Misimna 23:1 - Zokam International Version

¹ Balaam in, "Hih lai-ah biakna-tau sagih hong dawhsak inla, kei adingin bawngtal sagih le tuutal sagih hong bawlsak in," a ci hi.

LAISIENGTHOU CL Bible (BSI)

¹ Tuachi’n Balaam in Balak kungah, “Tam mun ah maitam sagi hing bawlpieh inlen, tualeh bawngtal sagi leh belamtal sagi hing suhtuo piehin,” achi hi.

Zo Bible

¹ Tua ciengin Balaam in Balak kungah, “Kei adingin tami munah maitam sagi ei lampieh inlen, bawngtang sagi le tuutang sagi ei pie’n,” a ci hi.

Misimna 23:1 ပူးပေါင်းရင်းမြစ်များ

2 Kumpite 18:22

Tua hi-a kei tungah, "TOPA, kote Pasian tungah ka kinga uh hi," nong cih uh leh - amah Hezekiah in munsangte le biakna-taute lakhia in Judah le Jerusalem tungah, "Jerusalem a hih biakna-tau mai-ah na bia pelmawh ding uh hi," ci hi lo ahi hiam?

1 Khangthute 15:26

Pasian in TOPA thukhun singkuangpi pua Levi-te huh ahi manin bawngtal sagih le tuutal sagih biakna-in kipia hi.

2 Khangthute 29:21

Amaute in kumpi-gam ading, siangtho mun le Judah adingin mawhna hanga biakna-in bawngtal sagih, tuutal sagih tuuno apa sagih le keel apa sagih a keng uh hi. Kumpipa in Aaron suan siampite in hihte TOPA biakna-tau ah a lui dingun thu a pia hi.

Job 42:8

Tua ahi ciangin bawngtal sagih le tuutal sagih kengin ka nasempa Job kiangah pai unla no mahmah in meihal biakna na bawl un. Ka nasempa Job in thu hong ngetsak leh ama thungetna ka sang dinga, note haina zahin kong thuaksak kei ding hi. Note in ka nasempa Job bangin kei thu amaanin na gen kei uh hi," a ci hi.

Paikhiatna 20:24

"Kei adingin lei biakna-tau khat dawh inla, tua tungah na meihal biakna le kilawmtatna biaknate b na tuute, na keelte le na bawngte pia in. Ka min ka kipahtawisakna mun khempeuhah nang kiangah hong pai-in thupha kong pia ding hi.

Paunakte 15:8

Migilote biakpiakna TOPA in kih a, a thutang mite thungetna in amah lungkimsak hi.

Ezekiel 33:31

Ka mite a ngeina bangin na kiangah hong pai uh a, na thugen ngai-in na mai-ah tu uh hi; ahi hangin na gen bangin gamta lo uh hi. Amaute a kam-un ki-ap uh a, ahi hangin amaan lo-a ngah nadingin a huaiham uh hi.

Ezekiel 45:23

Tua Pawi kibawl ni sagih sung teng TOPA tungah meihal biakna dingin amah in kawkbaang lo bawngtal sagih pia dinga mawhna hanga biakna dingin keeltal khat a pia ding hi.

Misimna 22:41

A zing ciang zingsangin Balak in Bamoth Baal dong Balaam paipih a, tua lai panin mipite pawlkhat a mu hi.

Misimna 23:2

Balaam cih bangin Balak in hih a, biakna-tau khatah bawngtal khat le tuutal khat ta a pia hi.

Misimna 23:29

Balaam in, "Hih lai-ah biakna-tau sagih hong dawh inla bawngtal sagih le tuutal sagih hong bawl in," a ci hi.

Misimna 23:30

Balaam gensa bangin Balak in hihsak a, tau khempeuh ah bawngtal khat le tuutal khat ta a pia hi.

Misimna 29:32

"‘A ni sagih ni-in, a veka poina nei lo, bawngtal sagih, tuutal nih le kum khat a pha tuuno a pa sawm le li go un.

Matthew 23:13

"No kineihsiam thukham siate le Pharisee-te, gimna nak thuak na nu cia! Note in mite mai ah vantung gam kongkhak na khak uh hi. No lah lut loin a lut nuamte lah na lutsak kei uh hi. b

Jude 1:11

Amaute in gimna nak thuak na un cia! Cain lampi zui uh a, Balaam khialhna sungah a met delh in, Korah lehdona ah a kisia zo uh hi.

1 Samuel 15:22

Ahi hangin Samuel in: "TOPA awging man’na zahin meihal biaknate le biakpiaknate ah TOPA lungkim ahi hiam? Biakpiakna sangin thuman’na hoihzaw a, tuutalte’ thau sangin thusimna hoihzaw hi.