Misimna 21:7 - Zokam International Version

⁷ Moses kiangah mite pai uh a," Nang kong gensiat uh le TOPA ka gensiat uh ka mawh zo uh hi. TOPA in kote panin gulte a lakkhiatmang nadingin thu ngen in," a ci uh hi. Tua ciangin Moses in mipite adingin thu a ngen hi.

LAISIENGTHOU CL Bible (BSI)

⁷ Tuaziehin mipite Mosi kungah ahing pei ua, akungah, “Nangma leh Mangpa douna thu kana gen tahzieh un sil ka bawlkhielta uhi, kalah uapat gulte lahdoh dingin Mangpa kungah ngen in” achi ua; tuachi’n Mosi in mipite adingin thu anget pieh ta hi.

Zo Bible

⁷ Moses kungah mite pei-in, “Topa le nangma hing langpangin kampau kha ka hi ziehun ka maw uhi. Ka kung panun tam gulte a lah dawh nadingin Topa tungah thungen in,” a ci uhi. Tuaci’n Moses in mite adingin thu ngen hi.

Misimna 21:7 ပူးပေါင်းရင်းမြစ်များ

Piancilna 20:17

Tua ciangin Abraham in Pasian kiangah thu ngena, Pasian in Abimelech, a zi le a sila numei-te a damsak hi. Tua ciangin ta a nei thei kik uh hi,

Piancilna 20:7

Tu-in tua mipa’ zi ciah kiksak lecin amah kamsang hi-a thu hong ngetsak leh na nungta ding hi. Ahi hangin amah na ciahsak kei leh nang le nang aa khempeuh na si takpi ding uh hi," ci hi.

1 Kumpite 13:6

Tua ciangin kumpipa in Pasian mipa kiangah, "Ka khut a ngeina a bat kik theih nadingin TOPA na Pasian tungah hong thumsak in," a ci hi. Tua ciangin Pasian mipa in TOPA tungah thumsak-a, kumpipa khut dam kikin a ngeina a bang hi.

2 Kumpite 13:4

Tua ciangin Jehoahaz in TOPA maipha zong a, Aram kumpipa in Israel a nuainet luat lam TOPA in mu ahi manin ama thu a ngai hi.

Job 42:10

Job in a lawmte ading thu a ngetsak khit ciangin TOPA in amah citheisak kik a, tua ma-a a neihzah nih a pia hi.

Job 42:8

Tua ahi ciangin bawngtal sagih le tuutal sagih kengin ka nasempa Job kiangah pai unla no mahmah in meihal biakna na bawl un. Ka nasempa Job in thu hong ngetsak leh ama thungetna ka sang dinga, note haina zahin kong thuaksak kei ding hi. Note in ka nasempa Job bangin kei thu amaanin na gen kei uh hi," a ci hi.

Phatna-late 106:23

Tua hi-a amaute susia dinga a thangpaihna panin a heikhia ding ama teelpa Moses a mai-ah ding lo hileh - a mah in amaute ka susia ding hi, a cihsa ahi hi.

Phatna-late 78:34

Pasian in a maute a thah sial in amaute’n amah zong ding uh a; lawptakin amah a zuan kik uh hi.

Paikhiatna 10:17

Tu-in ka mawhna khatvei hong maisak lai unla, sihgimna kei kiang pan a lakkhiat nadingin TOPA, note Pasian tungah thu ngen un," a ci hi.

Paikhiatna 32:11

Ahi hangin Moses in TOPA ama Pasian’ angvanna a zong hi. Amah in, "TOPA aw, vanglianpi le a thahat khut tawh Egypt pana na paikhiatpih na mite tungah bang hangin na hehna kuang ding ahi hiam?

Paikhiatna 32:30

A zing ciangin Moses in mipite tungah, "Mawhna lianpi na bawl khin zo uh hi. Ahi hangin tu-in TOPA kiangah ka pai to ding hi; na mawhna uh thoihdamna ka bawl thei kha ding hi," a ci hi.

Paikhiatna 8:28

Pharaoh in, "TOPA note Pasian tungah biakpiakna pia dingin gam sungah kong paisak ding hi; ahi zongin a gamla lua-ah na pai peuhmah kei ding uh hi. Tu-in kei thu hong ngetsak un," a ci hi.

Paikhiatna 8:4

Tua uiphukte nang tung le na mite tung le na uliante tungah hong kah ding hi, ci hi,’ ci-in gen in," a ci hi.

Paikhiatna 8:8

Pharaoh in Moses le Aaron sam a, "Kei le ka mite tung pan uiphuk a lakmang nadingin TOPA tungah thu ngen un, TOPA biakpiakna pia dingin na mite ka paisak ding hi," a ci hi.

Isaiah 26:16

TOPA aw, amaute lungdongin nangmah hong zuan uh hi; amaute na sek ciangin thu ngenin a phun thei mialmial bek uh hi. c

Jeremiah 15:1

Tua ciangin TOPA in kei kiangah, "Moses le Samuel ka mai-ah hong ding zawzen uh zongin hih mite lamah ka lungsim a nga tuan kei ding hi. Ka muhna panin amaute hawlkhia in! Paikhiasak in!

Jeremiah 37:3

Bangbang ahi zongin kumpipa Zedekiah in kamsangpa Jeremiah kiangah Shelemiah tapa Jehucal le Maaseiah tapa siampipa Zephaniah sawla: "Hong hehpihna-in ka Pasian uh TOPA tungah kote adingin thu hong ngetsak hen," a cisak hi.

Hosea 5:15

Tua ciangin amaute in a khialhna uh mawh a kisak matengun ka omna munah ka pai kik ding hi; Tuateh amaute in ka maitang hong zong ding uh hi; a gentheihna uah citakin kei hong zong ding uh hi," a ci hi.

Misimna 11:2

Mipite in Moses a koh uh ciangin, amah in TOPA tungah thu ngen-a, mei a mit hi.

Matthew 27:4

"Ka mawh zo hi; mawhpeng sisan ka lehhek zo hi," a ci hi. Amaute in, "Tua leh ko bang kisai ahi hiam? Tua pen nangma thu hi hen," ci-in a dawng uh hi.

Nasepte 8:24

Tua ciangin Simon in, "Na gensate kei tungah bangmah hong tun loh nadingin Topa tungah thu hong ngetsak in," ci-in a dawng hi.

Rome-te 10:1

Sanggamte aw, Israel mite adinga ka lunggulhna le Pasian tunga ka thungetna pen amaute a kihotkhiat theih nading ahi hi.

Thupiakkikna 9:20

Aaron suksiat nading khopin ama tungah TOPA heh a, ahi zongin tua hun laitakin Aaron ading zong ka ngetsak hi.

James 5:16

Tua ahi manin na ci uh a dam theih nadingin na mawhnate uh kipulak tuahin thu na kingetsak ciat un. A thumaan mi thungetna vanglian in deihna a ngah hi.

1 Samuel 15:24

Tua ciangin Saul in Samuel kiangah, "Ka mawh mah hi! TOPA thupiakna le nangma lamlahnate ka palsat khin hi; mite ka kihta a, amaute thu ka zuikha hi.

1 Samuel 15:30

Saul in, "Ka mawh hi. Ahi hangin nong hehpihna-in ka mipih upate mai le Israel mai-ah hong pahtawi in; TOPA na Pasian ka biak theih nadingin hong lehzuih hoh in," ci-in a dawng hi.