Misimna 16:5 - Zokam International Version

⁵ Tua ciangin Korah le ama nungzuite khempeuh kiangah: "Zingsang ciangin TOPA in ama aa kua hi a, kua siangtho hiam, cih hong lak dinga, tua mipa a kiangah a paisak ding hi. Ama telpa pen amah in a kiangah paisak ding hi.

LAISIENGTHOU CL Bible (BSI)

⁵ Tualeh aman Korah leh apawlte zousie ahoupia akung uah “Zing chiengin Koite ahiei Ama ahi a, koite ahiei asiengthou chi ahing musah dinga; amauh akungah ahing pei sah ding hi chi’n agen hi.

Zo Bible

⁵ Tua ciengin ama in Korah le a pawlte zosie kungah, “Zing ciengin Topa in ama-a’ koi pen hi a, koi siengtho-in, ama kungah koi pei thei ding ahei ci ei theisah ding hi. Ama in a kungah a teel ding mipa peisah ding hi.

Misimna 16:5 ပူးပေါင်းရင်းမြစ်များ

Phatna-late 105:26

Amah in ama teelsa Aaron le a nasempa Moses a sawl hi.

Phatna-late 115:10

Aaron innkuante aw, TOPA muang un - a mah amaute huhpa le a lum uh ahi hi.

Phatna-late 65:4

Na teel mipa le nangma huangte sungah teng dinga nang hong naihte thupha ngah hi ei! Na inn, nangma biakinnpi siangtho a na hoihte tawh ka kidim uh hi.

Paikhiatna 28:1

"Kei tunga siampi nasem dingin Israel-te lak panin na sanggampa Aaron in a tapate Nadab le Abihu, Aleazar le Ithamar na kiangah tonpihsak in.

Paikhiatna 28:41

Hih puansilhte na sanggampa Aaron le a tapate na silhsak khit ciangin amaute sathau nilh inla siansuah in. Kei ading siampi na a sep theih nadingun siangthosak in.

Paikhiatna 28:43

Aaron le a tapate kimawhsak-a a sih loh nadingun, Kikhopna Puanbuk-a a pai ciang uh ahi a, Mun Siangtho-a biakna nasem dinga biakna-tau a naih ciang uh ahi zongin amaute in teng pelmawh ding uh hi. "Hih in Aaron le a suan-le-khakte adingin a tawntunga khang kivai-khakna thuzek hi ding hi.

Jeremiah 30:21

A makaipa uh amau sung pan hi dinga a gam-ukpa ding uh amau sung pan a khang ding hi. Amah ka kiangah ka zol dinga, ka kiang tektek ah hong nai ding hi; ahang in, kua in ama thu-in hong ki-apin ka kiang hong neh ngam ding ahi hiam?’ TOPA in cikhia hi.

Jeremiah 49:19

"Jordan gamphalak panin lono hoihna gamah humpinelkai a paikhiat toh bangin thakhatin a gam pan Edom ka delhkhia ding hi. Hih a ka sepsak ding kua ka teel ding hiam? Kei tawh a kibang kua hi a, kua in kei hong to ngam ding hiam? Tuateh kei langkhatah bang tuucingpa pang thei ding ahi hiam?" a ci hi.

Jeremiah 50:44

Jordan gam pha lak panin lono hoihna muna paito humpinelkai tawh kibangin a gam panin Babylon thakhatin ka delhkhia ding hi. Hih huna nasem dingin kua ka teel ding hiam? Kei tawh kibang kua om a, kei hong to ngam ding kua om ahi hiam? Kei langah bang tuucingpa ding ngam ding ahi hiam?" a ci hi.

Ezekiel 40:46

leilu-lam a nga inndei pen biakna-tau a nasem siampite ading ahi hi. Hihte pen TOPA kiang a nai thei, ama mai-ah na sem thei ding Zadok tapate - Levi-te bek ahi uh hi," hong ci hi.

Ezekiel 43:19

Ka kianga hong pai ka mai-a biakna hong pia Levi mi Zadok innkuan pana siampite tungah mawhna hanga biakna-in bawngtal no khat na pia ding uh hi, Thupipen TOPA in cikhia hi.

