Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Misimna 28:2 - Zokam International Version

2 "Hih thupiakna Israel pia inla amaute tungah, ‘Keimah biakna-in mei-a kihal an, kei hong lungkimsak gimnamtui, a kiseh huna nong piak ding uh thei un,’ ci in.

အခန်းကိုကြည့်ပါ။ ကော်ပီ

LAISIENGTHOU CL Bible (BSI)

2 “Israel tate thu pie inlen, akung uah genin, kei a dinga gimnamtui dinga mei a sillat kithoina ding ka sillat leh ann khu ahun chiet uah ka kungah nalan zel ding uhi.

အခန်းကိုကြည့်ပါ။ ကော်ပီ

Zo Bible

2 “Israel-te thupie inlen amau’ tungah tam bangin gen in: Keima dinga mei tawh kihal biehna an, a gimnamtui keima-a’ pen a kise hunin ka kungah nei pieh ding uh phawh un.

အခန်းကိုကြည့်ပါ။ ကော်ပီ




Misimna 28:2
32 ပူးပေါင်းရင်းမြစ်များ  

TOPA in a gim namtui nam a, a lungsim sungah, "Mihingte a neutungin gitlohna lamah a awn kha a zongin mihingte hangin leitung ka hamsiat kik nawn kei ding hi. Ka hihsa bangin nuntakna a nei khempeuh ka susia kik nawn kei ding hi.


Sabbath-te le Kha Thak pawi ni le a kiseh pawite ah TOPA tungah meihal biaknate ah zong tuamah bangin pia ding uh hi. Amaute in TOPA mai-ah a hunhunin a phazah a kisam bang le amau hih ding a kilahzia bangin a sem ding uh hi.


David thupiaksa Moses Thukhun sunga a kigelhsa bangin biakinnpi sungah lungnuamin la sa kawma TOPA tungah meihal biaknate a kipiak nadingin David in a sehsa bangin Jehoiada in Levi-te ahi siampite khut sungah TOPA biakinnpi ngak dingin mi a koih hi.


Kumpipa in zing le nitaka meihal biaknate ading, Sabbath-te, Kha Thakte le TOPA Thukham sunga kigelh a kisehsa pawite adingin ama neihsa panin a pia hi.


Tua ciangin Jozadak’ tapa Jeshua, ama siampi-pihte le Shealtiel tapa Zerubbabel le amah a huhte in, Pasian mipa Moses thukham sunga kigelhsa bangin, a tunga meihal biakna piak nading Israel-te Pasian biakna-tau dawh ding a kipan uh hi.


Amaute kima om mite kihta kawmkawmin a bulkip tung mahah biakna-tau dawh uh a, a tungah zingsang le nitakin TOPA tungah meihal biakna a pia uh hi.


"Thukham-a kigelhsa bangin ko - siampite, Levi-te le mipite in - kumsima a kisehsa hun zui-in TOPA eite Pasian, biaknatau-a cih ding sing, eite Pasian inn sungah innkuan simin a puak huna puak nading ai ka lawn uh hi.


Kha Thak le kha liik, eite Pawi ni-in tuutal’ ki mut un;


"Silngo-sawhloh Anlum Pawi na bawl un. Kong thupiaksa bangin ni sagih sung silngo sawh loh anlum na ne un. Abib kha a kiseh hunin na hih un, ahang in, tua kha-in Egypt pan a paikhia na hi uh hi. "Ka mai-ah kuamah khutguakin hong kilaak kei ding hi."


Tua ciangin biakna-tau tungah a tuutal buppi haltum in. Tua in TOPA tungah meihal biakna hi-a, a gim namtui TOPA tunga mei-a hal biakna khat ahi hi.


Na an dinga kong piak annel hoih, olive thau le khuaizu na nek dinga kong piak te - gimnamtui dingin tuate mai-ah na lui hi. Thu omzia tua bang ahi hi, Thupipen TOPA in cikhia hi.


Na kithehthangna gam panun hong kaikhawmin minamte lakpan kong lakkhiat ciangin note gimnamtui bangin kong sang dinga minamte mai-a note lakah kei ka sianthona kong kilak ding hi.


Israel innkuan sunga a kisehsa pawite khempeuh - meihal biakna, an-a biakna le dawntheih-a biakna pawite, Khathak pawi le Sabbath-te ah gam-ukpa in a sik ding ama tavuan ahi hi. Amah in Israel innkuante thoihdam nading mawhna hanga biakna, an-a biakna, meihal biakna le kilawmtakna biaknate a sik ding hi.


