Micah 3:11 - Zokam International Version

¹¹ Tuanu makaite in golhguk sum tawh thu khen uh a, ama siampite in thaman ngah nadingin thu hilh uh a, ama kamsangte in sum ngah nading bekin kam a sang uh hi. Tua hi napi TOPA tungah kinga-in, "Eite lakah TOPA om hi lo hiam? Eite tungah siatna hong tung kei ding hi," ci uh hi.

LAISIENGTHOU CL Bible (BSI)

¹¹ Alamkaiten nehguhna ziehin thu akhen ua, asiempute’n aman neiin thu ahil ua, guolneiten sum deina in ai asan uhi. Tuachi pumpum in Mangpa tungah akinga ua, “Mangpa eite kungah umlou amah? itung uah sietna atung sih ding hi,” achi uhi.

Zo Bible

¹¹ A khuopi uh a uhte in guhgol tawh thukhenin, thaman nga nadingin a siempute in thu a hil vua, a kamsangte in sum nga nadingin thuphuon a gen uhi; hinanle Topa tungah a kingam bangin a om vua, “A tahtahin eite tawh Topa ang om hi! Eite tungah gimna kici hing tung sih va,” a ci uhi.

Micah 3:11 ပူးပေါင်းရင်းမြစ်များ

Jeremiah 6:13

"Aneupen pan alianpen dong a vekpi-un met nading ah huaiham uh a; kamsangte le siampite in a vekun a kibangin zuau a phuak uh hi.

Isaiah 1:23

Na gam-ukte a lehdote suakin gutate tawh kipawl uh hi; amaute in golhsum iplah uh a, a mawk piak dingte nungzuih uh hi. Amaute in pa nei lote panpih lo uh a, meigongte thu a sang kei uh hi.

Micah 3:5

TOPA gen hih ahi hi: "No kamsangte in ka mite lam a khialsak, amaute in an hong vak uh leh amaute lungnopna tangkosakin hong vak kei uh leh gal tuah ding na gelkholhsak uh hi.

Jeremiah 7:4

"Hih in TOPA biakinnpi ahi hi, TOPA biakinnpi ahi hi, TOPA biakinnpi ahi hi!" a kici zuau kammalte muang kei un.

1 Peter 5:2

Pawlpi kemte nasep bangin note kep dinga hong kipia Pasian tuuhonte, a kemte na hi un - na hih pelmawh ding uh cihna hi lo Pasian in note hong deih bangin utna tawh, sum deihluatna hang hi lo sep ding lawpna hangin na cing un;

Titus 1:11

Amaute kamhum ding uh hi. Ahang in, a hilh loh ding pipi uh hillhin innkuan sung buppi a siasak uh hi; tua zong a maan lo-a metna zonna ahi hi.

Micah 7:3

A khutte gel uh gitloh nasep ding siam mahmah a, a gam-ukte un letsong ngenin, thukhente in golhguk sang uh a, thuneite amau deih bangin thu sit uh a - a vekun a kithu tuak uh hi.

Isaiah 48:2

no le no khuapi siangtho tualsuak ka hi uh hi, a kici Ama min Thahatpen TOPA ahi Israel Pasian tunga kingate aw, hih thu ngai un:

Jeremiah 8:10

Tua ahi ciangin a zite uh midangte ka piaksak dinga, a lote uh midangte ka piaksak ding hi. Aneupen pan alianpen dong, met nading lamah a huaiham uh hi; kamsangte le siampite in a vek un a kibangin zuau a phuak uh hi.

1 Samuel 8:3

Ahi hangin a tapate ama gamtat bangin a gamta kei uh hi. Amaute amaan lo-a ngahna lamah pial uh a, golhsum la-in thutang a lehhei uh hi.

Misimna 16:15

Tua ciangin Moses heh mahmah a TOPA kiangah, "Amaute biakna sang kei in. Amaute tung panin laa khat nangawn zong ka la nai kei a, amaute khat tungah zong ka khial kei hi," a ci hi.

Jude 1:11

Amaute in gimna nak thuak na un cia! Cain lampi zui uh a, Balaam khialhna sungah a met delh in, Korah lehdona ah a kisia zo uh hi.

