Matthew 6:9 - Zokam International Version

⁹ Note in hih bangin thu na ngen un: "‘Vantunga om kote Pa aw, nangma min kisiangthosak ta hen;

LAISIENGTHOU CL Bible (BSI)

⁹ Tuaziehin tambangin thum un: Ka Pa uh van a um, Namin kizatat hen,

Zo Bible

⁹ “Tua ahi ciengin tam bangin thu na ngen un: Vantunga om kohaw’ Pa aw, na min kizatah hinlen,

Matthew 6:9 ပူးပေါင်းရင်းမြစ်များ

2 Samuel 7:26

na ciamsa bangin sem in. Tua ciangin mite in ‘Thahatpen TOPA Israel-te Pasian ahi hi!’ ci ding uh hi. Tuateh na nasempa David innkuan nangma mai-ah a kip ding hi.

1 Kumpite 8:43

na tenna mun vantung panin na za inla Israel-te theih bangin hih ka lamsa na inn in na Min a puak lam leitung mi khempeuh in thei a, nang hong kihtak nadingun gamdang mipa a ngetna na pia in.

1 Khangthute 17:24

na ciam bangbangin sem ta in. Tua ciangin mite in, ‘Thahatpen TOPA Israel Pasian ahi hi," ci ding uh hi. Tuateh na nasempa David innkuan, nangma mai-ah kip ding hi.

2 Khangthute 20:6

"TOPA ka pate uh Pasian aw, vantung a om Pasian nang hi lo na hi hiam? Minamte kumpi-gam khempeuh nangma uk ahi hi. Thahatna le vangliatna nangma khutah oma, kuamah in nang hong nang zo kei hi.

Nehemiah 9:5

Tuateh Levi-te - Jeshua, Kadmiel, Bani, Hashabneiah, Sherebiah, Hodiah, Shebaniah le Pethahiah - hihte in, "Ding unla tawntung pana tawntungpa bTOPA note Pasian phat un: "A minthang nangma min thupha kipia henla thupha khempeuh le phatna khempeuh tungah kitawisang ta hen.

Phatna-late 111:9

Amah in a mite adingin tatkhiatna guan a; a thukhun kipsak denin - a min siangtho-in, lipkhaphuai hi.

Phatna-late 115:3

Eite Pasian vantungah om a; ama lungkim bangbang a sem hi.

Phatna-late 72:18

Israel Pasian amah bek a piandang na a sempa, TOPA Pasian kiphat ta hen.

Isaiah 37:20

TOPA kote Pasian aw, tu-in leitunga kumpi-gam khempeuh in TOPA aw, nang bek Pasian b na hilam a theih nadingun ama khut panin hong hukhia in," a ci hi.

Isaiah 57:15

Ahang in, a sang, a sangpen Pa - a nungta tawntung ama min siangthopa gen hih ahi hi: "A sangna le a sianthona munah ka tenga, ahi hangin lungsim niamte le lunggimte a lungkhauhsak dingin a lungsim niamte le a lunggimte tawh ka tengkhawm hi.

Isaiah 6:3

Amaute khat le khat kisamin: Siangtho, siangtho, siangtho Thahatpen TOPA; a minthanna leitung buppi kidim hi," a kici uh hi.

Isaiah 63:16

Ahi hangin nang kote Pa na hi a, Abraham in kote hong thei loin, Israel in kote hong phawk khak loh hangin TOPA aw, nang kote Pa, tang lai-a kipan na min kote Tanpa na hi hi.

Isaiah 64:8

Tua hi napi TOPA aw, nang kote Pa na hi lai veve hi. Nang beelseekpa hi-in kote tungman ka hi uh a; na khuta nong bawlsa ka hi uh hi.

Isaiah 66:1

TOPA gen hih ahi hi: "Vantung ka tokhom hi a, leitung ka khe-ngakna ahi hi. Kei adingin na lam ding uh inn koi lai-ah om ahi hiam? Ka tawlngak nading mun koi lai ahi hiam?

Ezekiel 36:23

Minamte laka na daisak uh, amaute laka na daisak uh ka min alian mahmah ka min a sianthona kong lak ding hi. Note tungtawnin amaute mai-ah keimah ka sianthona kong kilah ciangin minamte in keimah TOPA ka hilam hong thei ding uh hi, Thupipen TOPA in cikhia hi.

Ezekiel 38:23

Tua bangin ka liatna le ka sianthona ka lak dinga minam tampite muhin kei le kei ka kitheisak ding hi. Tua ciangin amaute in keimah TOPA ka hilam a thei ding uh hi," ci hi.

Siampi Laibu 10:3

Tua ciangin Moses in Aaron kiangah, "Hih in TOPA thugen ahi hi, amah in: ‘Kei hong naihte lakah, kei a siangtho ka hina ka lak ding hi; mite khempeuh muhna-ah kei hong kipahtawi ding hi,’ ci hi," a ci hi. Aaron a daidide hi.