Ezekiel 45:4

Tua mun pen TOPA mai a naih, munsiangtho a nasem siampite ading a siangtho tuam mun hi ding hi. Tua mun ah munsiangtho a nasem siampite le TOPA mai-a nasem dinga a naite a om ding uh hi.

Siampi Laibu 10:3

Tua ciangin Moses in Aaron kiangah, "Hih in TOPA thugen ahi hi, amah in: ‘Kei hong naihte lakah, kei a siangtho ka hina ka lak ding hi; mite khempeuh muhna-ah kei hong kipahtawi ding hi,’ ci hi," a ci hi. Aaron a daidide hi.

Siampi Laibu 8:2

"Aaron le a tapate, a puansilhte uh, nilh sathau, mawhna hanga biakna ding bawngtal, tuutal nih le silngo sawh loh anlum koihna lawh-te tawh hong paipih inla

Malachi 3:18

Tua ciangin a thumaante le migilote, Pasian’ na a semte le a sem lote a kikhentuamna na mu ding uh hi.

Misimna 16:3

Moses le Aaron langpan dingin kuankhawm uh a, "Ki-uangsak lua uh teh! Mihon buppi a vekpi un siangtho uh hi, amaute TOPA in ompih hi. Tua hi napi bang dinga TOPA mite sangin a thupi zawa kikoih na hi uh hiam?" a ci uh hi.

Misimna 16:6

Nangmah Korah le na nungzuite khempeuh: na kisim unla

Misimna 17:5

Ka teel mipa ciangkhut na sel dinga kei mahmah in hih panin Israel-te hong phunsanna ka beisak ding hi," a ci hi.

Misimna 17:8

A zing ciangin Tecipanna Puanbuk sungah Moses lut a, amah in Levi innkuan aitang dingin Aaron ciangkhut sel bek loin palh a, pakin almond a gah a mu hi.

John 15:16

Note in kei nong teel kei uh a, keimah in pai-a gah a gah tawntung dingin note kong teel hi. Tua ciangin ka min suanga na nget peuhpeuh uh Pa in note hong pia ding hi.

Nasepte 1:2

a teelsa sawltakpite tungah Khasiangtho tungtawna a lah khit ciangin vantungah a kilaktoh ni donga thute ka gelh ahi hi.

Nasepte 1:24

Tua khit ciangin thu ngen uh a, "Topa aw, mi khempeuh lungtang na thei hi.

Nasepte 13:2

Amaute in Topa bia in an a tan laitakun Khasiangtho in, "Amaute ka sapna na a sem dingin Barnabas le Saul hong sehkhiatsak un," a ci hi.

Nasepte 15:7

Tampitak a kikup khit uh ciangin Peter ding to a, "Sang gamte aw, a beisa tawlkhat lai-in Gentile-te in keima kam panin lungdamna thupuak za uh a, a up theih nadingun note lak panin Pasian in hong teelkhia cih na thei uh hi.

Nasepte 22:14

"Tua ciangin amah in: ‘I pate Pasian in, ama deihna thei ding Thumaan Pa mu ding le ama kam pan thute za dingin nang hong teel zo hi.

Ephesa-te 2:13

Ahi hangin khatvei lai-a gamlapi-a om note, tu-in Christ sisan tungtawnin Christ Jesu sungah hong kinaisak ta hi.

2 Timothy 2:19

Ahi zongin Pasian bulkippi kiptakin dinga, "Topa in ama aate a thei hi," a cih le "Topa min a pulakte peuhmah in tatsiatna a taisan pelmawh ding uh hi," ci-a kigelh tawh a tungah kiciamteh hi.

Hebrews 12:14

Mi khempeuh tawh kilemin nungta a, na siantho nadingun nakpi-in hanciam un; sianthona lo tawh kuamah in Topa a mu kei ding hi.

Kilaakna 1:6

ama Pasian le Pa nasem dinga kumpi-gam le siampi hong hisak ama tungah minthanna le vangliatna a tawntungin om den ta hen! Amen.

1 Samuel 2:28

Keimah in ka siampi ding, ka biaknatau a kahto ding, gim-namtui hal ding le ka omna-a siampi puan a silh dingin Israel behte khempeuh panin na pa ka teel hi. Israel-te in mei-a hal biakna a piakte khempeuh zong na pate innkuanpihte ka pia hi.