Matthew 5:4 - Zokam International Version

⁴ A dahte thupha ngah ahi hi, ahang in, amaute a kihehnem ding hi.

LAISIENGTHOU CL Bible (BSI)

⁴ “Da a lungkhamte ahampha uh, hamuon a um ding ahi zieh un.

Zo Bible

⁴ “A kap a maute thupha nga ahi hi, bangzieh ahei cile amate a kihenem ding hi.

Matthew 5:4 ပူးပေါင်းရင်းမြစ်များ

Isaiah 12:1

Tua ni ciangin, "TOPA aw, nang kong pahtawi ding hi. Kei tungah na heh ngei zongin na hehna dam ta a, kei nong hehnem zo hi.

Isaiah 25:8

sihna a valhtum den ding hi. Thupipen TOPA in maitang khempeuh pana khitui teng nulsak dinga, leitunga ama mi khempeuh minsiatna a beisak ding hi. TOPA gensa ahi hi.

Isaiah 30:19

No Zion mite, Jerusalem a tengte aw, na kap nawn kei ding uh hi. Huhna ngenin na kiko uh ciangin hong hehpih mahmah hi! Amah in a zak phetin hong dawng ding hi.

Isaiah 35:10

TOPA in tatman a piaksate hong ciah kik ding uh hi. Amaute lasa kawmin Zion ah a lut ding uh hi; amaute lutungah a tawntungin lungnopna khu ding uh hi. Nopsakna le kipahna tawh kidim ding uh a, dahna le khuisatna beimang ding hi.

Isaiah 57:18

Ama lampi ka muh khit hangin amah ka damsak ding hi; amah lam ka hilh dinga hehnem in,

Isaiah 66:10

Jerusalem a it note khempeuh aw, amah tawh nuamsa unla, ama hangin kipak un; ama hanga a thum note khempeuh aw, amah tawh nuamsa khawm un.

Isaiah 66:2

Hih nate khempeuh ka khut in a bawlsa hi a, tua ciangin tuate na-a hong om hi lo ahi hiam?" TOPA in ci hi. "Ka thupi ngaihsut hih mipa ahi hi: kiniamkhiatin a lungsimin kisika ka thu hanga a lingpa ahi hi.

Ezekiel 7:16

A suakta a omlai sunte khempeuh amau mawhna hangin mual kawmah om ding uh a, mual kuama kawlvakhute bangin a thum ciat ding uh hi.

Ezekiel 9:4

ama kiangah, "Jerusalem khuapi va siksuak inla a sunga a kizem na kihhuaite hanga kapa taamlote a taltang ah ciamteh in," a ci hi.

Zechariah 12:10

Tua ciangin David innkuante le Jerusalem a tengte tungah hehpihna le ngetnopna kha a ka sungkhia ding hi. Amaute in a sutletpa uh kei hong en b in a tapa neihsun kah bangin kap ding uh a, a tapa masapen hanga a dah mahmah bangin ama adingin dah ding uh hi.

Luke 16:25

"Ahi hangin Abraham in, ‘Ka ta aw, na nuntak hun sungin na hoihte na ngah a, tua laitakin Lazarus in na hoih lote a ngah hi, cih phawk in. Ahi hangin tu-in amah hih lai-ah nuamsa a, nang na hileh gimna na thuak hi.

Luke 6:21

Tu laitaka gilkial note thupha ngah na hi uh hi, ahang in, hong kivak kham ding hi. Tu laitaka kap note thupha ngah na hi uh hi, ahang in, na nui ding uh hi.

Luke 6:25

Tu laitaka an kham note, gimna na thuak ding uh hi, ahang in, na gilkial ding uh hi. Tu laitaka nui note, gimna na thuak ding uh hi, ahang in, dahin na kap ding uh hi.

Luke 7:38

Jesu nunglam a khe phungah kap kawmin dinga a khitui in Jesu khepekte a kawtsak hi. Tua khit ciangin a samin nul-a, namin a sathau namtui a buak hi.

Luke 7:50

Jesu in numei kiangah, "Na upna in nang hong honkhia zo hi; lungnuamin ciah in," a ci hi.

James 1:12

Zia-etna thuaka, a sikdo mi thupha ngah ahi hi. Bang hang hiam ci leh zia-etna a thuak zawh khit ciangin Pasian in amah a itte a kamciamsa nuntakna lukhu a ngah ding hi.

Kilaakna 21:4

Amah in amaute mit-a khitui khempeuh a nulsak ding hi. Alui nate paizia mangthang zo ahi manin tua lai-ah natna, sihna, thumna, kahnate a om nawn kei ding hi," a ci hi.