Misimna 16:33 - Zokam International Version

³³ Amaute a neihsa khempeuh uh tawh a hingtangin han sungah tumsuk uh a; lei in amaute khupnelhin kisia uh a, mipite lakah a om nawn kei uh hi.

LAISIENGTHOU CL Bible (BSI)

³³ Tuachi’n ama u’leh anei alam zousie utoh ahingtang un lei kohawmah akesuhta uhi, tuachi’n lei khu ahing kichi kia a, mipite lah a kipat a mangthai ta uhi.

Zo Bible

³³ Tuaci’n amate le a neisa zosie utawh a hingtangun Misikhuo-ah a tumsuh uhi; leitang in amate khucipin mihonte lah panin a mangthai ta uhi.

Misimna 16:33 ပူးပေါင်းရင်းမြစ်များ

Jude 1:11

Amaute in gimna nak thuak na un cia! Cain lampi zui uh a, Balaam khialhna sungah a met delh in, Korah lehdona ah a kisia zo uh hi.

Ezekiel 32:30

"Leilu lama kumpitapate khempeuh le Sidon-te khempeuh tua lai-ah om uh hi. Amaute vangliatna in mi lausak ngei napi a kithatte tawh a tonsuk khawm uh hi. Namsau-a kithat vun at lohte tawh kisial khawm a, kawkhukpi sunga a paisukte tawh a maizum khawm uh hi.

Ezekiel 32:18

"Mihing tapa aw, Egypt le a mipite adingin thum inla a hat minamte, leinuai-a a paisate tawh kahtap khawm in.

Isaiah 14:15

Ahi hangin hankhuk sung, gum thukpi sungah nang hong kipuaksuk ding hi.

Isaiah 14:9

Nuai-a hankhukte c khempeuh nang vaitun a dawn dingin a kising kheukhou uh hi; nang hong muak dingin a paisa leitung makaite khate kiphong a, a kumpi tokhom ciat panun a kithosak hi - amaute a vekun minamte kumpite vive ahi uh hi.

Phatna-late 143:7

TOPA aw, hong dawng mengmeng in; nang hong lunggulhin ka kha a zawm hi; na maitang hong selsan kei in nong selsan leh gum sunga kiasukte ka bang ding hi.

Phatna-late 69:15

Tuikhangte kei hong tuumsak loin tui thukte kei hong valhsak kei inla, gum in a kam hong cihkhum kei hen.

Phatna-late 55:23

Ahi hangin Pasian aw, nang in kisiatna gum sungah migilote na khia dinga; sisan suahte le zuauphuak mite a nuntak hun uh alang na khiam ding hi. Ahi hangin ke’n ka hileh nangmah kong muang hi.

Phatna-late 9:15

Minamte, amau tawhsa gum sungah kia khin uh a; amau siahsim lenthang ah a khe uh a awk khin hi.

Misimna 16:32

lei kamka-in Korah mite le a innkuanpihte le a neihsate khempeuh uh a valh hi.

Misimna 16:34

Amaute kimkot a om Israel-te tai-in, "Leitang in ei zong hong valh kha in ciai!" ci-in a awng uh hi.

Misimna 26:11

Ahi zongin Korah guite a si khin kei uh hi.

Thupiakkikna 32:22

Ka thangpaihna in mei tawhkuang khin ahi manin sihna e leinuai gam dong a kang hi. Tua in leitung le a ante hultum dinga, mualte bulpite a kuangsak ding hi.

Phatna-late 55:15

Ka galte lakah siatna in omna ngah ahi manin theihkholh lohin sihna a in amaute la henla, a hingtangun hankhuk ah paisuksak hen.

Phatna-late 141:7

Amaute in, "Mi khat in lo kho a, lei a kalhkhap bangin ka guhte uh hankhuk b gongah a kithehthang hi," ci ding uh hi.

Isaiah 38:18

Ahang in, hankhuk a in nang hong phat thei lo a; sihna in nang hong phatna sa thei lo hi; tua kuakhuk sunga paisukte in na muanhuaina a lamen thei kei uh hi.

Ezekiel 31:14

Tua ahi ciangin tui gei-a po singkung dang peuhmah in a tehpha tungah a dawn khangtoin a sanna uh a kisak-theihpih kei ding uh hi. Hoihtaka tui a kibuak singkung dang khat beek tua tanin a sang ngei kei ding hi. Amaute leinuai-a kawkhuka a paisa mite lakah a sih ding uh sehsa ahi hi.

Misimna 22:33

Laa in kei hong mu-a, thumveitak kei hong peel hi. Amah in hong peel lo hileh tu mahmah in nang kong that khin taktak dinga ahi hangin amah ka hawi ding hi," a ci hi.

Phatna-late 55:16

Ken ahileh Pasian ka sam a, TOPA in kei hong honkhia hi.