Matthew 6:10 - Zokam International Version

¹⁰ na gam hong tung ta hen, vantungah na deihna a kihih bangin, leitung ah zong kihih ta hen.

LAISIENGTHOU CL Bible (BSI)

¹⁰ Na gam hing tung hen, na deilam van a akibawl bangin, lei ah zong kibawl hen.

Zo Bible

¹⁰ na gam hing tung taheh. Na deina vanah a kizui bangin leitung ah zong kizui taheh.

Matthew 6:10 ပူးပေါင်းရင်းမြစ်များ

Nehemiah 9:6

Nang bek TOPA na hi hi. Nang in vante, a sangpen vante nangawn le aksi honpite, leitung le a tunga om khempeuh, tuipi le a sunga om khempeuh, na bawl hi. Na khempeuh na nungtasak a, vanmi honpite in nang hong bia uh hi.

Phatna-late 2:6

"Ka mual siangtho Zion tungah ka Kumpipa c ka tusak khin hi." a ci hi.

Phatna-late 40:8

Nangma deihna ka sem nuam hi, ka Pasian aw; nangma thukham ka lung sungah a om hi," ka ci hi.

Isaiah 2:2

Ni nunungte ah TOPA’ biakinnpi mual, mualliante laka a lian pen bangin kikipsak dinga; mual neute tungah kisangsakin minamte khempeuh in a zuan zuahzuah ding uh hi.

Jeremiah 23:5

TOPA in: "David a panin pilna tawh ukin gam sungah thumaan thutangin na a sem ding kumpi ahi thumaan Hiang khat ka khankhiatsak hun hong tung ding hi.

Daniel 2:44

"Tua kumpite hun sungin vantunga Pasian in a kisusia zo lo ding, midangte zong a kiluahsak lo ding kumpi-gam khat a phut ding hi. Tua in tua huna kumpi-gamte khempeuh suzan dinga bei mangsak ding hi; ahi hanign tua gam a kip tawntung ding hi.

Daniel 4:35

Leitunga mite khempeuh bangmah in kisim lo hi. Amah in vantung vangliatna le leitunga mihingte tawh a lungkimna bangin a sem hi. Kuamah in ama cih nial thei lo a, "Nang bang hih na hi hiam?" a ci thei kei hi.

Daniel 7:13

"Zana ka mangmuhna ah ka et leh ka mai-ah mihing tapa tawh kibang khat vana meii tungah tuangin hong pai hi. Amah in Tangkum Pu lam manawh a, ama omna munah kipaipih hi.

Daniel 7:27

Tua ciangin van kikupsin nuai-a kumpigam thupi-penna, vangliatna le liatnate Sang Penpa mi misiangte tungah ki-ap ding hi. Ama kumpi-gam in tawntung kumpi-gam hi dinga gam-ukte khempeuh in amah bia-in a thu a mang ding uh hi,’ ci hi.

Zechariah 9:9

Zion Tanu aw, nuam mahmah in! Jerusalem Tanu aw, kiko in! En in, na kumpipa b na kiangah thumaanna le hotkhiatna kengin migi-in laa tungah, sin nai loh, laapi ta laano tungah hong tuang hi.

Matthew 12:50

Ahang in, vantung a om ka Pa deihna a hih peuhpeuh ka sanggam-nu, ka saggampa le ka nu ahi hi," ci-in a dawng hi.

Matthew 16:28

Thutak kong geninah, hih lai-a ding mi pawlkhat in, Mihing Tapa ama kumpi-gam tawh hong pai, a muh matengun sihna a ciamkha kei ding uh hi," a ci hi.

Matthew 26:42

Amah a nihveina va pai kika, "Pa aw, hih hai kei dawn loh a kipelh thei lo ahileh, nangma deihna bang hi ta hen," ci-in thu a ngen hi.

Matthew 3:2

"Kisik un. Vantung gam hong nai ta hi," ci-in Judea gama Gamlakah thu a hilh hi.

Matthew 4:17

Tua huna kipanin Jesu in, "Vantung gam hong nai zo ahi manin kisik un," ci-in thuhilh a kipan hi.

Matthew 7:21

‘Topa, Topa’ hong ci khempeuh vantung gamah a lut kim kei ding hi. Ahi hangin vantunga om ka Pa deihna banga gamtate bek a lut ding hi.

Mark 11:10

"Hong tung ding i pa David kumpi gam in thupha a ngah hi!" "A sangpenna munah Hosanna!" ci-in a awng uh hi.

Mark 3:35

Pasian deihna a hih peuhpeuh ka sanggampa, ka sanggamnu le ka nu ahi uh hi," a ci hi.

Luke 19:11

Amah in Jerusalem naih ta a, mipite in Pasian gam a kilangpah dingin ngaihsun uh ahi manin amaute in Jesu thugen a ngaih laitakun amah in amaute kiangah gentehna khat gena,

Luke 19:38

"Topa min-a hong pai kumpipa in thupha a ngah hi! a "Vantungah lemna om henla, a sang penna munah minthanna om ta hen!"ci-in a awng uh hi.

