Micah 7:10 - Zokam International Version

¹⁰ Tua ciangin ka galte in mu ding uh a, kei tungah, "TOPA na Pasian koi-ah om hiam?" hong cite maizumin a kihum ding uh hi. Tuanu kisiatna ka mitin ka mu ding hi; tu nangawnin lam lian a buandim bangin khe tawh a kituancil ding hi.

LAISIENGTHOU CL Bible (BSI)

¹⁰ Tuahun chiengin ka melma in tuakhu amu dinga, “Ka kunga Mangpa na Pasian hei a um ahiei?” Chi nu zumnain atuomkhum, Ka mitten amu ding hi. Tuin amanu kholai a buonnawi bangin, totchil in a umta ding hi.

Zo Bible

¹⁰ Tua ciengin ka galte in mu-in, ka kungah, “Na Pasien hei-a om ahei?” ci-a ei dong nu maizumna in khucip ding hi. Ka mit in ama’ puana mu ding hi; lamdunga buonnawi a kitotcil bangin tu-in ama kituoncil ding hi.

Micah 7:10 ပူးပေါင်းရင်းမြစ်များ

2 Samuel 22:43

Amaute leitunga leivui bangin ka satnen a; kongzinga buannawi bangin sikzanin ka tuancil hi.

Phatna-late 109:29

Kei hong mawhsakte maimawlna kisilhsakin puantualpi silh bangin maizumna in a tuam ding hi.

Phatna-late 115:2

Bang hangin minamte in, "Amaute Pasian koi ah om hiam?" ci uh ahi hiam?

Phatna-late 18:42

Amaute huih mutmang dingin leivui bangin ka vuisak a; kongzing buannawi bangin ka buakhia hi.

Phatna-late 35:26

Kei lungdonna hangin a kisatheite khempeuh maizumin kibuaisakgawp henla; kei tunga amau le amau a kisangsakte khempeuh maizumna le maimawlna kisilhsak hen.

Phatna-late 42:10

Ka galte in sun nilohin hong selnoh uh a kei tungah, "Na Pasian koi-ah om hiam?" hong ci uh a ka guhte hong teep hi.

Phatna-late 42:3

Sun thapai-in mite in, "Na Pasian koi ah om hiam?" hong cih laiteng sun le zanin ka khitui anin ka nei hi.

Phatna-late 58:10

Amaute’ phu a kilak ciang, migilote sisan sungah a khe uh a sil uh ciangin a thumaante kipak ding uh hi.

Phatna-late 79:10

Bang dinga minamte in, "Amaute Pasian koi ah om hiam?" ci ding uh hiam? A kibuakhia na nasemte sisan phu na lakna minamte lakah ka mitmuh un kitheisak in.

Phatna-late 92:12

A thumaante nisuh kung bangin khanpha ding uh a, Lebanon a tamtak bangin khang ding uh hi;

Isaiah 26:11

TOPA aw, na khut sangpi in na viktoh hangin amaute in a mu kei uh hi. Na mite adingin na deihluatna musak inla amaute maizumsak in; na galte a kangtum dingin meikuangsa koih khol in.

Isaiah 41:25

"Leilu panin mi khat ka kithawisaka hong kuan zo hi - kei min lo in nisuahtohna panin khat hong kuan hi. Amah in leisan le leikang pawi bangin gam-ukte cilzan dinga, beelseekpa in buan a cil bangin a cil ding hi.

Jeremiah 49:15

"Tu-in minamte lakah kong neusek dinga, mite lakah kong kisimmawhsak ding hi.

Jeremiah 51:24

Zion tunga a bawl uh mawhnate khempeuh hangin Babylon le Babylon a tengte e khempeuh tungah nangma mitmuhin ka thuk ding hi," TOPA in cikhia hi.

Jeremiah 51:51

"Eite hong kisimmawh a, zahlaak i hi manin i maitang maizumna in a tuam hi, bang hang hiam cih leh TOPA inn-a mun siangthote ah gamdang mite lut uh hi."

Ezekiel 7:18

Amaute puanhampi silhin launa-in a kituam ding uh hi. A sam uh kimettolsak dinga, maizum mahmah ding uh hi.

Daniel 3:15

Tu-in saki, tamngai, zither, lyre, harp gawsem le tumtheih nam khempeuh ging na zak uh ciangin ka bawlsa milim bia-in na boksuk uh leh hoih mahmah hi. Ahi zongin na biak kei uh leh note pummei kuanglai sungah hong kilawnpah ding hi. Tua ciangin ka khut sung pan bang pasian in note hong hukhia zo ding ahi hiam?" a ci hi.

Joel 2:17

TOPA mai-a nasem siampite, biakbuk innliim le biakna-tau kikal ah kapin thu ngen uh hen. Amaute in "TOPA aw, na mite hong hawilai in; nang hong nuihsante na gou luahsak loin mi namdangte lakah, ‘A Pasian uh koi-ah om hiam?’ cisak peuhmah kei in," cisak un.

Obadiah 1:10

Na sanggampa Jacob tunga na ngongtatna hangin nang hong kimaizumsak dinga, a tawntungin hong kisusia ding hi.

Obadiah 1:12

Na sanggampa a tuahsiat ni-in, na neu-et kei ding hi; Judah-te a kisiat ni-un nuam loin a lungkham ni-un na awibawl kei ding hi.

Micah 4:11

Ahi zongin tu-in nang langkhat ah minam tampite kikhawm uh hi. Amaute in, "Amah buahsak ni, i mitin Zion kaikhit ni!" ci uh hi.

Micah 7:8

Ka galte in hong awi vial kei un! Ka puk hangin ka tho ding hi. Khuamial lakah ka tut hangin, ka khuavak TOPA hi ding hi.

Zephaniah 3:15

TOPA in na dan thuak ding tawh hong kipelhsak khin hi; na galte hong kilehhawlsak zo hi. TOPA Israel-te Kumpipa, note tawh omkhawm khin hi; note in kisiatna peuhmah na kihta ngei nawn kei ding uh hi.

Zechariah 10:5

Amaute a a vekpi un galsimna-a kongzing buannawi a tuancilgawp mi thahatte bang ding uh hi. TOPA in amaute ompih ahi manin gal do ding uh a, sakol galkapte a lawnthal ding uh hi.

Malachi 1:5

Note in na mit un na mu ding uh a, ‘Israel-te gamgi khen nangawn ah - TOPA lian hi!’ na ci ding uh hi.

Malachi 4:3

Tua ciangin migilote na tuancil ding uh a, hih nate ka hih ni ciangin amaute na khepek nuai-ua vut a suak ding uh hi," Thahatpen TOPA in ci hi.

Matthew 27:43

Amah’n Pasian a muang hi. ‘Pasian Tapa ka hi;’ a cih buangin Pasian in a ut leh amah tu-in hon ta hen," a ci uh hi.

Joshua 7:9

Canaan-te le hih gam sunga om mite in hih thu za ding uh a, kote hong umin leitung pan ka min uh hong phiatsak ding uh hi. Tua ciangin a lian mahmah nangma min bang lawh ding na hi hiam?" a ci hi.

Kilaakna 18:20

Vantung aw, ama hangin nuam in! Misiangte, sawltakpite le kamsangte aw, nuam un! Amah in note hong bawlsiatna hangin Pasian in ama tungah thu khen zo hi,’ ci ding uh hi," a ci hi.