Micah 4:2 - Zokam International Version

² Minam tampite pai-in, "Hong pai un, Jacob innkuante’ Pasian’ inn omna TOPA mualtungah kahto ni, ama lampi i tot theih nadingin a lampi hong hilh ding hi," ci ding uh hi. Zion panin thukham hong paikhia dinga, Jerusalem panin TOPA kammal hong paikhia ding hi.

LAISIENGTHOU CL Bible (BSI)

² Nam tampite ahing pei ding ua, “Hing pei un, Mangpa muol a Jakob Pasian inn ah pei vai, Ama’n alampi ahing na hil dinga, tuachi’n alampite izui ding uhi;” achi ding uhi. Zion apat in dan ahing pawtkhe dinga, Jerusalem apat Mangpa thu ahing pawtdoh ding hi.

Zo Bible

² minam tampite zong ang pei in: “Hing pei un, ama in a lampi ei hilin, a lampite i zui thei nadingin, Topa’ muol tung, Jacob Pasien’ biehinn ah va kato va vui,” a ci ding uhi. Azieh pen Zion panin thuhilna ang pei ding a, Jerusalem panin Topa’ kammal ang pei ding hi.

Micah 4:2 ပူးပေါင်းရင်းမြစ်များ

Phatna-late 110:2

TOPA in a thahat na ukna ciangkhut, Zion panin na khangsak dinga; na galte laizangah na uk ding hi.

Phatna-late 119:1

TOPA thukham zui-in kalsuan a a gamtatna uh genbaanna a om lo mite thupha ngah ahi hi.

Phatna-late 119:171

Na thukipte nong hilh manin ka muk pan phatna luanglet hen.

Phatna-late 122:1

"TOPA inn ah pai ni" hong cite tung ka nuam hi.

Phatna-late 25:12

Tua ahileh TOPA a kihta kua ahi hiam? Amah in ama adingin a teelsaksa lampi a lak ding hi.

Isaiah 2:3

Mi tampite pai-in, "Hong pai un, TOPA’ mual tung Jacob Pasian inn ah va paito ni. Amah in a lampite i zuih theih nadingin eite hong hilh ding hi," ci ding uh hi. Zion panin thukham hong paikhia dinga, Jerusalem panin TOPA kammal hong paikhia ding hi.

Isaiah 54:13

Na tapate khempeuh TOPA in hilh dinga, na tate lungnopna lian mahmah ding hi.

Isaiah 56:7

tuate ka mualsiangtho ah ka paipih dinga, ka thungetna inn sungah ka lungnuamsak ding hi. Ka inn minam khempeuh thungetna inn a kicih nadingin, amaute meihal biakna le a biakpiaknate uh ka biakna-tau tungah a kisang ding hi," a ci hi.

Jeremiah 31:6

Ephraim mualte tungpan in galvilte in, ‘Hong pai un eite Pasian, TOPA kiang Zion ah paito ni,’ ci-a a kiko hun uh hong tung ding hi," a ci hi.

Jeremiah 42:3

TOPA na Pasian tungah koi lamah pai dinga bang sem ding ka hi uh hiam, hong gen nadingin thu hong ngetsak in," a ci uh hi.

Hosea 6:3

Eite in TOPA phawk ni; amah phawk ding ngaihsun tentan ni. Ni a suah pelmawh bangin amah hong kilang pelmawh ding hi; tuklai-a guahzuk bangin eite kiangah hong pai dinga, leitung tui a buak sikhiau guah bangin amah hong pai ding hi."

Zechariah 14:16

Tua ciangin minamte khempeuh pana Jerusalem sima a suakta laite khempeuh Thahatpen TOPA bia dingin kum simin kuanto ding uh a, Biakbuk Pawi va bawl ding uh hi.

Zechariah 2:11

Tua ni ciangin minam tampite in TOPA pawlpih ding uh a, keima mi a suak ding uh hi. Note lakah ka teng dinga, Thahatpen TOPA in note kiangah kei hong sawl ahilam na thei ding uh hi.

Zechariah 9:10

Ephraim panin a sakollengte uh leh, Jerusalem panin a galsimna sakolte uh ka lakkhiatsak dinga, a galsimna thalpeute uh ka kuaitan ding hi. Amah in minamte tungah kilemna a tangko ding hi. Ama ukna tuipi khat pan tuipi khat, Gunpi c panin leimong d dong a zai ding hi.

Mark 16:20

Tua ciangin nungzuite paikhia uh a mun khempeuh ah thu a hilh uh hi. Topa in amaute seppih a, amaute a zui limte in ama thugen a kipsak hi.

Luke 24:47

Jerusalem pan kipankhia in, ama minin minamte khempeuh tungah kisikna le mawh maisakna thu a kihilh ding hi.

John 6:45

Kamsangte laibu sungah, ‘Pasian in amaute khempeuh a hilh ding hi,’ b ci-in kigelh hi. Ka Pa thu ngai-a ama kianga a sin khempeuh ka kiangah hong pai hi.

John 7:17

Mi khatpeuh in Pasian deihna hih ding a teel leh, ka thuhilhna Pasian pan hiam, ahikeh keima thu a gen ka hi hiam, cih a mukhia ding hi.

Nasepte 1:8

Ahi hangin note tungah Khasiangtho hong tun ciangin vangliatna na ngah ding uh a, Jerusalem, Judea gam, Samaria gam khempeuh le leimong dongah ka tecite na hi ding uh hi," a ci hi.

Nasepte 13:42

Synagogue panin Paul le Barnabas a ciah uh leh mite in Sabbath ni kik ciangin hih nate thu a ban a genlai dingun a sam uh hi.

Rome-te 15:19

amah in Kha vangliatna tungtawnin lim le nalamdangte, vangliatna tawh a sem hi. Tua ahi ciangin Jerusalem a kipan Illyricum kimkot khempeuh ah Christ lungdamna-thu ka tangko khin dipdep hi.

Thupiakkikna 6:1

Hih thupiakte, thukipte le thukhamte, note in Jordan kantanin na lak ding uh gamah na zuih dingun kong hilh dinga TOPA note Pasian hong piak ahi hi.