Micah 4:1 - Zokam International Version

¹ Ni nunung ni ciangin mualliante lakah TOPA biakinnpi mual a lianpenin kikoih ding hi; mualneute tungah kilaamto dinga, mite in a zuan ding uh hi.

LAISIENGTHOU CL Bible (BSI)

¹ Tuin tambang ahi dinga: Ni nukhia chiengin, Mangpa inn umna muol khu muolte vum ah suhkip ahi dinga, muolte tung ah tawisang ahi ding a, miten azuon zeng zung ding uhi.

Zo Bible

¹ Ang tung ding hunah Topa’ biehinn opna muol pen muolte lahah a sangpenin kikoi ding a, muoltangte tungah kisangkhan ding hi. Khum munah mite a pei ding vua,

Micah 4:1 ပူးပေါင်းရင်းမြစ်များ

Piancilna 49:1

Tua khit ciangin Jacob in a tapate samsak a: "Mailam huna hong piang ding thute kong gen theih nadingin hong ki-um dih un.

Piancilna 49:10

Judah panin ukna sikciang- khut kikhenkhia lo dinga, a khepekte kikal pan ukna ciangkhut zong a neipa b kiang a tun mateng le minamte in ama thu a man mateng amah tawh a kikhenkhia kei ding hi.

Phatna-late 110:3

Kido ni-in na galkap honte lawp ding uh hi; thupina siangtho-in kithuam ding uh a phalvakna sul panin na moina a daitui na ngah ding hi.

Phatna-late 22:27

Leimong khempeuh dongin phawk kik in, TOPA lamah kihei ding uh a, minam innkuante khempeuh ama mai-ah a kun ding uh hi;

Phatna-late 48:1

TOPA lian hi, eite’ Pasian khuapi sunga ama mual siangtho ah a phattakpen ahi hi.

Phatna-late 86:9

Topa aw, nangma bawlsa minamte khempeuh hong pai-in na mai-ah hong bia ding uh hi; na min a thangsak ding uh hi.

Isaiah 27:13

Tuateh tua ni ciangin pengkul lianpi khat a ging ding hi. Assyria a, a mangthangte le Egypt ah sala kikaite hong pai-in Jerusalem-a mual siangtho tungah TOPA a bia ding uh hi.

Isaiah 43:6

Leilu-lam kiangah, ‘Amaute piakhia un,’ ci in, leitaw-lam kiangah, ‘Amaute lehkaih kei un,’ ka ci ding hi. Gamlapi panin ka tapate, leimongte panin ka tanute -

Isaiah 49:6

amah in: "Jacob behte ciahpih kik ding le ka kepsa Israel-te puak kik ding a sempa na hina nang adingin neu lua hi. Ka hotkhiatna leimongte dongin na puak theih nadingin Gentile-te adingin zong khuavak kong suaksak ding hi," hong ci hi.

Isaiah 54:2

"Na puanbuk mun khan in, na puanbuk zapi in zal inla khiam kik nawn kei in; na khaute sausak inla, na khetphimte kipsak in.

Isaiah 56:7

tuate ka mualsiangtho ah ka paipih dinga, ka thungetna inn sungah ka lungnuamsak ding hi. Ka inn minam khempeuh thungetna inn a kicih nadingin, amaute meihal biakna le a biakpiaknate uh ka biakna-tau tungah a kisang ding hi," a ci hi.

Jeremiah 16:19

Ka thahatna, ka kulh muanhuai le ka lungdon huna ka bukna TOPA aw, leimongte panin minamte nang kiangah hong pai uh a, "Ka pate un pasian maan lo le kimanna a nei lo, a hoih a bawl thei lo milimte longal bangmah a nei kei uh hi.

