Micah 5:2 - Zokam International Version

² Ahi hangin nang Bethlehem Ephrathah aw, Judah bawng’te b sung pan aneu na hi hangin nang sungah Israel ukpa ding khat kei adingin a piangkhia ding hi; amah tanglai hunte pan c tangtawng pek pana d omsa ahi hi.

LAISIENGTHOU CL Bible (BSI)

² Hinanleh nang Bethlehem Ephrathah Juda gam a tul tampite lah ah neu mananlechin, nangma a kipat in kei a dingin Israel vaihawmpa ding khat ahing pawt ding hi. Ama kipatchilna tanglai hun, kumtawn kumtawn akipat ahita hi.

Zo Bible

² Bethlehem Ephrathah aw, Judah bete lahah a neu pen na hi vangin, nang sung panin Israel a uh ding mipa khat ang pieng ding a, ama ang kipatna pen tangtawng ni masa lai ahi tabo hi.

Micah 5:2 ပူးပေါင်းရင်းမြစ်များ

Piancilna 35:16

Tua ciangin Bethel pan kikhinkhia uh a Ephrath pan a gamla sim a tun laitakun Rachel suak dingin kithawi-a haksa sa mahmah hi.

Piancilna 35:19

Tua ciangin Rachel si-a, Ephrath (tuapen, Bethlehem) zuatna lampi-ah kivui hi.

Piancilna 48:7

Paddan b pana ka ciah kik laitak, Ephrath tun madiakin Canaan gam lamkal-ah ka dah nadingin Rachel a si hi. Tua ciangin Ephrath (tua pen Bethlehem) zuatna lam gei-ah amah ka vui hi," ci hi.

Piancilna 49:10

Judah panin ukna sikciang- khut kikhenkhia lo dinga, a khepekte kikal pan ukna ciangkhut zong a neipa b kiang a tun mateng le minamte in ama thu a man mateng amah tawh a kikhenkhia kei ding hi.

1 Khangthute 2:54

Salma suante: Bethlehem, Netophath-te, Atroth Beth Joab, Manahath-te alang, Zor-te,

1 Khangthute 4:4

Penuel in Gedor pa hi-a Ezer in Hushah pa ahi hi. Hihte in Hur suante hi a, Ephrathah ta masa le Bethlehem’ pa i ahi hi.

1 Khangthute 5:2

a sanggamte lakah Judah thahatpenin amah panin gam uk khat piangkhia ahi manin tapa upa za Joseph in a ngah hi)—

Phatna-late 132:6

Eite in Ephrathah ah tua i za-a, Jaar a gamlak ah i tuak hi: b

Phatna-late 90:2

Mualte a suah ma, leitung le leitung mite a kibawlkhiat ma-in atawntung pan atawntung dongin nang Pasian na hi hi.

Paikhiatna 18:21

Ahi zongin mipi khempeuh panin mi kizen - Pasian a zahtak, a muanhuai, thumaan lo-a ngahna a mudah mi - tengkhia inla a tultul, a zaza, a sawmnganga le a sawmsawm ukin koih in.

Paikhiatna 18:25

Amah in Israel khempeuh lak pan a kizen mi telkhia-a, a tultul, a zaza, a sawmnga nga le a sawmsawmte tungah ulianin a koih hi.

Isaiah 11:1

Jesse bulpi panin hiang khat selkhia dinga, a zungte lak pan a Hiang khat in gah a gah ding hi.

Isaiah 53:2

A laingek mengkhia bangin a mai-ah amah khangto a, lei keuna-a a bulsel mengkhia bang ahi hi. Eite iplah dingin melhoihna ahikeh thupina nei lo a, amah i deih nadingin kilawmna peuhmah a langkhia kei hi.

Isaiah 55:4

En un, mite tungah amah teci suaksakin mite makai le ukpa ka hisak ding hi.

Isaiah 7:14

Tua ahi ciangin Topa mahmah in lim khat nang a hong pia ding hi. Tua nungak bit gai-in tapa khat nei dinga ama b min Immanuel c kici ding hi.

Jeremiah 30:21

A makaipa uh amau sung pan hi dinga a gam-ukpa ding uh amau sung pan a khang ding hi. Amah ka kiangah ka zol dinga, ka kiang tektek ah hong nai ding hi; ahang in, kua in ama thu-in hong ki-apin ka kiang hong neh ngam ding ahi hiam?’ TOPA in cikhia hi.

Hosea 6:3

Eite in TOPA phawk ni; amah phawk ding ngaihsun tentan ni. Ni a suah pelmawh bangin amah hong kilang pelmawh ding hi; tuklai-a guahzuk bangin eite kiangah hong pai dinga, leitung tui a buak sikhiau guah bangin amah hong pai ding hi."

Amos 9:11

"Tua ni ciangin a puksa David puanbuk angei ka bangsak kik ding hi. A kisiatna mun teng ka puah dinga, a sia teng angei bangin a kizang thei kik dingin ka lam ding hi.

Micah 4:10

Zion Tanu aw, numei thuak ngei thuak bangin na sa-in, kinuai in; ahang in, khuapi nusia-in gam sungah giahphual na sat ding hi. Babylon ah na pai ding hi; tua lai-ah hong kihukhia ding hi. Tua lai-ah na galte khut panin TOPA in nang hong tankhia ding hi.

