Micah 7:9 - Zokam International Version

⁹ Ama langkhat ah ka mawh hangin ka thu hong thumsak mateng TOPA thangpaihna ka thuak dinga amah in kei hong diksak ding hi. Amah in khuavak ah kei hong puakkhia dinga thumaan ka mu ding hi.

LAISIENGTHOU CL Bible (BSI)

⁹ Keilam a panga ka tungthu ahing gen pieh a, kei a dinga vaihawmna dihtah atangtun masangsie in, atunga ka khelna ziehin, Mangpa thangpaina thuoh ding mawng ka hi. Ama’n vah ah ahing puidoh dinga, Adihtatna ka mu ding hi.

Zo Bible

⁹ Ama tungah ka maw zo ziehin kei lamah ama hing pangin, ama in kei adingin thu a khen masangsie, Topa’ lungthahna ka thuoh kul ding hi. Ama in kei khuovah ah ei peipi ding hi; ama in dih ei tansahna ka mu ding hi.

Micah 7:9 ပူးပေါင်းရင်းမြစ်များ

2 Samuel 24:17

David in mite a sattuk vansawltak a muh ciangin TOPA kiangah, "A khial, mawhna a bawlpa kei ka hi hi. Hihte tuu hi lo hiam? Amaute in bang hih uh ahi hiam? Kei le ka innkuanpihte tungah na khut tusak zaw in," a ci hi.

Job 23:10

Ahi hangin amah in ka kalsuannna thei a; kei hong zia-et khit ciangin kham ka bang ding hi.

Job 35:14

Nang in amah ka mu kei, hi ka thu ama mai-ah om hi, amah a ngak ka hi hi,

Phatna-late 119:154

Ka thu hong panpih inla kei hong tankhia in; na thuciam tawh kizui-in ka nuntakna hong hawi in.

Phatna-late 37:6

Amah in na thumaanna zingsang khuavak bangin tangsak dinga, na thutangna sun nitang bangsak ding hi.

Phatna-late 43:1

Pasian aw, ka dikna langsak inla a pasian-milo minam khat langah hong gum in; zuautheite le migilote panin hong hu in.

Phatna-late 7:6

TOPA aw, hehsa-in tho in; ka galte lungsona langah hong dingin. Ka Pasian aw, khanglo inla thutangin thukip bawl in.

Phatna-late 94:15

Thumaanna tungah thukhenna kibulphuh kik dinga, tuateh a lungsima thutang khempeuh in a zui ding uh hi.

Isaiah 42:16

Keimah in mittawte a theih ngei lohna munah ka pi dinga, a tawt nai lohna lampi ah lam ka hilh ding hi; amaute mai-ah khuamial khuavak ka suaksak dinga, aham lampite ka nelsak ding hi. Ka sep ding nate hihte ahi hi; amaute ka nusia kei ding hi.

Isaiah 42:7

Mittawte mit honsak ding, thong sung pan le thong hawmpi sunga khuamial laka tute a khahkhia ding na hi hi.

Isaiah 46:13

Ka thumaanna note kiang nai-ah kong puak hi, gamlapi-ah a om kei hi; ka hotkhiatna a ziakai nawn kei ding hi. Hotkhiatna Zion tungah, ka thupina Israel tungah ka pia ding hi.

Isaiah 51:22

Hih in na Pasian Thupipen TOPA ama mite a hupa gen ahi hi: "En in, nang hong hoisak hai na khut panin ka lakhia khin hi; tua hai panin ka thangpaihna haipi na dawn kik ngei nawn kei ding hi.

Isaiah 56:1

TOPA gen hih ahi hi: "Ka hotkhiatna nai mahmah ta a, ka thumaanna hong kilaak pah ding ahi manin thutang zang unla amaanin gamta un.

Jeremiah 10:19

Ka liamna hangin gim si’ng ei! Ka liamna lah kidamsak thei lo a! Tua hi napi kei le kei in, "Hih in kei cinatna hi a, ka thuak pelmawh ding mah ahi hi," ka kici hi.

Jeremiah 14:7

TOPA aw, ka mawhnate un kote langah teci a pang ta zongin nangma min hangin bang khatpeuh hong hihsak in. Ahang in, kote nungtolhna lian mahmah a, nang tungah kong mawh khin ta uh hi.

Jeremiah 51:10

"‘ TOPA in eite hong diksak khin hi; pai un, TOPA eite Pasian sepsa, Zion ah va gen ni,’ ci uh hi.

Tamlawhna 1:18

"TOPA thumaan napi a thupiak ka langdo hi. No mihingte khempeuh in ngai un, ka thuakna hong en un. Ka nungaknote le ka tangvalnote salin kikai khin ta hi.

Siampi Laibu 26:41

amaute a galte uh leitanga ka puak theih nadinga amaute hong langneihsaknate - tua ciangin vun at loh amaute lungsim panin kiniamkhiat-a, a mawhna man uh a piak uh ciangin

Malachi 3:18

Tua ciangin a thumaante le migilote, Pasian’ na a semte le a sem lote a kikhentuamna na mu ding uh hi.

1 Corinth-te 4:5

Tua ahi ciangin a kisehsa hun a tun matengin bangmah thu na khen kei un; Topa hong pai ding ngak un. Amah in khuamial sunga kiselsimte khuavak ah pusuahkhia dinga, mihing lungtang tupnate a pholakkhia ding hi. Tua hun ciangin mikim in Pasian tung pan phatna a ngah ciat ding uh hi.

2 Timothy 4:8

Tu-in thumaana thukhenpa Topa in tua ni cinga kei hong piak ding thumaanna lukhu kei ading a om zo hi. Kei bek hong kipia loin ama kilat ding lawpa a ngakte khempeuh zong a pia ding hi.

Kilaakna 18:20

Vantung aw, ama hangin nuam in! Misiangte, sawltakpite le kamsangte aw, nuam un! Amah in note hong bawlsiatna hangin Pasian in ama tungah thu khen zo hi,’ ci ding uh hi," a ci hi.

1 Samuel 24:15

Eite thukhenpa TOPA hi henla i kikal thu amah’n khen ta hen. Ka thu hong ngaihsutsak henla, hong lenkip hen; na khut pana hong hutna tawh ka thu khensiang ta hen," a ci hi.

1 Samuel 25:39

Nabal sih a zak ciangin David in, "Kei hong simmawh Nabal tungah ka thuk nading pana hong lencip TOPA kiphat ta hen. Amah in ka khialh nading panin hong kema, Nabal khialhna ama lutungah a tusak hi," a ci hi. Tua ciangin David in Abigail thu zasak a, a zi dingin a dongsak hi.

1 Samuel 26:10

TOPA nuntakna lo a kong cih inah, TOPA mahmah in amah sat na ding hi; ama hun a tun ciangin amah si dinga, ahikeh gal sungah kuanin a mangthang ding hi.

1 Samuel 3:18

Tua ciangin Samuel in bangmah im loin a gen khempeuh a gen khin hi. Tua ciangin Eli in, "Amah TOPA ahi hi ama mita hoih a sak bangin hih ta hen," a ci hi.