Jeremiah 26:18

Moresheth-a Micah in zong thu a gen hi; amah in Judah khempeuh tunga a genna ah, "Hih in Thahatpen TOPA gen ahi hi: " ‘Lo bangin Zion kikho dinga, Jerusalem ninkholna suakin biakinnpi mual, gamphapi lak a suak ding hi,’ ci hi. b

Jeremiah 3:17

Tua hun ciangin amaute in Jerusalem, TOPA Tokhom ci ding uh a, TOPA min pahtawi dingin Jerusalem ah minam khempeuh a kikhawm ding uh hi. Amaute in a lungsim gitloh-tentenna uh a zui nawn kei ding uh hi.

Jeremiah 31:12

Amaute hong pai ding uh a, Zion asannate tungah lungnuamin kiko ding uh hi; amaute TOPA nopsakna - buh, zuthak le sathau, tuuno, bawngnote hangin nuam a sa ding uh hi. Amaute hoihtakin tui kibuak huan tawh kibang ding uh a, a dah kik nawn kei ding uh hi.

Jeremiah 48:47

"Tua hi napi hong tung ding mailam hunah Moab angei kong bangsak ding hi," TOPA in cikhia hi. Moab tunga thukhenna hih ciangah beita hi.

Ezekiel 38:16

Meii in leitung a tuam bangin ka mi Israel-te sim dingin na kuan ding uh hi. Gog aw, hong tung ding nite ah ka sianthona hong kitheih nadingin minamte mitmuhin nang tungtawna ka kilah theih nadingin ka gam sim dingin kong puak ding hi.

Ezekiel 40:2

Pasian mang ka muhna ah, Israel gamah hong paipih a mual sangpi dawn khatah hong koih hi; tua mual leitaw-lam pangah khuapi tawh a kibang inn lianpipi omna khat a om hi.

Ezekiel 43:12

"Biakinnpi tawh kisai thukham hih ahi hi: Mualtung a om huang kimkot khempeuh a siangthopen hi ding hi. Biakinnpi thukham hih bang ahi hi.

Daniel 10:14

Tu-in na mangmuhna mailam hun tawh kisai ahi manin, mailam hun ciangin na mite tungah bang thu piang lai ding hiam cih a hilhcian dinga hong pai ka hi hi," hong ci hi.

Daniel 2:28

ahi hanign thuthukte a laakkhia vantungah Pasian khat a om hi. Amah in Kumpi Nebuchadnezzar tungah mailam huna thu piang ding hong lak khin hi. Na mang le lupna tungah na lup laitaka na lungsim sunga na mangmuhte hihte ahi hi:

Daniel 2:35

Tua ciangin tua sik, tua buan, tua sumngo, tua ngun le tua kham-te thakhatin kitamzan a, khuakhal lai-a ancilna-a ansi leng tawh kibang hi. Huih in mutmang a, amel-amang kimu nawn lo hi. Ahi hangin tua milim a dengkham suangtum mual lian mahmah khat suaka leitung buppi a dim hi.

Daniel 2:44

"Tua kumpite hun sungin vantunga Pasian in a kisusia zo lo ding, midangte zong a kiluahsak lo ding kumpi-gam khat a phut ding hi. Tua in tua huna kumpi-gamte khempeuh suzan dinga bei mangsak ding hi; ahi hanign tua gam a kip tawntung ding hi.

Daniel 7:14

Amah thuneihna, minthanna le alianpipen vangliatna kipia hi; mite, minamte le pau nam khempeuh in amah a bia uh hi. Ama ukna bei ngei loin a kisia ngei kei ding hi; ama kumpi-gam kuamah in a susia kei ding hi.

Daniel 7:18

Ahi hangin Sangpen Pa misiangte in kumpi-gam ngah ding uh a, a nei tawntung ding uh hi - hihi a tawntungin nei den ding uh hi,’ ci hi.

Daniel 7:22

Tangkum Pu hong pai-in Sang Penpa misiangte angvanin thukhenna gena kumpi-gam a neih ding hun uh a tun masiah amaute a zo hi.

