Matthew 6:25 - Zokam International Version

²⁵ "Hong hilh tektek ka hi, na nuntak nading, na nek na dawn ding ahi zongin na pumpi uh ading, na silh na ten ding uh bangmah lunghimawh kei un. An sangin nuntakna thupizaw hi lo ahi hiam? Puansilh sangin pumpi thupizaw hi lo ahi hiam?

LAISIENGTHOU CL Bible (BSI)

²⁵ “Tuaziehin ka hing hil ahi, Bang ahiei ka neh ding, bang ahiei ka dawn ding, ahisihleh na tahsa ua dinga bang ahiei ka sil a ka ten ding chi’n na tahsa ua dingin lunghimaw sih un, neh ding sangin hinna athupizaw sih amah? Silleten sangin tahsa a thupi zaw sih amah?

Zo Bible

²⁵ “Tua ahi ziehin ke’n kang ci-in, bang ne-in bang ka dawn diei, ci-in na hinkhuo ading uh lunghimaw sih unlen, bang ka sil diei, ci-in zong na pumpi vua dingin lunghimaw sih un. Nehledawn sangin hinkhuo thupizaw a, silleten sangin pumpi thupizaw hi lo amah?

Matthew 6:25 ပူးပေါင်းရင်းမြစ်များ

Phatna-late 55:22

TOPA tungah na lungsim vangik teng suan in, aman hong puakpih ding hi; amah in thumaante puksak ngei lo ding hi.

Jeremiah 45:5

Nang in nangma ading na lianpi zong ding na hi hiam? Tuate zong kei in. Ahang in, mi khempeuh tungah gimna ka tungsak ding hi; TOPA in cikhia a, ahi hangin na paina peuhpeuh ah na nuntakna kong suaktasak ding hi,’ ci hi," a ci hi.

Matthew 10:19

Ahi hangin note hong mat uh ciangin bang ka gen ding hiam, bang ka ci gen ding hiam, ci-in lunghimawh kei un. Tua hun ciangin na gen ding uh hong kihilh ding hi.

Matthew 13:22

Ling laka tute ahileh thu za napi hih leitung nuntak nading lunghimawhna le hauhna’ khemna in depgawp a gah a gah lote ahi hi.

Matthew 6:31

Tua ahi ciangin, ‘Bang i ne tam? Bang i dawn tam? Bang i silh tam?’ ci-in lunghimawh kei un.

Matthew 6:34

Tua ahi manin zingciang ading lung himawh kei un; zingciang, amah le amah kilunghimawh na ding hi. Ni khat in ama buaina khop nei ciat hi.

Mark 13:11

Note hong kimanin thu hong kisit peuhpeuh ciangin, bang ka gen ding hiam, ci-in ama-in lunghimawh khol kei un. A gen ding no hi loin Khasiangtho hizaw ding ahi manin tua huna hong kipia peuhpeuh na gen lel un.

Mark 4:19

ahi hangin leitung nuntak nading lunghimawh nate, hauhna’ khemna-te le nadangte lunggulhna lutin, thu depgawp a, gah a gahsak kei hi.

Luke 12:11

"Synagogue-te mai ahi zongin gam-ukte le thuneite mai-ah ahi zongin note hong kipaipih ciangin bang kici hutin, bang gen ding cih lunghimawh kei un.

Luke 8:14

Ling laka tu khaicite, Pasian thu a zak uh hangin a nuntakna uhah nuntak nading lunghimawhnate, hauhnate le nopsaknate in depgawp-a, a picing lote cihna ahi hi.

Rome-te 8:32

Ama Tapa neihsun sit loin eite khempeuh ading hong pia pa in amah tawh na khempeuh hong citpiak khawm loin om ding ahi hiam?

1 Corinth-te 7:32

Lunghimawhna na neih loh ding uh ka deih hi. Zi nei lopa in Topa a lungkimsak theih nadingin Topa nate mah a lung himawhpih hi.

Philippi-te 4:6

Na khatpeuhah lunghimawh in patau kei unla, na khempeuh ah lungdamkohna tawh thuahin, thungetna le ngetna Pasian tungah na tun un.

2 Timothy 2:4

Galkap nasem mi kuamah in tangpi vai vasaipih loin amah a makaih mangpa a lungkimsak nuam hi.

1 Peter 5:7

Amah in note hong lunghimawh ahi manin na lunghimawhnate khempeuh uh ama tungah suan un.