1 Timothy 3:3

lenggahzu a kham lo, a ngongtat lo, a lungnem, kitot a hat lo, sum iplah lo hi pelmawh ding hi.

Amos 9:10

Ka mite lakah mawh neite, ‘Ei tungah siatna hong tung loin zong i mukha kei ding hi,’ a cite namsau-in a si ding uh hi.

Hosea 4:18

A dawnte uh a bei ciang nangawnin a kizuak uh zom lai uh hi; a gam-ukte un a maizumhuai nate it uh hi.

Isaiah 56:11

An a hai mahmah uite hi uh a, kham hun a nei kei uh hi. Amaute, theihtelna a nei lo tuucingte ahi uh hi; a vekun amau tum ciatin pai uh a, amau met nading a zong ciat uh hi.

Matthew 3:9

‘Abraham ka pa uh hi’ a ci thei dingin kingaihsun kei un. Pasian in hih suangte Abraham tate suaksak thei hi, cih kong hilh hi.

Malachi 1:10

"Biaknatau tungah bangmah a kimang lo mei na vak loh nadingun note khat in biakinn kongkhakte khak zaw un! Note tungah ka lung a kim kei hi," Thahatpen TOPA in ci a, "Na khutte panun biakna kong sang kei ding hi.

Zephaniah 3:3

A uliante humpinelkai hawk hi uh a, a gam-ukte a zing-an ding bangmah a nei lo khuamial kuana keivomte ahi uh hi.

Ezekiel 22:27

Tuanu sunga om a uliante, a samatte a balzan keivomte tawh kibang uh hi. Thutang lopi-in a ngah nop manun mihing sisan luangsak uh a mi a that uh hi.

Ezekiel 22:12

Na sungah mite in sisan suahsak nadingin golhsum la uh hi. Nang in a met b na uang laka a thumaan lopi in na vengte tungah a met la-in na sut hi. Tua ciangin kei nong mangngilh hi, Thupipen TOPA in cikhia hi.

Paunakte 17:23

Migilo in thutang a lehhek nadingin golhsum sang sim hi.

Isaiah 5:23

a mawhte golhsum-in khah a, mawhpengte’ thutanna a nialte tungah gimna tung ta hen.

Jeremiah 23:17

Amaute in kei hong simmawhte tungah, ‘TOPA in: Lungnopna ngah niteh , ci hi,’ a ci den uh hi. Amaute lungsim khauhna a zui mite tungah, ‘No tungah siatna hong tung lo ding hi,’ a ci uh hi.

Jeremiah 26:7

TOPA inn sunga Jeremiah in hih thute a gen, siampite, kamsangte le mi khempeuh in a za uh hi.

Ezekiel 34:2

"Mihing tapa aw, Israel tuucingte langkhatah thu genkhol in; thu genkhol inla amaute tungah: ‘Hih in Thupipen TOPA gen ahi hi: Amaute kia bek a kidon Israel tuucingte in gimna nak thuak na uncia! Tuucingte in tuuhonte a cin ding uh hi lo ahi hiam?

Hosea 4:8

Ka mite mawhnate-in kivak uh a, a gitlohnate uh nuam a sa uh hi.

Amos 5:14

Na nuntak nadingun gitlohna zong loin a hoih zong un. Tua ciangin amah a hi ngeisa hi na cih bang tektekun, TOPA Thahatpen Pasian note tawh hong omkhawm ding hi.

Malachi 2:9

"Tua ahi ciangin keima lampi zui loin thukham thu ah mi deidan na hi manin mi khempeuh mai-ah mi simmawh le a mindai-in kong omsak hi," a ci hi.

Misimna 22:7

Moab le Midian upate a aisan thaman ding uh tawh a kuankhia uh hi. Balaam kiang a tun uh ciangin amaute in Balak gensa teng a gen uh hi.

Jeremiah 5:12

TOPA thu ah zuau phuak uh a, "Amah in, bangmah hih kei! Ei tungah bangmah natna hong tung kei inteh; namsau le kialpi tuak kei ni.

Zephaniah 3:4

A kamsangte uh ki-uangsakin zuautat mi hi uh hi. A siampite in mun siangtho thanghuaisak uh a, thukham tungah a ngongtat uh hi.