Misimna 32:33 - Zokam International Version

³³ Tua ciangin Moses in Gad-te, Reuben-te le Joseph tapa Manasseh bawng’langte tungah kumpi Sihon kumpi-gam Amor-te pia a, Og kumpi-gam Bashan kumpipa - a gambup tawh a sunga khuapite le a kimkot a gamgite tawh a pia hi.

LAISIENGTHOU CL Bible (BSI)

³³ Tuachi’n Mosi in Gad tate leh Reuben tate kungah tualeh Joseph tapa Manasseh nam kimkhatte kungah, Amormite leengpa Sihon gam, Bashan leengpa Og gam, tualeh tua gamte leh akhopi teng leh akimvel gam khopite toh, apie hi.

Zo Bible

³³ Moses in Gad-te, Reuben-te, le Joseph’ tapa Manasseh minam alangte tungah, Amor kumpi Shihon’ gam le Bashan kumpi Og’ gam, a gamsung le a khuopite, a gamgi huop sunga khuopi zosie tawh amate a pie hi.

Misimna 32:33 ပူးပေါင်းရင်းမြစ်များ

Joshua 12:6

TOPA nasempa Moses le Israel-te in amaute a zo uh hi. Tuateh TOPA nasempa Moses in amaute leitang Reuben-te tung, Gad-te tung, le Manasseh beh alangte tungah a neih dingun a pia hi.

Joshua 22:4

Tu-in TOPA note Pasian in a ciamsa bangin na sanggamte uh tawlngakna a pia ta hi, no zong TOPA nasempa Moses in hong piaksa Jordan galkhat na gamua na inn uah ciah ta un.

Thupiakkikna 29:8

Amau gam i laksaka, Reuben-te, Gad-te le Manasseh beh - alangte luah dingin i pia hi.

1 Khangthute 26:32

Jeriah in siamna a nei mi innkuan lutang tulnih le zasagih nei a, Kumpi David in amaute Reuben-te, Gad-te, Manasseh beh alangte uk ding le Pasian tawh kisai thu khempeuh le kumpipa vaite ah a uk dingin a koih hi.

1 Khangthute 12:31

Manasseh beh alangte mi, David kumpi a suaksak dingin a mina kilote - 18,000;

1 Khangthute 5:18

Reuben-te Gad-te le Manasseh beh alangte in galkuan thei ding mi - lum le namsau tawi thei, thal zang thei, galsim dinga kisinsaksa pasal 44,760 a nei uh hi.

Misimna 34:14

bang hang hiam cih leh Reuben-te beh le a innkuante, Gad-te beh le Manasseh-te beh alangte in amau luah ding ngah khin uh hi.

Misimna 32:1

Reuben-te le Gad-te in ganhon tampi le tuu le keel hon tampi nei uh a, Jazer le Gilead leitangte gankhawi nadingin a hoih lam a mu uh hi.

Misimna 32:32

Galhiam tawisa in TOPA mai-ah, Canaan ah ka pai ding uh a, ahi hangin ka luah ding uh nate Jordan hihlam galah a om ding hi," ci-in a dawng uh hi.

Joshua 12:1

Hihte in Israel-te zawhsa Jordan nisuahna lama amau laksa kumpite gam hi-a, Arnon Kuam panin Hermon Vum dong le Arabah nisuahna lampang khempeuh tawh ahi hi.

Joshua 14:3

Moses in beh nih le alangte luah ding Jordan nisuahna-lam ah a piaksa ahi manin a om laite lakah Levi-te luah ding pia lo hi,

Joshua 22:7

(Manasseh beh alangte tungah Moses in Bashan ah leitang pia-a, alang dang khatte, Joshua in Jordan nitumna-lam galah a sanggamte tawh leitang a pia hi.) Joshua in amaute inn ah a ciahsak ciangin thupha pia a,

1 Samuel 13:7

Hebrew-te pawlkhat Jordan gal nangawn ah kahin Gad le Gilead gamah a pai uh hi. Gilgal ah Saul omlai-a ama ompih galkapte lau-in a ling uh hi.

Misimna 34:15

Hih beh nih le a langte in Jericho a a Jordan nisuahna lampang, nisuah-khiatna mun lam a luah dingun ngah khin uh hi," ci-in thu a pia hi.