Zechariah 13:7

"Namsau aw, ka tuucingpa le kei tawh kinai mipa do dingin tho in," Thahatpen TOPA in cikhia hi. "Tuucingpa sat in tuute kithehthang dinga, a note tungah ka khut ka viik ding hi.

Zechariah 9:9

Zion Tanu aw, nuam mahmah in! Jerusalem Tanu aw, kiko in! En in, na kumpipa b na kiangah thumaanna le hotkhiatna kengin migi-in laa tungah, sin nai loh, laapi ta laano tungah hong tuang hi.

Matthew 2:1

Kumpi Herod uk hun laitakin Judea gam-a Bethlehem ah Jesu a suah khit ciangin nisuahna lam pan Jerusalem ah Mipilte d a tung uh hi.

Matthew 2:6

"Judah gam-a om Bethlehem aw, ka mi Israel-te a cing dingin nang sung pan ukpa khat piang ding ahi manin g Judah gam-ukte sungah nang a neupen na hi kei hi." ci hi," ci-in a dawng uh hi.

Matthew 28:18

Tua ciangin amaute kiangah Jesu pai a, "Vantung le leitungah thuneihna khempeuh kei hong kipia khin hi.

Luke 23:2

Amaute in, "Hih pa in ka minam uh a holhthawh ka thei uh hi. Caesar tunga siah piak ding dalin kumpi khat, Christ b in kigen lai hi," ci-in amah a ngawh uh hi.

Luke 23:38

Ama lutung santakah: HIH PA JEW-TE KUMPIPA HI ci-in theih-sakna lai a suang uh hi.

John 7:42

‘Christ pen David innkuan b pan le David tenna khuapi Bethlehem pan hong pai ding hi,’ ci-in Laisiangtho in gen hi lo ahi hiam?" a ci uh hi.

Thupiakkikna 1:15

Tua ciangin note beh makai, a pil a kizahtak mite ka la-a, note tungah thu neisak in - a tulte uk, a zate uk, a sawmngate uk le a sawmte uk le minam neute tunga ulian in ka koih hi.

Colosse-te 1:17

Na khempeuh a om ma-in amah om a, ama sungah na khempeuh a kizom khawm hi.

Hebrews 13:8

Jesu Christ zanni tuni le a tawntungin kibang den hi.

Hebrews 7:14

Ahang in, eite Topa lah Judah suan le khak ahilam kitel zo a, tua beh tawh kisai-in Moses in siampite thu bangmah a gen kei hi.

1 John 1:1

A tunga omsa, kote in ka zaksa uh, ka mit uh tawh ka muhsa uh, en-a ka khut uh tawh ka lawnsa uh, hih nuntakna Thu tawh kisai kong tangko uh hi.

Kilaakna 19:16

Ama puantual tung le a phei tungah: KUMPITE’ KUMPIPA, TOTE’ TOPA ci-in hih min kigelh hi.

Kilaakna 2:8

"Smyrna a pawlpi vansawltak tungah gelh in: Hihte, a Masa pen le a Nunung pen, si-a a nungta kik pa kammalte ahi hi.

Kilaakna 21:6

Amah in kei kiangah, "Kizo ta hi! Keimah Alpha le Omega, a Patna le a Tawpna ka hi hi. A dangtak mi tungah man nei loin nuntakna tuinak panin tui ka pia ding hi.

Thukhente 17:7

Judah a Bethlehem panin, Judah bawng’te tawh a tengkhawm Levi-te tangval khat in tua khua nusia in

Ruth 1:1

Thukhente in a uk a hun lai-in tua gam sungah kialpi tunga Judah gam Bethlehem pan mi khat a zi le a tapa nih tawh Moab gam ah tawmvei sung teng dingin a pai uh hi.

Ruth 4:11

Tua ciangin upate le kongpi-a omte khempeuh in, "Kote teci ka hi uh hi. TOPA in na inn sunga hong tum tua numei Israel-te piankhiatna Rachel le Leah bang hisak ta hen. Ephrathah ah mimuanin om inla, Bethlehem ah minthang ta in.

1 Samuel 10:19

Ahi hangin note in tu-in na tuahsiatna uh le na lungdonna panun hong hon na Pasian uh na nial uh hi. Tuateh, ‘Hi lo hi, ko tungah hong uk ding kumpi khat hong koih in,’ na ci lai uh hi. Tua ahi ciangin tu-in a behbeh a bawng’bawng’in TOPA maiah kilaak un," a ci hi.

1 Samuel 17:12

Tu-in David pen Ephrath-te Jesse min nei khat tapa hi a, amah Judah a Bethlehem pana mi ahi hi. Jesse in tapa giat nei-a, Saul hun lai-in amah upa ta-a, a kum zong tam ta hi.

1 Samuel 17:18

Amau pawl e ukpa tungah hih nawithaukhal sawm zong puakkhawm pah in. Na ute bang a ci uh hiam, va en kawm inla amau kiang pan thu kician f hong puak kik in.

1 Samuel 23:23

Amah in bukna-a a zat munte khempeuh va theikhia unla thu kician a taktak tawh kei kiangah hong pai kik un. Tua ciangin no kong zui dinga; tua kualah amah a om leh Judah bawng’te khempeuh lakah amah ka mukhia teitei ding hi," ci-in a dawng kik hi.

1 Samuel 8:12

Pawlkhat a tulte uksakin pawlkhat a sawmngate uksak dinga, adangte a lo khosakin an lasak dinga a omlaite galhiam bawlsakin a sakollengte a vawhsak ding hi.