Matthew 5:22 - Zokam International Version

²² Ahi hangin ken kong geninah, a sanggam c tunga a hehte peuhmah in thukhenna a thuak ding hi. Tua banah a sanggamte tunga, ‘Raca, d ’ a ci peuhmah in Sanhedrin-te thusitna a thuak ding hi. Ahi hangin, ‘Nang mihai!’ a ci peuhmah in hell meipi a thuak ding lauhuai hi.

LAISIENGTHOU CL Bible (BSI)

²² Hinanleh ken na kung uah ka gen ahi, Koipou azieh bei a a unau tunga lungthah khu thukhenna zauhuoi dinmun ah ading ding a, tualeh koi zong a unau kunga Raka chi pouma thukhen vaihawmte vaihawmkhumna zauhuoitah dinmun ah ading ding a, tualeh koipou “Nang mi mo” chi pouma gawtmun meidil a pai ding zauhuoitah dinmun ah a ding ding hi.

Zo Bible

²² Ahi vangin ke’n kang ci-in, na sanggampa ahi sihle na sanggamnu tunga na lungthah uleh thukhenna na thuoh ding uhi; tuale note in na sanggampa ahi sihle na sanggamnu na hosiet uleh upate’ thukhenna zumah thusitna na thuoh ding uhi; tuale note in, ‘Nang mimaw pa’ na ci uleh hell meili sungah thukhenna na thuoh ding uhi.

Matthew 5:22 ပူးပေါင်းရင်းမြစ်များ

Piancilna 37:4

A pa un amaute khatpeuh sangin amah itzaw cih a muh uh ciangin a sanggamte in amah mudah uh a, kamkhumin a hopih kei uh hi.

Piancilna 37:8

A sanggamte in ama kiangah, "Ko tungah hong uk sawm na hi hiam? Nang, kote hong uk takpi ding na hi hiam?" ci uh hi. Amaute in a mang hang le a gensate hangin amah mudah zaw semsem uh hi.

2 Samuel 16:7

A hamsiat kawmkawmin Shimei in, "Paikhia, paikhia, no mihing sisan suahte, no misiate!

2 Samuel 6:20

A innkuanpihte thupha pia dingin David a ciah ciangin Saul tanu Michal in amah na dawntuah a, "Tuni-in Israel kumpipa amah le amah kithupi suahsak si e, mi kheltat khatpeuh hih bangin a nasem sila numeite muhin a puansuahsa-in a om a," a ci hi.

1 Kumpite 21:4

Jezreel-te Naboth in, "Ka pate gou ka luah nang kong pia kei ding hi," ci ahi manin Ahab heh kawmin maimialsa in a inn ah a ciah hi. A lupna tungah lumin nuaka an a ne nuam kei hi.

2 Khangthute 16:10

Hih thu hangin thumupa tungah Asa a heh hi; amah heh lua ahi manin thong sungah a khum hi. Tua hun mahin Asa in mi pawlkhat zong khelbawl gawpin a nengcip hi.

2 Khangthute 19:5

Gam sunga kulha ki-um Judah khuapite ah thukhente a koih ciat hi.

Nehemiah 5:8

"Gentile-te tunga kizuaksa i Jew sanggamte ahi zo zahzah i lei kik ding hi. Ei tunga hong zuak kik ding bekun na sanggamte uh tungah a zuak na hi uh hi!" ka ci hi. Amaute in a gen ding uh bangmah thei loin a pau a ham om lo uh hi.

Phatna-late 109:3

Muhdahna kamte tawh kei hong umcih uh hi; amaute in a thu om loin kei hong busim uh hi.

Phatna-late 14:1

Mihaipa c in a lungsimin, "Pasian om kei," ci hi. Amaute kisiagawp uh a, a maute gamtatna siahuai hi; a hoih sem khat beek om lo uh hi.

Phatna-late 25:3

Nang sungah lametna a neite khat beek kimaizumsak ngei lo dinga, ahi hangin a thu om lopi-a a zuautatte a kimaizumsak ding hi.

Phatna-late 35:19

A thu om lopi-in kei tungah ka galte kisialsak kei inla, thu om lopi-in kei hong mudahte kimitsin simsak kei in.

Phatna-late 37:8

Hehna ki-ip inla thangpaihna kiheisan in; lunghimawh kei in - tua in gitlohna tun lel hi.

Phatna-late 49:10

Ahang in, mipilte sih mi khempeuh in mu thei-in; mihaite le ngaihsut beite a kibangin kisia a, a hauhna uh midang a nusiat uh hi.

Phatna-late 69:4

A thu om lo a kei hong mudah mi, ka lu-a ka samzangte sangin tamzaw a; a thu om lopi-a kei siatsak hong sawm ka galte a tam hi. Ka guk lohpi a dinkik dingin hong kisawl tentan hi.

Phatna-late 7:4

kei tawh a kilem mipa tungah gitlohna a bawl ka hih a, a thu om lopi-in ka galpa na a sut ka hi leh

Phatna-late 92:6

Ngaihsutna nei lote in thei lo uh a, mihaite in a theitel kei uh hi;

Paunakte 14:16

Mipil in TOPA kihta-in gitlohna peel a, mihai in ahileh ngaihsun khol loin amtat hi.

