Matthew 7:11 - Zokam International Version

¹¹ Tua ahileh note migilo hi napi, na tate uh na hoih piak ding thei na hi uh leh vantunga om na Pa un a ngente na hoih pia nuam zawtham lo ding ahi hiam!

LAISIENGTHOU CL Bible (BSI)

¹¹ Tuachi ahileh, nou migilouin bawn na tate uh sil hoi piehna dan na thei uleh, na Pa uh van a umin akunga ngente sil hoi petham lou ding ahiei mah?

Zo Bible

¹¹ No migilote bawn in na tate uh tungah sil hoi pieh dan ding thei na hi uleh, vantunga om na Pa un ama kunga a ngente tungah sil hoi tampitah pie zaw kan lai lo ding amah!

Matthew 7:11 ပူးပေါင်းရင်းမြစ်များ

Piancilna 6:5

TOPA in lei tungah mihingte gitlohna a liat zia le, a tawntungin a lungsim uah gitlohna ngaihsutna a neihlam uh mu hi.

Piancilna 8:21

TOPA in a gim namtui nam a, a lungsim sungah, "Mihingte a neutungin gitlohna lamah a awn kha a zongin mihingte hangin leitung ka hamsiat kik nawn kei ding hi. Ka hihsa bangin nuntakna a nei khempeuh ka susia kik nawn kei ding hi.

2 Samuel 7:19

Tua hi a, Thuneipen TOPA aw, nang muhna ah hihte a kicing nai lo bangin na nasempa innkuan vai mailam ading zong nong gen khin zo hi. Thuneipen TOPA aw, mihingte tawh na kizopzia hih bang mah ahi hiam?

Job 15:16

gitlohna tui banga a dawn, a siahuai, bangmah a man lo mihing nak ginat kei zaw na’n cia!

Phatna-late 84:11

Ahang in, TOPA Pasian in, tungsun ni le lum ahi hi; TOPA in angvanna le pahtawina pia a; a kal suanna kawkbaang lote ading na hoih khat beek a sit kei hi.

Phatna-late 85:12

TOPA in a hoih pia taktak dinga, i gam in anlak dinga gahsak ding hi.

Phatna-late 86:15

Ahi hangin Topa aw, nang a khuatuah thei le a hehpih siam, heh baih loin, itna le muanhuaina dim Pasian na hi hi.

Phatna-late 86:5

Topa aw, nang hoihin mawhna na maisak a, nang hong samte khempeuh tungah itna kicing na nei hi.

Isaiah 49:15

Nu khat in a anga a tawi naungeek mangngilh thei a, a sunga piang a ta khuatuah lo thei ahi hiam? Amah in a mangngilh kha zongin ken nang kong mangngilh kei ding hi.

Isaiah 63:7

Eite adingin TOPA in a sepnasa tawh kizui-in ama migitna le a sepnasa hangin phathuai hi - hihi, Israel innkuante adingin na hoih tampi a bawlnasate, ama khuatuahna le a migitna tampi tawh kizui-in TOPA migitna ka gen ding hi.

Jeremiah 17:9

Na khempeuh sangin lungsim khemhatzaw a, kidamsak thei lo hi. Kua in theitel ding ahi hiam?

Jeremiah 33:14

"‘Judah innkuan le Israel innkuan tunga ka thuciam ka tangtunsak hun hong tung ding hi, TOPA in ci hi.

Hosea 14:2

Kammalte keng inla TOPA kiangah kihei in. Ama kiangah: "Ka mawhna khempeuh uh hong maisak inla ka muk a gahte uh nang kong piak theih nadingun, nong hehpihna-in kote hong sang in.

Micah 7:18

Na innluah dingin a baanglaite khialhna maisaka a mawhna uh a phelsak nang tawh kibang Pasian kua om ahi hiam? Na heh den kei a, na lainatna na lak hi.

Malachi 1:6

"Tapa in a pa pahtawi-a, nasempa in a pu a pahtawi hi. Pa khat ka hileh kei hong kipahtawina koi ahi hiam? Pu khat ka hileh kei hong kizahtakna koi ahi hiam?" Thahatpen TOPA in a ci hi. Siampite aw, ka min a simmawh note na hi uh hi. "Ahi hangin, ‘Na min bangci simmawh ka hi uh hiam?’ ci-in nong dong uh hi.

Matthew 23:9

Vantunga om Pa khat bek nei na hi manun, leitungah kuamah ‘pa’ na ci kei un.

Matthew 7:10

Ahikeh ngasa a nget ciangin gul a pia ding kua om ahi hiam?

John 3:16

Pasian in leitung it lua ahi manin, a Tapa a um khempeuh mangthang lo-a nuntak tawntungna a neih nadingin a Tapa khat neihsun h a pia hi.

Rome-te 3:19

Kam khatpeuh a kisipsak nading le leitung mi khempeuh in Pasian mai-ah sittelna a thuak nadingin thukham in a gen khempeuh thukham nuai-a omte tunga a gen ahilam tu-in eite in i thei hi.

Rome-te 3:9

Tua ahileh thu bangci khup ding i hi hiam? Eite i hoihzaw tuan hiam? b I hoihzaw tuan peuhmah kei hi! Jew-te le Gentile-te khempeuh mawhna nuai-ah a kibangin om khin uh hi, i ci khin hi.

Rome-te 8:32

Ama Tapa neihsun sit loin eite khempeuh ading hong pia pa in amah tawh na khempeuh hong citpiak khawm loin om ding ahi hiam?

Galatia-te 3:22

Ahi hangin a kikamciam pen Jesu Christ upna tungtawna kipiasa, a um mite tungah a kipiak thei nadingin Laisiangtho in leitung buppi mawhna thong kiapa ahi hi, ci-in genkhia hi.

James 1:17

A hoih le a bukim letsong peuhmah tunglam pan hi-a, vantung khuavakte’ Pa pana hong kipia ahi hi. Amah, niliimte banga a kilaihlaih hi lo hi.

1 John 3:1

Eite, Pasian tate cih-a i om nadingin Pa in eite tunga hong sunleet itna lian mahmah si! Ei lah tua mah i hi hi! Leitung in eite hong theih lohna amah a theih loh hang ahi hi.

1 John 4:10

Itna hih ahi hi: Eite in Pasian i it cihna hi lo, amah in eite hong it-a, i mawhnate thoihdamna dingin c biakna-in a Tapa hong sawlna ahi hi.