Matthew 6:24 - Zokam International Version

²⁴ "Kuamah in tonih na semkhawm thei lo hi. Khat itin khat a mudah hiam, khat belin a khat a simmawh hiam, khat zawsang hi ding hi. Note in Pasian nasep le sum nasep na thuahkhawm thei kei ding uh hi.

LAISIENGTHOU CL Bible (BSI)

²⁴ “Koiman houtu ni nna asemkop thei sih, aziehpen khat amuda ding a, khat pen ait dinga, ahisihleh khat humin, khatpen asimmaw kha ding hi. Pasian leh sum nna nasemkop thei sih ding uhi.

Zo Bible

²⁴ “Koima in to ni’ na sem zo lo hi; azieh pen sila pa in khat muda-in a khat it ding a, ahi sihle a khat belin adang khat simmaw ding hi. Note in Pasien’ na le leitung hauna’ na na semton zo sih ding uhi.

Matthew 6:24 ပူးပေါင်းရင်းမြစ်များ

Piancilna 47:17

Tua ciangin amaute in a gante uh Joseph kiangah puak uh a, a sakolte uh, a tuute uh, a keelte uh, a ganhonte uh le a laate uh khekna in an a pia hi. A gante khempeuh uh khekna-in tua kum sung tawntung amaute an pia hi.

1 Kumpite 18:21

Mipite mai-ah Elijah pai-in, "Ngaihsutna nih kikal ah bang tanvei lungsim laklawhin om niloh ding na hi uh hiam? TOPA pen Pasian ahileh amah zui unla; Baal pen Pasian ahileh lah amah zui un," a ci hi. Ahi hangin mite in bangmah a gen kei uh hi.

2 Kumpite 17:41

Hih mite in TOPA a biak kawmkawmun amau milimte na a sem uh hi. Tuni dongin a tate uh le a tute un a pate uh sep bangin a zomsuak lai uh hi.

Ezekiel 20:39

"‘Israel innkuante aw, hih in note adingin TOPA thugen ahi hi: Note a kuamapeuh in na milimte uh na sem un! Ahi hangin mailam hunah pel loin ka thu nong ngai ding uh a, na letsongte uh le na milimte uh tawh ka min siangtho na daisak nawn kei ding uh hi.

Zephaniah 1:5

innkhum tungah kah a, aksi honte bia-a kunte, TOPA tawh kiciama a kunte le Molech b tawh a kiciamte zong,

Matthew 4:10

Jesu in, "Satan, paikhiamang in! ‘Na Topa Pasian bia inla, ama na bek sem in,’ f ci-in kigelh hi," a cih san hi.

Luke 16:11

Tua ahi ciangin note leitung hauhna kem dingin na muanhuai kei uh leh hauhna taktak kem dingin kua in hong muang ding ahi hiam?

Luke 16:13

"Kuamah in to nih na a sem khawm thei kei hi. Khat itin khat a mudah hiam, khat beelin a khat a simmawh hiam, khat zawsang hi ding hi. Pasian na le Sum na, na sem khawm thei kei ding uh hi," ci-in a gen hi.

Luke 16:9

Ken kong geninah, leitung hauhnate lawm ngah nadingin na zang un; tua hileh a bei ciangin tawntung tenna ah note hong kimuak ding hi.

Galatia-te 1:10

Tu-in mihingte maipha ahikeh Pasian maipha a zong ka hi hiam? Ahikeh mihingte lungdamsak a sawm ka hi hiam? Mihingte lungdamsak a sawm lailai ka hileh Christ nasem ka hi kei ding hi.

1 Timothy 6:17

Tu huna hih leitung sumhaute kiang ah, a ki-uatsak loh nading uh le a kician lo hauhna muang lo a, eite i lungnop nadingin na khempeuh kicingtaka hong piapa Pasian, a muan zawk nadingun thu pia in.

2 Timothy 4:10

Ahang in, Demas in hih leitung a it manin kei hong taisan a, Thessalonica ah a pai hi. Galatia ah Crescens pai zo a, Dalmatia ah Titus a pai hi.

James 4:4

No angkawm hat mite aw, leitung tawh kilawmtakna in Pasian lama muhdahna ahilam thei lo na hi uh hiam? A lawm dinga leitung a teelte peuhmah Pasian gal a suak hi.

Joshua 24:15

Ahi hangin TOPA nasep nuam na sak tuak kei uh leh gunpi gala na pute uh pasiante le amau gama na tenna uh Amor-te pasiante’ na koizaw sem ding na hi uh hiam tuni mahmah in teel un. Ahi hangin kei le ka innkuanpihte in ahileh TOPA na ka sem ding uh hi," a ci hi.

1 Samuel 7:3

Tua ciangin Samuel in Israel innkuan buppi tungah, "Na lungsim khempeuh un TOPA lamah kihei-a, na gamdang pasiante uh le Ashtoreth-te paikhia-un, TOPA tungah ki-apa ama na bek na sep uh leh, amah in note Philistia-te khut panin hong hukhia ding hi," a ci hi.