Luke 22:42

"Pa aw, na ut leh hih hai tawh hong kipelhsak in; ahi zongin kei deihna bang hi loin nangma deihna bang hizaw hen," a ci hi.

John 4:34

Jesu in, "Kei hong sawlpa deihna bang sep ding le tua nasep ka zawh ding, ka an ahi hi," a ci hi.

John 6:40

Ahang in, ka Pa deihna ahileh Tapa mu a, amah a um peuhpeuh in nuntak tawntungna nei-a, ni nunung ni ciangin amah ka thawhsak ding ahi hi," a ci hi.

John 7:17

Mi khatpeuh in Pasian deihna hih ding a teel leh, ka thuhilhna Pasian pan hiam, ahikeh keima thu a gen ka hi hiam, cih a mukhia ding hi.

Nasepte 13:22

Saul paikhiat khit ciangin amaute kumpi dingin David a koih hi. Amah tawh kisai-in teci panga, ‘Ka lungsim tawh kituak Jesse tapa David ka mu zo hi; amah in sep dinga ka deih peuhpeuh a sem ding hi,’ ci hi.

Nasepte 21:14

Ka khohna uh hong man nop loh ciangin ka kho nawn kei uh a, "Pasian deih bangin piang ta hen," ka ci uh hi.

Nasepte 22:14

"Tua ciangin amah in: ‘I pate Pasian in, ama deihna thei ding Thumaan Pa mu ding le ama kam pan thute za dingin nang hong teel zo hi.

Rome-te 12:2

Hih leitung deihna tawh kizui-in na gamta nawn kei unla, na lungsim uh thaksuaksakin na kipumkhel un. Tua hileh a hoih, a lungkimhuai, a hoihkim Pasian deihna bang ahi hiam, cih khentel thei-in na pakta thei ding uh hi.

Ephesa-te 6:6

Amaute hong muh sunga hong pahtak nading bek hi loin Christ sila bangin na lungtang sung uhah Pasian deih bangin amaute thu na mang un.

Colosse-te 1:13

Ahang in, amah in khuamial ukna gam pan eite hong hukhia in, a it a Tapa gam sung hong tun zo a,

Colosse-te 1:9

Hih thu hangin note thu ka zak ni-ua kipan, note ading khalam pilna le theihtelna khempeuh tungtawna, ama deih bang theihna tawh note hong dimsak nadingin Pasian tungah thunget ka tawp kei uh hi.

1 THESSALONIKA 4:3

Pasian deihna ahi: na siantho ding uh, numei pasal paktatna na pelh ding uh,

1 THESSALONIKA 5:18

hih in Christ Jesu sungah note ading Pasian deihna ahi manin a piang khempeuh ah lungdam na ko un.

Hebrews 1:14

Vansawltakte khempeuh, hotkhiatna luah dingte nasem dinga, kisawl khate hi lo ahi hiam?

Hebrews 10:36

Pasian deihna na sep uh ciangin ama hong ciamsa na ngah nadingun na sikdo ding uh kisam hi.

Hebrews 10:7

Tua ciangin ken, ‘Kei hih lai-ah ka om hi laizial sungah kei thu a kigelh zo hi — Pasian aw, na deih bang a sem dingin kong pai hi,’ d ka ci hi," a ci hi.

Hebrews 13:21

ama deihna sep nadingin a hoih na khempeuh note hong guanin Jesu Christ tungtawnin eite sungah ama lungkimna bangbangin hong sem henla ama tungah a tawntungin minthanna om den ta hen. Amen.

1 Peter 2:15

Ahang in, a hoih na sep uh hanga mihaite haipaunate na daihsak ding uh Pasian deihna ahi hi.

1 Peter 4:2

Tua hangin ama leitung nuntakna a om laiteng mihing lunggulhna gilote ah nungta nawn loin Pasian deihna ah a nungta zaw hi.

Kilaakna 11:15

Vansawltak a sagihna in a pengkul muta, vantung ah aw ngaih mahmah in: "Leitung gam teng i Topa gam le ama Christ gam suak zo a, amah in a tawntung in uk den ding hi,"a ci hi.

Kilaakna 12:10

Tua ciangin vantung ah aw ngaih taka kiko khat ka za a: "Tu-in eite Pasian hotkhiatna, a vangliatna, a gam le ama Christ thuneihna hong tung zo hi. Ahang in, eite Pasian mai-ah sun le zanin i sanggamte ngawhin a mawhsakpa kilawnkhia zo hi.

Kilaakna 19:6

Tua khit ciangin mihonpite in, tuizeu ging le angaih mahmah kek kia ging tawh kibangin: "Hallelujah! A Thahatpen i Topa Pasian in uk ta hi.

Kilaakna 20:4

Thukhen za a kipiasate tutna, kumpi tokhomte ka mu hi. Tua ciangin Jesu adinga teci pangte le Pasian thu teci a panna uh hanga a ngawng uh a kitante kha ka mu hi. Amaute in gamsa ahikeh a lim bia loin ama ciamtehna a tal tung ahikeh a khut tunguah a ngah kei uh hi. Amaute nungta uh a, Christ tawh kum tulkhat sung a uk uh hi.