Misimna 15:39 - Zokam International Version

³⁹ Note in hih puan mongbawkte na en ding uh a, tua ciangin TOPA hong thupiakte khempeuh phawkin, tuate na zui ding uh a, na lungsim uh le na mit uh utluatna zui-in no le no na kizuak loh nading uh ahi hi.

LAISIENGTHOU CL Bible (BSI)

³⁹ Tua puon monga khaupum kigah na et ua nouten Mangpa thupieh zousie na thei zing na ding u’leh na zui na ding uh ahi; tualeh kizua a na um zel bang ua na lungtang deilam u’leh na mit la pouma uh dei a na umlou na dingun.

Zo Bible

³⁹ Tua puon mongtep na mu ciengun na lungsim deigawna ule na mittang’ deinate uh zuikha loin, Topa’ thupieh zosie phawhin na zui nading uh ahi hi.

Misimna 15:39 ပူးပေါင်းရင်းမြစ်များ

1 Kumpite 12:33

Ama deihtel kha ahi a kha giatna a ni sawm le ngana ni-in Bethel a ama dawhsa biakna-tau tungah biaknate a pia hi. Tua bangin Israel-te adingin pawi phuantawma, biaknate pia dingin biakna-tau ah a paito uh hi.

Job 31:7

lampialin ka kalsuan leh ka lungtang in ka mit a zuih leh a, ahikeh ka khutte buah a ban khit leh

Phatna-late 106:39

Amau sepsa-in amau mah kininsak uh a, amau sepsate mahin a kizuak a suak uh hi.

Phatna-late 73:27

Nang tawh a kigamlate kisia ding uh hi; nang tunga a muanhuai lote khempeuh na susia hi.

Paikhiatna 13:9

Hih pawibawlna pen, note khut-ah note adingin lim hi henla, na muk-uah TOPA’ thukham hi-in, na taltang-uah phawkkiksakna hi hen. Ahang in, TOPA in a khut thahat tawh Egypt panin hong pikhia hi.

Paunakte 28:26

Amah le amah kimuangte mihai hi a, pilna tawh kalsuan mi ahileh kisuaktasak ding hi.

Paunakte 3:1

Ka tapa aw, kong hilhna mangngilh kei inla, ka thupiakte na lungsim ah kem in.

Thuhilhna 11:9

Khangmoipa aw, na moi lai-in lungnuam inla, na khangno hun sungin na lungsim nopsak bangin om in. Na lungsim hong pina le na mita na muh bang zui in; ahi hangin Pasian in na khempeuh ah thu hong khen ding ahilam thei in.

Jeremiah 9:14

Tua sangsikin amaute lungtang khauhna zui uh a; a pate uh hilhsa bangin Baal nung a zuih hang uh ahi hi," a ci hi.

Ezekiel 6:9

Tua ciangin minamte laka salin a kikaihna peuhah tua a suaktate in, kei kiang pan kiheikhia-in a angkawmna lungsim uh hang le amaute milimte hanga uanglua-a a khialhnate uh hangin ka lungkhamsak ahilam a phawk ding uh hi. A gitlohna uh le a kihhuai gamtatnate uh hangin amau le amau a kihua ding uh hi.

Hosea 2:2

"Na nu ka zi hilo a, keimah a pasal hi lo ka hi manin na nu tai inla, amah tai in. A maitang panin a kizuak mithah le, a nawite gel kikala a muanhuai lohna paikhia hen.

Thupiakkikna 29:19

Tua bang mite in hih kiciamna kammal a zak ciangin amah le amah kici in, "Keima thu-in ka tatsuak hangin ka suakta veve ding hi," ci-in kingaihsun kha ding hi. Hih in tui a ngah leitang tung le a keu a leitang tungah siatna a tungsak ding hi.

Thupiakkikna 4:23

TOPA note Pasian in no tawh a bawl thukhun na mangngilh khak ding uh kidawm un; TOPA note Pasian in a kham na khatpeuh tawh a kisun lim bawl kei un.

Thupiakkikna 6:12

salsuahna gam Egypt pan hong paikhiatpih TOPA na mangngilh khak ding uh kidawm un.

Thupiakkikna 8:11

TOPA note Pasian na mangngilh khak ding uh le tuni-a kong piak ama thupiakte, a thukhamte le a thukipte na zuih loh khak ding uh kidawm un.

Thupiakkikna 8:14

na lungsim uh kiphasakin na salsuahna uh Egypt gam panin note hong paikhiatpih TOPA note Pasian na mangngilh kha ding uh hi.

James 4:4

No angkawm hat mite aw, leitung tawh kilawmtakna in Pasian lama muhdahna ahilam thei lo na hi uh hiam? A lawm dinga leitung a teelte peuhmah Pasian gal a suak hi.