Micah 6:4 - Zokam International Version

⁴ Egypt panin kong paikhiatpih a, sala na omna gam panun note kong tankhia hi. Note hong makaih dingin Moses tawh Aaron le Miriam zong kong sawl hi.

LAISIENGTHOU CL Bible (BSI)

⁴ Izipt gam a kipat in noute ka hing puidoh a, Saltaanna inn apat ka hing tandoh a; na masang uah, Mosi, Aaron leh Miriam ka sawl hi.

Zo Bible

⁴ Azieh pen Egypt gam panin kang peipi to a, saltanna inn panin kang tankhie hi; na mai vuah Moses, Aaron, le Miriam-te kang sawl hi.

Micah 6:4 ပူးပေါင်းရင်းမြစ်များ

2 Samuel 7:23

Pasian mahmah paikhia-in, ama mi dinga a tatkhiatte ama min suaksaka, alian a kihtakhuai nalamdang bawlin na mite mai pan minamte le a pasiante uh hawlkhia-in Egypt pana na tatkhiat c - na mi Israel-te tawh a kibang kua om ahi hiam?

Phatna-late 77:20

Nang mah in na mite tuuhon bangin Moses le Aaron’ khutin na makaih hi.

Paikhiatna 12:51

Tua ni tektek mah in TOPA in Israel-te a pawlpawl in Egypt pan a paikhiatpih hi.

Paikhiatna 20:2

"Keimah TOPA note’ Pasian, sila suahna gam, Egypt pana note hong paikhiatpih pa ka hi hi.

Paikhiatna 3:10

Tua ahi manin tu-in pai in. Pharaoh kiangah pai-a ka mi Israel-te Egypt pana pikhia dingin nang kong sawl hi," a ci hi.

Paikhiatna 4:10

Moses in TOPA kiangah, "Topa aw, a beisa hun ahi a, na nasempa nong hopih a kipan ahi zongin dangnal mi ka hi ngei kei hi. Kei pen pau ol lei-awk mi ka hi hi," a ci hi.

Paikhiatna 4:16

Amah in mipite tungah nang tangin thu gen dinga, amah nang tanga kamzang hi-in nang, ama tungah Pasian bang na hi ding hi.

Paikhiatna 6:27

Egypt kumpipa Pharaoh tungah, Egypt pan Israel-te paikhiatpih nading thu a gen amaute mah ahi hi. Tuate Moses le Aaron mah ahi uh hi.

Jeremiah 32:21

Nangmah in na mi Israel-te Egypt panin limte, alamdangte tawh ahi a, a thahat na khutte zankhia-in a lauhuai mahmah in na lakhia hi.

Amos 2:10

Egypt panin kong paikhiatpih a, kum sawmli sung sehnel-gam ah hong makaihin Amor-te leitang nang kong pia hi.

Misimna 12:1

Moses in Cush-te khat a zi dingin la-a, ama Cush zi hangin Miriam le Aaron in Moses a langgen uh hi.

Misimna 33:1

Moses le Aaron in Israel-te makaihin Egypt pan a honhonin paikhia-a a khualzinna munte uh hihte ahi hi.

Nasepte 7:36

Amah in amaute Egypt panin pai khiatpih a, Egypt gam, San Tuipi e le sehnel-gam ah kum sawmli sung a lamdangte le lim lamdangte a bawl hi.

Thupiakkikna 15:15

Note zong Egypt ah sila hi-in TOPA note Pasian in hong tatkhiat ahilam phawk un. Tua hangin hih thupiak no kong pia hi.

Thupiakkikna 24:18

No zong Egypt ah sal suakin TOPA note Pasian in tua lai pan hong tatkhiat lam phawk un. Hihte na sep dingun thu kong piakna tua hang ahi hi.

Thupiakkikna 4:20

No na hi uh leh TOPA in hong la in, sik haltuina pummei, Egypt panin hong paikhiatpih a, ama gouluah dingin tu-a na om bangun hong omsak hi.

Thupiakkikna 4:34

TOPA note Pasian in zia-etnate, lim piandangte le a lamdangte, gal, a thahat khut le khut zankhiatna tawh ahikeh a lipkhaphuai sepna tawh na muh mahmah un no ading Egypt ah na khempeuh a sep bangin, pasian khatpeuh in na semin minam khat pan minam dang khat lakkhiat sawm ngei ahi hiam?

Thupiakkikna 5:6

"Keimah in na salsuahna uh Egypt leitang panin note hong paikhiatpih TOPA note Pasian ka hi hi.

Thupiakkikna 7:8

Amah in salsuahna gam panin hong tan-a, Egypt kumpipa Pharaoh vangliatna panin a thahat khut tawh hong paikhiatpihna in, TOPA in note hong it man le na pute uh tungah kamciamin a thuciamna a zuih hang ahi hi.

Thupiakkikna 9:26

TOPA kiangah thu ka ngen a, "Thuneipen TOPA aw, na vanglianpi-in na mite na tankhia-a, a thahat khut tawh Egypt pana na paikhiatpih nangma gouluah dingte susia kei in.

1 Samuel 12:6

Tua ciangin Samuel in mite kiangah, "Moses le Aaron makai-in koih a, na pute uh Egypt pan a paikhiatpihpa in TOPA ahi hi.