Micah 7:19 - Zokam International Version

¹⁹ Kote nong khuatuah kik ding hi; ka mawhnate uh khepek nuai-ah sikcipin, ka khialhnate uh tuipi thuk sungah na lawnmang ding hi.

LAISIENGTHOU CL Bible (BSI)

¹⁹ Akiheikia dinga itung uah lainatna anei ding a, ithulimlounate uh a nuoi ah akoi ding a, Nang ka khelnate zousie uh tuipi thuhtah sungah na pai lut ding hi.

Zo Bible

¹⁹ Ama in eite tungah lainatna ei neikia ding hi; i mawnate uzong a keng nei-ah tuoncil ding hi. Kote’ mawna zosie, tuipi thuh sungah na sepmang ding hi.

Micah 7:19 ပူးပေါင်းရင်းမြစ်များ

Isaiah 38:17

Hici bang lungtawlna ka thuaka kei adingin metna taktak ahi hi. Kei hong itin siatna khuk panin nong kem hi; ka mawhnate khempeuh na nungngatsan hi.

Jeremiah 50:20

Tua ni le tua hun ciangin ka hawi lai, a baanglaite a mawhna uh maisak ta ding ka hi manin Israel mawhna a kizon hangin bangmah kimu lo dinga, Judah mawhnate a kizon hangin bangmah a kimu kei ding hi. TOPA in cikhia hi.

Rome-te 6:14

Ahang in, note thukham nuai-a om hi loin hehpihna nuai-a om na hi manun mawhna in note hong uk teitei lo ding hi.

Jeremiah 31:34

Kuamah in a vengte ahi zongin a sanggampa ahi zongin hilhin, ‘TOPA thei in’ a ci nawn kei ding hi; bang hang hiam cih leh amaute in a neupen pan a lianpen dongin kei hong thei ta ding uh hi,’ TOPA in ci hi. Ahang in, amaute gitlohnate ka maisak dinga, amawhnate uh ka ciamteh nawn kei ding hi," a ci hi.

Isaiah 43:25

Kei mahmah ka kikhualna-in na thupalsatnate uh hong paihsak keimah, kei mahmah in na mawhnate uh ka ciamteh nawn kei hi.

Titus 2:14

Amah, tatsiatna khempeuh pana eite hong tankhia ding le ama hong neihtuam dingin amahmah in hong siansuaha, a hoih a gamtat ding a lawp dingin eite ading amahmah hong kipia pa ahi hi.

Phatna-late 103:12

nisuahna panin nitumna a gamlat bangin eite panin i tatkhialhnate a hemkhia hi.

1 John 3:8

A kipatcil-a kipan dawimangpa a mawhden ahi manin mawhna a bawl mi peuhmah dawimangpa pana piang ahi hi. Pasian Tapa hong kilatna ahang pen dawimangpa nasepna a susia ding ahi hi.

Rome-te 8:13

Ahang in, mawhdim pianngei deihna banga na nuntak uh leh na si ding uh hi; ahi hangin Kha hangin na pumpi uh gamtatsiate na sihsak uh leh na nungta ding uh hi.

Hosea 14:4

"Amaute tungah heh nawn lo ka hi manin amaute lampialna ka damsak dinga, man ngen loin ka it ding hi.

Phatna-late 130:8

Amah mah in amaute mawhna khempeuh panin Israel a tankhia ding hi.

Daniel 9:24

"Na mite le na khuapi siangtho in khialhna beisak a nading, mawhna beisak nading, gitlohna thoihdam nading, tawntung thumaanna a tun nading mangmuhna le kamsanna imcip nading le siangthopen b sathau nilh nadingin "Sawm sagih ‘sagihte’ c thukip hi khin hi.

Tamlawhna 3:32

Dahna hong thuaksak zongin a khuatuahna hong lak ding hi, a kip tawntung ama itna lianlua hi.

Jeremiah 31:20

Ka it ka tapa Ephraim aw, ka lungkimna ta hi lo na hi hiam? Amah ka langgen zongin ka phawk veve hi. Tua ahi ciangin ama ading ka deihsak lua a; amah ka khuatuahna lian mahmah hi," TOPA in cikhia hi.

Thupiakkikna 32:36

TOPA in a mite thahatna bei-in sila le sila lo khat beek a om nawn loh a muh ciangin, a mite tungah thu khen dinga, a nasemte a khuatuah ding hi.

Thupiakkikna 30:6

TOPA note Pasian na lungsim khempeuh uh le na hinna khempeuh un it thei a, na nuntak nadingun note le na suante uh lungsim vun hong atsak ding hi.

Thupiakkikna 30:3

tua ciangin TOPA note Pasian in note hong khuatuah dinga hong thehthangna minamte khempeuh lak panin hong khawm kikin na mailam hun b uh a ngei hong bangsak ding hi.

Hebrews 8:12

Ahang in, amaute gitlohna ka maisak dinga, a mawhnate uh ka ciamteh nawn kei ding hi," e ci khin hi.

Isaiah 33:24

Zion-a tengte kuamah in, "Ka ci na," ci lo dinga, tua lai-a tengte mawhnate a kimaisak ding hi.

Jeremiah 33:8

Kei tunga hong bawl uh mawhna ka siangsak dinga, kei hong langdona khempeuh uh ka maisak ding hi.

Ezekiel 18:22

A hihsate khempeuh kiciamteh nawn loin kimaisak ding hi. A maana a gamtatnasa hangin a nungta ding hi.

Hosea 14:2

Kammalte keng inla TOPA kiangah kihei in. Ama kiangah: "Ka mawhna khempeuh uh hong maisak inla ka muk a gahte uh nang kong piak theih nadingun, nong hehpihna-in kote hong sang in.

Zechariah 3:4

Vansawltak in ama mai-a dingte kiangah, "A puan nin suahsak un," a ci hi. Tua ciangin amah in Joshua kiangah, "En in, na mawhna ka lakhia khin hi, puan manphate kong silhsak ding hi," a ci hi.

2 Samuel 24:14

David in Gad kiangah, "Ka lungdong mahmah hi. Ama hong lainatna lian mahmah ahi manin mihing khut sung tung loin TOPA’ khut sung tung zaw ni," a ci hi.

Phatna-late 85:3

Na thangpaihna khempeuh na pampaih a, na hehluatna na kiheisan hi.

Tamlawhna 3:22

TOPA hong khuatuahnate bei ngei lo ahimanin a lian mahmah hong itna hangin eite i kangtum kei hi.

Ezekiel 39:29

Israel innkuante tungah ka Kha buakhia ding ka hi manin amaute kiang panin ka maitang ka seel nawn kei ding hi, Thupipen TOPA in cikhia hi," hong ci hi.