Amah in a sungkuate le a khete tui-in sawp dinga, siampipa in tuate khempeuh tawi-in biaknatau tungah a hal ding hi. Tua in meihal biakna, mei tawh a kihal biakna khat hi-in, TOPA a lungkimsak gimnamtui khat ahi hi.


Amah in a khate in balkham dinga, a balkhiasuak kei ding hi. Tua ciangin siampipa in biakna-tau tunga sing tunga mei tungah a hal ding hi. Tua in meihal biakna, mei tawh a kihal biakna khat hi a, TOPA a lungkimsak gim namtui khat ahi hi.


Amah in a sungkua teng le a khete tui-in sawp dinga, siampipa in tuate khempeuh biakna-tau tungah a hal ding hi. Tua in meihal biakna, mei tawh a kihal biakna khat hi-in TOPA a lungkimsak gim namtui khat ahi hi.


A Pasian uh tungah amaute siangtho ding uh a, amaute Pasian min a daisak kei ding uh hi. Bang hang hiam cih leh amaute in amau Pasian an TOPA tungah meihal biakna pia uh ahi manin amaute a siangtho ding uh hi.


Amaute a siangtho bangin ngaihsun un, bang hang hiam cih leh na Pasian uh an a lui amaute ahi uh hi. Amaute a siangtho-in ngaihsun un, bang hang hiam cih leh note hong siangthosak cTOPA keimah ka siangtho hi.


Siampipa in tuate TOPA tungah mei-a hal an-a biakna-in biaknatau tungah a hal ding hi.


"Ahi hangin note in, ‘Topa sabuai nin lel, a ante simmawhhuai,’ cihna tawh Topa sabuai na buahsak uh hi.


"Ka biakna-tau tungah an ninsa na koih uh hi. "Ahi hangin,’Bang hong ci nitsak ka hi uh hiam?’ ci-in nong dong uh hi. "TOPA sabuai simmawhhuai na ci uh hi.


a kidop lohna hangin mihonpite a gamtat khak leh tua ciangin mihonpi bup in, TOPA a lungkimsak gimnam-tui meihal biakna dingin bawngtalno khat tawh a kisehsa an-a biakna, dawntheih-a biakna le mawhna hanga biakna dingin keel apa khat piakhawm ding hi.


TOPA tungah lungkimsakna mei-a hal biakna gimnamtui, tuuhon pan ahi a bawnghon pan ahi zongin TOPA tungah na piak uh a - meihal biakna ahi a, a tuam vilvel a kiciamna ahikeh, utthu-a biaknate ahikeh ansangkhum pawi-a biaknate na piak uh leh -


le dawntheih-a biakna dingin lenggahzu hin khat sehthum suah sehkhat bawl in. Tua pen TOPA lungkimsakna gimnamtui dingin pia un.


"‘Na kiciamnasate uh le utthu-a biaknate banah meihal biaknate, an-a biaknate, dawntheih-a biaknate le kilawmtakna biaknate - a kisehsa pawite hunin TOPA adingin bawl un,’ ci in," a a ci hi.


Ahi hangin a sianga kiseh mi khat in khualzin lo napi Paisan pawi a bawl kei leh tua mi a kisehsa huna TOPA biakna-ah kihel lo ahi manin a mipihte panin kikhenkhia ding hi. Tua mipa in ama mawhna gaute a thuak ding hi.


Moses tungah, "Misi luang hangin kote a sianglo ka suak uh hi, ahi hangin bang hanga a kisehsa hunin Israel dangte tawh TOPA tungah biakna hong kipiasak lo ahi hiam?" a ci uh hi.


Ahang in, a kihonkhiate le a mangthangte lakah kote, Pasian tungah gimnamtui ka hi uh hi.


Christ in eite hong it a, eite adingin Pasian tungah a namtui-a piakna ding le biakpiakna dingin amah le amah a kipiakkhiat bangin itna nuntakna tawh na nungta un.


Ken ka ngah ding zah ka ngah banah a tamzaw nangawn ka ngah zo hi; nong huhna uh kicing khengvala, Epaphroditus nong khak uh letsong zong ka ngah hi. Tuate, Pasian a lungdamsak, biakpiakna santham biakna namtui ahi hi.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