi Laibu 7:34

Israel kilawmtakna biakna panin a kiveisa a iik le a kipiasa a phei ken ka la zo a, tuate siampi Aaron le a tapate in Israel tung pana a tanh den dingin ka pia khin zo hi,’ ci in," a ci hi.

Siampi Laibu 9:21

Moses thupiak bangin Aaron in vei-a biakna-in TOPA mai-ah a iik le a taklam phei a vei hi.

Zechariah 10:7

Ephraim-te mi thahat tawh kibang ding uh a, zudawn bangin a lungkim ding uh hi. A tate un tua mu-in kipak ding uh a, TOPA sungah a lungdam ding uh hi.

Zechariah 9:15

Thahatpen TOPA in amaute a dal ding hi. Amaute in suang sailungtang tawh susia-in a zo ding uh hi. Amaute in dawn ding uh a zukham bangin hawkin, biakna-tau kiute-a sisan thehna e a kizang kuang-uk khat bangin a dim ding uh hi.

Zechariah 9:17

Amaute melhoihin iplah huai si uncia! Anlim in tangvalnote khanphasakin, zuthak in numeinote a khanphasak hi.

Misimna 18:18

Vei-a biakna a iik le a taklam phei no aa ahi bang tektekin a sa zong no aa ahi ding hi.

Misimna 5:25

Tua ciangin siampipa in hazatna hanga an-a biakna tuanu khut panin lakhia dinga, TOPA mai-ah vei-in biakna-tau ah a paipih ding hi.

Misimna 6:21

"‘Hih in ama zektan tawh kisai-a, ama piak zawh zah a piak banah TOPA tungah ama biakna-a a kiciam Nazir mi adingin ngeina ahi hi. Amah in Nazir zektan ngeina zui-in a kiciam nasa a tangtungsak pelmawh ding hi,’ ci in," a ci hi.

Matthew 26:29

Ken kong geninah, ka Pa gam sungah note tawh a thaka ka dawn khawm mateng, tu-a kipan lenggahzu ka dawn nawn kei ding hi," a ci hi.

Mark 14:25

Thutak kong geninah, Pasian gam sungah a thaka ka dawn ni mateng tu-a kipan lenggahzu ka dawn nawn kei ding hi," a ci hi.

John 19:30

Jesu in tua dawn ding a ngah khit ciangin, "Kizo zo hi," a ci hi. Tua tawh a lukunsukin, a kha a khahkhia hi.