Habakkuk 2:14

Tui in tuipi a khuhcip bangin TOPA minthanna theihna tawh leitung a kidim ding hi.

Zechariah 14:9

Leitung buppi ah TOPA , kumpi a hi ding hi. Tua ni ciangin TOPA khat bek om dinga, ama min bek min ahi ding hi.

Malachi 1:11

Minamte lakah nisuahna-a kipan nitumna dong ka min a lian ding hi. Mun khempeuh ah ka min, gimnamtui le biakna siangtho a kipuak ding hi, bang hang hiam cih leh minamte lakah ka min a lian ding hi," Thahatpen TOPA in a ci hi.

Matthew 10:29

Kawlgit nih in dangkasan d khat man lel hi lo ahi hiam? Ahi zongin na Pa uh deihna ahikeh tuate khat nangawn zong lei-ah a mawk kiat kei ding hi.

Matthew 23:9

Vantunga om Pa khat bek nei na hi manun, leitungah kuamah ‘pa’ na ci kei un.

Matthew 26:29

Ken kong geninah, ka Pa gam sungah note tawh a thaka ka dawn khawm mateng, tu-a kipan lenggahzu ka dawn nawn kei ding hi," a ci hi.

Matthew 26:42

Amah a nihveina va pai kika, "Pa aw, hih hai kei dawn loh a kipelh thei lo ahileh, nangma deihna bang hi ta hen," ci-in thu a ngen hi.

Matthew 5:16

Tua mah bangin mite in na gamtatna hoihte uh a muh ciangin vantunga om na Pa uh a phat nadingun na khuavak uh mite mai-ah na tangsak un.

Matthew 5:48

Tua ahi ciangin vantunga om na Pa uh a hoihkim bangin note zong na hoihkim un.

Matthew 6:14

Ahang in, no tunga hong mawhte na maisak uh leh vantunga om na Pa un no zong hong maisak ding hi.

Matthew 6:6

Note in thu na nget uh ciangin na inndei sunguah pai unla, kong khakin a kimu thei lo na Pa uh kiangah na ngen un. Tua ciangin a sima kihihte a mu na Pa un note pahtakman hong pia ding hi.

Matthew 7:11

Tua ahileh note migilo hi napi, na tate uh na hoih piak ding thei na hi uh leh vantunga om na Pa un a ngente na hoih pia nuam zawtham lo ding ahi hiam!

Luke 15:18

Kei dingkhia ning ka pa kiangah ciah kikin: Pa aw, vantung le nangma tungah ka mawh zo hi.

Luke 15:21

"A tapa in ama kiangah, ‘Pa aw vantung le nangma tungah ka mawh zo hi. Nang ta cih dingin ka kilawm nawn kei hi,’ b ci hi.

Luke 2:14

"A sang penna-a Pasian minthang henla, leitunga ama angvan mite tungah lemna om ta hen."ci-in Pasian a phat uh hi.

John 20:17

Jesu in, "Pa kiangah ciah nai lo ka hi manin hong lenlen kei in. Tua sangin ka sanggamte kiangah pai inla, ‘Ka Pa, na Pa uh, ka Pasian na Pasian uh kiangah a ciah kik dek ta ka hilam amaute va hilh in,’" a ci hi.

Rome-te 1:7

Pasian in it-a misiang dinga a sap Rome a omte khempeuh tungah: I Pa Pasian le Topa Jesu Christ tung pana hehpihna le lemna note tungah om ta hen.

Rome-te 8:15

Ahang in, note launa sila hong suaksak kik kha a sangte na hi kei uh hi; ahi hangin tapa-suahna h Kha na sang zo uh hi. Tua hi a, ama hangin eite in, "Abba, i Pa," i ci hi.

Galatia-te 1:1

Mihing pan hi lo, mite sawl zong hi lo, ahi hangin Jesu Christ le misi pana amah a thosak Pa Pasian sawltakpi Paul le

Galatia-te 4:6

Note tapate na hi manun "Abba, c Pa" a ci khia tua Kha, ama Tapa Kha eite lungsungah Pasian in hong sawl hi.

1 Timothy 6:16

amah bek a si thei lo, a kineh thei lo khuavak sunga nungtapa, kuama muh ngei loh le a muh theih loh pa ahi hi. Ama tungah pahtawina le thahatna om tawntung ta hen. Amen.

1 Peter 1:17

Mikim nasepna tungah guptuam nei lo-a thukhenpa, Pa khat min a lo khawm na hi nungsangun kihtakna siangtho tawh hih lai-ah mikhualte bangin nungta un.

Kilaakna 4:11

"Kote Topa le Pasian aw, nangin na khempeuh na piangsak-a nangma deih bangin amaute kipiangsakin nungta uh ahi manin, minthanna, pahtawina le vangliatnate a ngah dingin na kilawm hi," a ci uh hi.

Kilaakna 5:12

Amaute in, "A kigosa Tuuno, vangliatna, hauhna, pilna, hatna, pahtawina, minthanna le phatna ngah dingin kilawm hi," ci-in ngaihtakin a sa uh hi.