Matthew 6:19 - Zokam International Version

¹⁹ "Nget le kekseu in a siatsak theihna le gutate in luh a, a guk theihna mun hih leitungah na goute uh khol kei un.

LAISIENGTHOU CL Bible (BSI)

¹⁹ “Lei a nget leh sam eeh in anehsiet na ah leh gutaten aphevang ua aguh theina uah gou kikhol sih un.

Zo Bible

¹⁹ “Nget in ne-in sam-eh a kai theina, gutate in lu-in a guh theina leitungah na goute uh khol sih un;

Matthew 6:19 ပူးပေါင်းရင်းမြစ်များ

Job 24:16

Mite in khuamial lakah inn tokham uh a, ahi hangin sun ciangin a sungah a kikhakkhum uh hi; khuavak sungin bangmah a sem nuam kei uh hi.

Job 31:24

"Muan penin kham ka neih a, ahikeh kham citak kiangah, ‘Ka ngaihmuanna nang na hi hi,’ ka cih leh

Phatna-late 39:6

Mihing pen telmunmel om lo-a vaksuk vaktoh ahi hi: Ama a kibuaisakna a mawkna hi a; hauhna kholkhol ta leh kuan’n ngah ding cih a thei kei hi.

Phatna-late 62:10

Zawhthawh thu-a suh muang kei unla, guksa van ah zong kisathei kei un; na hauhna uh a khang zongin tuate lungmuanpih kei un.

Paikhiatna 22:2

"Guta khat a innluh laitak kimu a, a sih nading zahin a kisat leh tua sisan luanna hangin a satpa a mawh kei hi;

Paunakte 11:4

Thangpaih hunin hauhna in man nei lo a, thumaanna in ahileh sihna panin a hu hi.

Paunakte 16:16

Kham sangin pilna ngah ding hoihzaw tham a, ngun sangin theihtelna teel ding hoihzaw tham si!

Thuhilhna 2:26

Pasian in amah a lung kimsakpa tungah pilna, theihna le lungnopna pia-a, mawhneipa ahileh Pasian a lungkimsakpa tungah a ap ding hauhnate kaikhawmsakin a kholsak hi. Hih zong a mawknapi mah hi-a, huih nungdelh lel mah ahi hi.

Zephaniah 1:18

TOPA thangpaihna ni ciangin a ngun a khamte un amaute a honkhia thei kei ding hi. Amah in thakhatin a tawpna tungsak ding ahi manin ama aamluatna mei in leitung buppi le leitanga teng khempeuh a kangtum ding hi,"

Matthew 19:21

Jesu in, "Na hoihkim nop leh pai-in, na neihsa khempeuh zuak inla mizawngte na pia in. Tua hileh vantungah gou na nei ding hi. Tua khit ciangin hong pai inla ka nung hong zui in," ci-in a dawng kik hi.

Matthew 6:20

Nget le kekseu in a siatsak theih lohna le gutate in luh a, a guk theih lohna mun vantungah na goute uh khol un.

Luke 12:21

"Pasian lamah hau lo a, ama adinga na a kholte peuhmah tua bang hi ding hi," a ci hi.

Luke 12:33

Na neihsate uh zuak unla mizawngte na pia un. A patvang thei lo sumbawm no le no na kiguan unla, a bei thei lo, gutate in a naih theih loh le nget nek theih lohna mun vantungah na gou uh khol un.

Luke 12:39

Ahi hangin note in hih thu na theitel un: Inn neipa in zanlai bang hunin gutate pai ding hiam cih theikhol leh a inn kiluhsak lo ding hi.

Luke 18:22

Jesu in hih thu a zak ciangin ama kiangah, "Na khat na samlai hi. Na neihsa khempeuh zuak inla, mizawngte pia in. Tua hileh vantungah gou na nei ding hi. Tua khit ciangin hong pai-in kei hong zui in," a ci hi.

Luke 18:24

Jesu in amah en a, "A haute Pasian gam a lut nading haksa mahmah hi!

1 Timothy 6:17

Tu huna hih leitung sumhaute kiang ah, a ki-uatsak loh nading uh le a kician lo hauhna muang lo a, eite i lungnop nadingin na khempeuh kicingtaka hong piapa Pasian, a muan zawk nadingun thu pia in.

Hebrews 13:5

Pasian in, "Nang kong nusia kei dinga nang kong taisan ngei kei ding hi," e ci ahi manin sum iplahluatna panin kikem unla, na neih zahzah uh tawh lungkim un.