Daniel 7:27

Tua ciangin van kikupsin nuai-a kumpigam thupi-penna, vangliatna le liatnate Sang Penpa mi misiangte tungah ki-ap ding hi. Ama kumpi-gam in tawntung kumpi-gam hi dinga gam-ukte khempeuh in amah bia-in a thu a mang ding uh hi,’ ci hi.

Hosea 3:5

Tua khit ciangin Israel-te kihei kik ding uh a, TOPA amaute Pasian le a kumpi uh David a zong ding uh hi. Nitawp ni ciangin amaute TOPA le a thuphate zuanin ling kawmin hong pai ding uh hi.

Micah 3:12

Tua ahi ciangin nangma hangin Zion khua sung lo bangin kikho dinga, Jerusalem ninkholnapi suakin, biakinnpi omna mual gammang lak a suak ding hi.

Zechariah 14:10

Gamsung buppi, Geba pan Jerusalem leitaw-lam Rimmon dong Arabah tawh kibang ding hi. Ahi hangin Jerusalem kisangsakin a omna ngei-ah om dinga, Benjamin Kongpi a kipan Kongpi Masapen lampang Kiu Kongpi dong, Hananel Tausang panin kumpi lenggah sukna dong ahi hi.

Zechariah 2:11

Tua ni ciangin minam tampite in TOPA pawlpih ding uh a, keima mi a suak ding uh hi. Note lakah ka teng dinga, Thahatpen TOPA in note kiangah kei hong sawl ahilam na thei ding uh hi.

Zechariah 8:3

TOPA thugen hih ahi hi: "Zion ah ka kileh dinga, Jerusalem ah ka teng ding hi. Tua ciangin Jerusalem pen Thutak Khuapi kici dinga, Thahatpen TOPA mual pen Mual Siangtho kici ding hi," a ci hi.

Malachi 1:11

Minamte lakah nisuahna-a kipan nitumna dong ka min a lian ding hi. Mun khempeuh ah ka min, gimnamtui le biakna siangtho a kipuak ding hi, bang hang hiam cih leh minamte lakah ka min a lian ding hi," Thahatpen TOPA in a ci hi.

Nasepte 2:17

"Pasian in, ‘Ni nunungte ah mi khempeuh tungah ka Kha ka sungkhia ding hi. Na tanute na tapate un kamsang ding uh a, na tangvalte un mangmu in, na putekte un mang a man ding uh hi.

Hebrews 1:2

ahi hangin hih ni nunungte ah khuavannuai a bawlpa na khempeuh a luah dinga a sehpa, ama Tapa zangin eite tungah thu hong gen zo hi.

2 Peter 3:3

A masa penin ni nunungte ah mi zahpihhatte hong pai dinga, mite zahpih in amau gilo lunggulhnate zui ding uh hi, cih na theitel pelmawh un.

Kilaakna 11:15

Vansawltak a sagihna in a pengkul muta, vantung ah aw ngaih mahmah in: "Leitung gam teng i Topa gam le ama Christ gam suak zo a, amah in a tawntung in uk den ding hi,"a ci hi.

Kilaakna 15:4

Topa aw, kua’n nang hong kihta loin, na min thangsak lo ding hiam? Ahang in, nangmah bek na siangtho hi. Amaan nangma sepnate, kilaak khin zo ahi manin, minam khempeuh hong pai-in, na mai-ah hong bia ding uh hi," a ci uh hi.

Kilaakna 20:4

Thukhen za a kipiasate tutna, kumpi tokhomte ka mu hi. Tua ciangin Jesu adinga teci pangte le Pasian thu teci a panna uh hanga a ngawng uh a kitante kha ka mu hi. Amaute in gamsa ahikeh a lim bia loin ama ciamtehna a tal tung ahikeh a khut tunguah a ngah kei uh hi. Amaute nungta uh a, Christ tawh kum tulkhat sung a uk uh hi.