Micah 4:4 - Zokam International Version

⁴ Mi peuhmah ama lenggui nuai le ama theikung nuai-ah tu dinga, Thahatpen TOPA gensa ahi manin kuamah in amaute a lausak kei ding hi.

LAISIENGTHOU CL Bible (BSI)

⁴ Michin ama uh grepgui nuoi leh atheipi kung, nuoi uah atou hit hiet zawta ding uhi; tualeh koima’n amaute azausah nawn sih ding hi; aziehpen galkapte Mangpa kam in tua thu agenta hi.

Zo Bible

⁴ Ahi vangin a lenggui hlim nei ule a theikung hlimte uh nei-ah a unpi-un a to ziuzieu ding vua, koima in a zausah sih ding hi; azieh pen Vanglien Topa Pasien in a kam tawh a na gensa ahi hi.

Micah 4:4 ပူးပေါင်းရင်းမြစ်များ

1 Kumpite 4:25

Solomon nuntak sung teng Dan panin Beersheba dong Judah le Israel lungmuangtakin teng uh a, a lenggui uh le a thei-kungte uh nuai-ah a teng ciat uh hi.

1 Kumpite 5:5

Tua ahi ciangin ka pa David kianga TOPA in, ‘Nang’ muna tokhom a ka tutsak na tapa in ka Min a dingin biakinnpi khat a lam ding hi,’ ci-a a gensa bangin TOPA ka Pasian Min ading biakinnpi khat lam ka sawm hi.

Job 11:19

Kuama lausak lohin na lum hithiat dinga, mi tampi in nang hong maivil ding uh hi.

Phatna-late 72:3

Na mite tungah mualliante in daupaina tun ding uh a, mualneute in thumaanna gah a tun ding uh hi.

Paunakte 3:25

Bingtuahsiatna kihta kei inla migilote tunga tung tuahsiatna zong kihta kei in,

Isaiah 1:20

ahi hangin hong langpanga nong lehdo uh leh namsau in hong nawmvalh ding hi," Ahang in, TOPA kam in a gensa ahi hi.

Isaiah 17:2

Aroer khuapite kinusia dinga, ganhon giah nadingin kinusia in, tuate kuamah in a phawng kei ding hi.

Isaiah 22:25

Thahatpen TOPA in, "Tua ni ciangin a kipna muna vankhai in khoh lo dinga; kikhongkhia-in kia dinga a tunga kikhaite a kiphukta ding hi," TOPA in cikhin hi," a ci hi.

Isaiah 26:16

TOPA aw, amaute lungdongin nangmah hong zuan uh hi; amaute na sek ciangin thu ngenin a phun thei mialmial bek uh hi. c

Isaiah 32:17

Thumaanna gah lemna hi dinga; thumaanna hangin daihna le kimuanna a om tawntung ding hi.

Isaiah 36:16

"Hezekiah thu ngai kei un. Assyria kumpipa gen hih ahi hi: Kei tawh kilemna bawlin kei kiangah hong paikhia un. Tua hileh a kuamah peuh in amau lenggui, amau theikung ciat panin ne ding uh a, amau tuikhuk ciat panin a dawn ding uh hi;

Isaiah 40:5

Tua ciangin TOPA minthanna kilaak dinga, mihing khempeuh in a mu ding uh hi. Ahang in, TOPA kam in a gensa ahi hi.

Isaiah 54:14

Thumaanna-in nang hong kikipsak dinga, ukcipna tawh na kigamla ding hi; bangmah na kihta kei ding hi. Gamlapi ah launa kikhinkhia dinga, nang kiang hong tung kei ding hi.

Isaiah 58:14

tua ciangin TOPA sungah lungnopna na mu dinga, leitung a sangnate ah hong khaangto-in na pa Jacob luahte-in kong vak ding hi," TOPA kam in cikhia khin hi.

Jeremiah 23:4

Amaute donin a uk ding tuucingte ka koih dinga amaute lau nawn lo, lungkham nawn loin khat beek a mangthang nawn kei ding uh hi," TOPA in cikhia hi.

Jeremiah 30:10

"‘Tua ahi ciangin ka nasempa Jacob aw, lau kei in; Israel aw, lungsi kei in’ TOPA in cikhia hi. ‘A gamla panin nang kong honkhia dinga nangma suante a saltanna panun ka honkhia taktak ding hi. Jacob lungnuamin lungmuang kik dinga, kuamah in a lauthawngsak kei ding hi.

Ezekiel 34:25

"Amaute gamsimtham ah tenga, lungmuangtakin tulakah a lup theih nadingun amaute tawh kilemna thukhun ka bawl ding hi.

Ezekiel 34:28

Minamte in amaute galmatin kai nawn lo ding uh a, gamsate an a suak nawn kei ding uh hi. Lungnuamtakin teng ding uh a, kuamah in a lausak kei ding hi.

Ezekiel 38:11

"Kulh-a ki-um lo khuanote omna gam khat ka sim ding hi; bangmah a phawk lo lungmuangtaka om - kulh-a ki-um lo, kongpi le kongpi kalhna a nei lo mite ka sim ding hi;

Ezekiel 39:26

Amaute a gam uah omin kuamah in a lauthawngsak loh hun ciangin kei tunga a bawl uh a muanhuai lohnate uh le maizumhuainate mangngilh ta ding uh hi.

Siampi Laibu 26:6

Gamsung kong kilemsak dinga kuamah in hong lauthawngsak loin na lum hithiat ding uh hi. Keimah in gamsung panin gamsa gilote ka nawhkhia dinga, na gamsung uh namsau in a nawkkha kei ding hi.

Micah 5:3

Tua ahi ciangin numei in nausuah hun khempeuh a khit hun mateng Israel kinusia phot dinga, a omlaisun a sanggamte, Israel mite pawl dingin a ciah kik ding uh hi.

Zephaniah 3:13

Israel a baanglaite in khialhna a bawl nawn kei ding uh hi; zuauthu gen lo ding uh a, a kam uah khemna kimu nawn lo ding hi. Amaute in an ne in lum hithiat ding uh a, kuamah in a lausak nawn kei ding hi," a ci hi.

Zechariah 3:10

"‘Tua ni ciangin note mikim in a lenggui nuai le a theikung nuai-a tu ding a vengte a sam ding uh hi, ‘Thahatpen TOPA in cikhia hi," a ci hi.