Misimna 13:33 - Zokam International Version

³³ Tua lai-ah Nephilim-te (Nephilim pana pai Anak suante) ka mu uh hi. Kote kauphe bangin ka kimu uh a, amaute in zong kote tua bangin hong mu uh hi," a ci uh hi.

LAISIENGTHOU CL Bible (BSI)

³³ Tualeh khummun ah Nephilim a hing kipan Anak mite tua gam ah ka mu uhi. Amaute toh tein kou khu khuongbai bang bep ka hi ua, amaute mit mu in zong khuongbai bang bep ma ka hi uhi.”

Zo Bible

³³ Khum munah Nephilim-te (Nephilim panin Anak-te pieng hi) ka mu uhi; amate lahah ko le ko ka ki-et ciengun khuombai cie behin ka kimu vua, amau’ ei muna-ah zong tua bangma ka hi lel uhi,” a ci uhi.

Misimna 13:33 ပူးပေါင်းရင်းမြစ်များ

Piancilna 6:4

Tua hun lai-in lei tungah Nephilim-te om uh a - tua khitin zong om uh hi - Pasian’ tapate mihingte’ tanute kiangah pai uh-a amaute tawh ta nei uh hi. Amaute khanglui lai-a mi thahat minthangte ahi uh hi.

1 Khangthute 11:23

Amah in pi sagih le alang a sang a Egypt-te khat a satpai hi. Egypt-pa in siamgante lawngpi a bang teipi khat a khutin tawi napi amah do dingin Benaiah khetbuk khat bek tawh a kuan hi. Amah in Egypt-pa khut panin a teipi bawhkhiatsak a, ama teipi mah in amah a leh thah hi.

Isaiah 40:22

Amah leitung kimvel tungsana tupa hi a, leitunga mite kauphe tawh a kibang hi. Amah in vante, tungzakpuan bangin zala, ten nading puanbuk bangin a zal hi.

Misimna 13:22

Amaute Negev kantanin pai to uh a, Anak suante tenna Ahiman, Sheshai le Talmai a tung uh hi. (Egypt a Zoan kilam ma kum sagih lai-in Hebron kilam khin zo hi.)

Misimna 13:28

Ahi hangin tua lai-a mite vanglian uh a, a khuapite uh zai mahmah in kulhin ki-um hi. Tua lai ah Anak suante nangawn ka mu uh hi.

Misimna 14:1

Tua zanin mipite khempeuh nakpi-in kikoin a kap uh hi.

Thupiakkikna 1:28

Koi ah pai thei ding i hi hiam? I sanggamte in hong lungmangsak uh hi. Amaute in, ‘Tua lai-a mite eite sangin sangzaw in hatzaw uh hi; a khuapi uh zai mahmah a, a khulhte un van ban hi. Anak-te nangawn ka mu uh hi,’ ci uh hi," a ci uh hi.

Thupiakkikna 2:10

(Anak-te tana a tun sang, amaute zaha thahat le a tam - Em-te tua lai-ah teng ngei uh hi.

Thupiakkikna 3:11

(Rephraim mite panin a baanglai Bashan kumpipa Og bek ahi hi. A lupna e sik-a kibawl hi-a, pi sawm le thum val sau a, pi guk a zai f hi. Ammon-te khua Rabbah tua ah om lai hi.)

Thupiakkikna 9:2

A mite a tunsang, a thahat - Anak-te ahi hi! Amaute thu na theihsa uh hi-a, "Anak-te langah kua pang zo ding hiam?" a kicih na zaksa uh ahi hi.

Joshua 11:21

Tua hun mahin Joshua pai-a mualtung gama om: Hebron, Debir le Anab pan, Judah-te mualtung gam khempeuh pan le Israel mualtung gam khempeuh a Anak-te a susia hi. Joshua in amaute le a khuapite uh a susiamang kiuhkeuh hi.

Joshua 14:12

Tua huna TOPA hong khapsa gam hih mualtung teng tu-in kei hong pia in. Tua huna nang mahmah in na zaksa bangin tua lai-ah Anak-te om-a, a khuapite uh zai-in kulhin ki-um hi; ahi hangin TOPA in kei hong huh dinga ama cih bang tektekin amaute ka hawlkhia zo ding hi," a ci hi.

Joshua 15:14

Hebron panin Caleb in Anak suante ahi - Anak mite thum - Sheshai, Ahiman, le Talmai a hawlkhia hi.

1 Samuel 17:24

Israel-te in mipa a muh uh ciangin laulua-in a vekun a tai uh hi.

1 Samuel 17:42

Amah in David enkai-a naupangno khat hi in, a cisan suak a mel hoih ahilam mu-a a simmawh hi.