Matthew 9:15 - Zokam International Version

¹⁵ Jesu in, "Zineipa tawh a omkhawm kimlai bangci in mopawi simte dah thei ding uh ahi hiam? Zineipa amau kiang pan a kilakkhiat hun hong tung ding hi. Tua ciangin amaute in an a tang ding uh hi.

LAISIENGTHOU CL Bible (BSI)

¹⁵ Tualeh Jesu’n akung uah, “Mouneipa akung ua a um laisie moupuiten asuun thei ding uh amah? Hinanleh mouneipa alah ua kipata lahmang ni ahing tung ding a tua hun chiengin ann angawl ding uhi.

Zo Bible

¹⁵ Jesu in amate kungah, “Zineipa tawh a omton laisie-un mopawi simte a da thei ding uh amah? Amate kung panin zineipa a kilah hun ang tung ding a, tua hun ciengin amate in an a tang ding uhi.

Matthew 9:15 ပူးပေါင်းရင်းမြစ်များ

Isaiah 22:12

Tua ni ciangin Topa, Thahatpen TOPA in ippi puan silhin sam botkhia-a a kap dingin hong sam ding hi.

Matthew 9:14

Tua ciangin John nungzuite va pai uh a, "Ko le Pharisee-te in an ka tang uh hi, bang hangin na nungzuite in tang lo uh hiam?" ci-in a dong uh hi.

Matthew 9:16

"Kuamah in puanthakin puanlui a thuap ngei kei hi. Puanthakin puanlui kithuap leh puanlui kaikekin a kek beh zaw ding hi.

Mark 2:19

Jesu in, "Zineipa tawh a omkhawm kimlai bangci in mopawi simte in an tang thei ding uh hiam? Zineipa tawh a omkhawm lai tengun an a tang thei kei ding uh hi.

Mark 2:20

Ahi hangin amaute kiang pan zineipa a kilakkhiat hun hong tung ding hi. Tua ni ciangin amaute in an a tang ding uh hi.

Luke 17:22

Tua ciangin a nungzuite kiangah, "Note in Mihing Tapa nite lakah khat na muh nop hun uh hong tung dinga, ahi hangin na mu kei ding uh hi.

Luke 5:34

Jesu in, "Zineipa tawh a omkhawm kimlai a lenglate in bangci-in an tang thei ding uh ahi hiam?

Luke 5:35

Ahi hangin zineipa amaute kiang pan a kilakkhiat hun hong tung ding hi. Tua ni ciangin amaute in an tang ding uh hi," ci-in a dawng hi.

John 16:6

Hih thute ka gen manin na dah lua uh hi.

John 3:29

Mo pen zineipa aa ahi hi. Zineipa lawmpa in zineipa kithuahpihin ngak-a, zineipa aw a ngai hi; zineipa aw a zak ciangin lungnopna tawh a kidim hi. Tua lung nopna kei aa hi-a tu-in kicing ta hi.

Nasepte 14:23

Amau pawlpi tekah Paul le Barnabas in upate sehsak d uh a, a muante uh thungetna le antanna tawh Topa tungah a ap uh hi.

1 Corinth-te 7:5

Thungen dinga na kipumpiak theih nadingun na kithukimna uh hun tomkha kal simloh kuamah na kideek kei un. Note pumpi na ki-uk zawh lohna uh hanga Satan in hong khem zawh loh nadingin tua bang hun khit ciangin na kigawm kik un.

2 Corinth-te 11:27

Nakpitakin na semin ka gima, ihmu man lo liangin ka om thithe hi. Gilkial dangtakna ka thuak a, an ngawla ka om hun a tam hi. Ka guaktangin khuadam ka thuak hi.

Kilaakna 19:9

Tua ciangin vansawltak in kei kiang ah, "Gelh in: ‘Tuuno mopawi sim dinga kisamte thupha ngah ahi hi!’ hong ci a, "Hihte amaan Pasian kammalte ahi hi," hong cih beh lai hi.

Kilaakna 21:2

Pasian kiang vantung panin Jerusalem thak, Khuapi Siangtho, a pasal kianga mothak ding, kilawm taka kizem mo bangin hong paisuk ka mu hi.