Matthew 6:6 - Zokam International Version

⁶ Note in thu na nget uh ciangin na inndei sunguah pai unla, kong khakin a kimu thei lo na Pa uh kiangah na ngen un. Tua ciangin a sima kihihte a mu na Pa un note pahtakman hong pia ding hi.

LAISIENGTHOU CL Bible (BSI)

⁶ Hinanleh noute pen na thunget chieng un na pindan sung gil uah lut unlen, na kot uh kha unlen mun simtham a um na Pa uh kungah thungen un, tuachi’n aguh a hing mu na Pa un langtangtah in nou ahing pe ding hi.

Zo Bible

⁶ Ahi vangin thu na nget sielun na innkhan sung vuah lutin kot khah unlen, mu thei lona muna om na Pa uh kungah ngen un; tua hile ang dapmu na Pa un note thaman ang pie ding hi.

Matthew 6:6 ပူးပေါင်းရင်းမြစ်များ

2 Kumpite 4:33

A sungah lut-a, amau gel bek a sungah omin kong khaka TOPA tungah thu a ngen hi.

Phatna-late 34:15

TOPA’ mitte, a thumaante tung tu-a, ama bilte in a kikona uh ngai gige hi;

Paunakte 25:22

Tua bangin hih lecin a luzangah mei-am a vumsak na hi dinga, tuateh TOPA in pahtakman hong pia ding hi.

Isaiah 26:20

Ka mite aw, pai un, na inndei sunguah lut unla kong kikhaknelh un; ama thangpaihna a bei matengin tawlkhat sung bu phot un.

Isaiah 65:24

Amaute hong sap ma-in ka dawng dinga; amaute a paupau laitakun ka na za ding hi.

Matthew 14:23

Mihonpite a ciahsak khit ciangin a mah kia thungen dingin mualtung ah a paito hi. Nitak ciangin amah kia tua lai ah a om hi.

Matthew 6:18

Tua hileh an na tan lam uh mi mai-ah kilang lo dinga, a kimu lo na Pa uh maitang bekah kilang ding hi. Tua ciangin a sima kihihte a mu na Pa un note pahtakman hong pia ding hi.

Matthew 6:4

Tua ciangin a sima kihihte a mu na Pa un note pahtakman hong pia ding hi.

John 1:48

Nathanael in, "Kei bang hong ci theih na hi hiam?" ci-in a dong hi. Jesu in, "Philip in nang hong sap ma, theikung nuai-a na om lai-in kong thei zo hi," a ci hi.

John 20:17

Jesu in, "Pa kiangah ciah nai lo ka hi manin hong lenlen kei in. Tua sangin ka sanggamte kiangah pai inla, ‘Ka Pa, na Pa uh, ka Pasian na Pasian uh kiangah a ciah kik dek ta ka hilam amaute va hilh in,’" a ci hi.

Nasepte 10:30

Cornelius in, "Nung ni li lai-in, ka inn sungah nitak lam nai thum, tu hunin thu ka ngen hi. Thakhatin ka mai-ah puan atang selsal a silh mi khat hong dinga,

Nasepte 10:9

A zingciang sun pawl, amaute khuapi zuana a pai laitakun, thungen dingin Peter inntungah a pai to hi.

Nasepte 9:40

Peter in amaute khempeuh inndei pua lamah a sawlkhia hi. Tua ciangin khukdin sukin thu a ngen hi. A si numei lamah kihei a, "Tabitha, tho in," a ci hi. Tuanu hakin Peter mu-a a tu to hi.

Rome-te 8:5

Pianngei mawhna banga nungtate in, tua pianngei deihna bekbek a lunggulh uh hi. Ahi hangin Kha deihna banga nungtate in Kha deihna bekbek a lunggulh uh hi.

Ephesa-te 3:14

Hih thu hangin Pa mai-ah ka khukdin hi,