Misimna 28:8 - Zokam International Version

⁸ Tuuno a nihna pen khuamui ciangin bawl unla, zingsanga na bawl uh an-a biakna le dawntheih-a biakna zia mah bangin bawl un. Hih in TOPA a lungkimsak mei-a hal gimnamtui biakna khat ahi hi.

LAISIENGTHOU CL Bible (BSI)

⁸ Belamnou khat pen nitahlam chiengin na lan ding hi; zingmawnga ann sillat leh dawn sillat bangin mei a sillat Mangpa dinga gimnamtui na lan ding hi.

Zo Bible

⁸ Tuuno adang khat pen zingmawnga a khat ma bangin khuo a mut ciengin an tawh biehna le dawn thei biehna tawh na pie ding uhi; note in Topa tungah a gimnamtui dingin mei tawh kihal biehna na lui ding uhi.

Misimna 28:8 ပူးပေါင်းရင်းမြစ်များ

Siampi Laibu 1:13

Amah in a sungkuate le a khete tui-in sawp dinga, siampipa in tuate khempeuh tawi-in biaknatau tungah a hal ding hi. Tua in meihal biakna, mei tawh a kihal biakna khat hi-in, TOPA a lungkimsak gimnamtui khat ahi hi.

Siampi Laibu 1:17

Amah in a khate in balkham dinga, a balkhiasuak kei ding hi. Tua ciangin siampipa in biakna-tau tunga sing tunga mei tungah a hal ding hi. Tua in meihal biakna, mei tawh a kihal biakna khat hi a, TOPA a lungkimsak gim namtui khat ahi hi.

Siampi Laibu 1:9

Amah in a sungkua teng le a khete tui-in sawp dinga, siampipa in tuate khempeuh biakna-tau tungah a hal ding hi. Tua in meihal biakna, mei tawh a kihal biakna khat hi-in TOPA a lungkimsak gim namtui khat ahi hi.

Misimna 28:7

Dawntheih-a biakna tawh piakkhawm dingin a kibilh zu hin khat sehli suah sehkhat le tuuno khat ciat hi ding hi. Tua dawntheih-a biakna munsiangtho a TOPA tungah sung un.

Misimna 28:9

"‘Sabbath ni-in, poina a nei lo kum khat a pha tuuno nih, dawntheih-a biakna le an-a biakna, sathau tawh a kihel annel limci ephah d khat sehnih suah sehkhat tawh biakna piakhawm un;

Misimna 29:19

A hunhuna meihal biakna le a an-a biakna le dawntheih-a biaknate banah mawhna hanga biakna-in keel apa khat tasak un.