Paunakte 18:6

Mihai muk in kitotna tun a, a kam in sat thuaksak hi.

Jeremiah 17:11

Thuman lo-a a haute, ama tui lopi a op valah tawh kibang hi. A khan kimtan ciangin a neihsate beimang dinga, a tawpna ah mihai ahilam kilangsak ding hi.

Tamlawhna 3:52

Ka galte in a thu omlopi-in vasa betin hong beng uh hi.

Daniel 3:13

Nebuchadnezzar nak heh lua mahmah a, Shadrach, Meshach le Abednego-te a samsak hi. Tua ciangin tua mite kumpipa mai-ah kipuak a,

Daniel 3:19

Tua ciangin Nebuchadnezzar heh mahmah a Shadrach, Meshach le Abednego-te tungah a ngaihsutna a kilaih hi. Amah in pummei a sat ngeina zah sangin a zah sagihin a satsak zawk nadingun thu pia a,

Obadiah 1:10

Na sanggampa Jacob tunga na ngongtatna hangin nang hong kimaizumsak dinga, a tawntungin hong kisusia ding hi.

Obadiah 1:12

Na sanggampa a tuahsiat ni-in, na neu-et kei ding hi; Judah-te a kisiat ni-un nuam loin a lungkham ni-un na awibawl kei ding hi.

Matthew 10:17

Ahi hangin mite lakah na kigalging un; amaute in tualsung vaihawmte khutah note hong puak ding uh a, amaute synagogue-te sungah note hong sat ding uh hi.

Matthew 10:28

Pumpi a thah hangin kha a that thei lote kihta kei un. Kha le pumpi meili sunga a siasak thei pa na kihta zaw un.

Matthew 12:24

Ahi hangin hih thu Pharisee-te in a zak uh ciangin, "Hih pa in dawite ukpa Beelzebub b bek suangin dawite a hawlkhia hi," a ci uh hi.

Matthew 17:5

Tua banga a pau laitakin meiingo khat in amaute tuama, tua meii lak panin, "Hih in, ka it ka Tapa ahi hi, ama tungah ka lung a kim mahmah hi; ama thu na ngai ta un!" ci-in aw khat a ging hi.

Matthew 18:21

Tua ciangin Jesu kiangah Peter va pai a, "Topa aw, ka sanggam khat ka tungah hong mawh leh bangzah vei ciang ka maisak ding hiam? Sagih vei ciang dong hiam?" ci-in a dong hi.

Matthew 18:35

"No zong na lungsim takpi uh tawh na sanggamte uh mawhna na maisak kei uh leh vantunga om ka Pa in hih bangin note tung ciatah hong hih ding hi," a ci hi.

Matthew 23:15

"No kineihsiam thukham siate le Pharisee-te gimna nak thuak na nu cia! Note in mi khat na khel zawh nadingun leitung le tuitungah na zin kawikawi uh hi. Amah hong kikhel ciangin no zah nihvei-in hell tapa na suaksak uh hi.

Matthew 23:33

"No gulte! No gul gilo mualtan suante! Note meili sung tun nading mawhpaihna pan bangci suahtak thei ding na hi uh hiam?

Matthew 25:41

"Tua khit ciangin a veilam a omte kiangah, ‘Hamsiatna a thuakte aw, kei kiang pan taikhia un, dawimangpa le ama vansawltakte adinga kibawlsa tawntung meikuang sungah pai un.

Matthew 26:59

Siampi makaite le Sanhedrin buppi in Jesu a thah theih nadingun a langah zuau teci a zong uh hi.

Matthew 3:17

Tua laitakin, "Hih in ka it ka Tapa ahi hi. Ama tungah ka lung a kim mahmah hi," ci-in vantung pan aw khat a ging hi.

Matthew 5:34

Ahi hangin ken kong geninah, tomlo peuhmah kei un: vantung, Pasian tokhom ahi manin tomlawhna-in zang kei un;

Matthew 5:44

Ahi hangin ken kong geninah, na galte d na it un; hong bawlsiate ading thu na ngetsak un.

Mark 14:55

Siampi makaite le Sanhedrin buppi in Jesu a thah theih nadingun langpangin paulap a zon uh hangin khat beek a mu kei uh hi.

Mark 15:1

Zingsang phalvak tungin siampi makaite in upate, thukham siate le Sanhedrin buppi tawh thukhensatna a bawl uh hi. Amaute in Jesu henin paikhiatpih uh a, Pilate khutah a tun uh hi.

Luke 12:5

Ahi hangin na kihtak ding uh kua hiam cih kong lak ding hi: Pumpi a thah khit ciangin hell khuk sunga hong paii thei dinga vangliatna a neipa na kihta un. Hi hi, ken kong geninah amah na kihta un.

Luke 22:66

Khuavak tungin tangpi upa vai hawmte, siampi makaite le thukham siate kikhawm uh a, amaute mai-ah Jesu a paipih uh hi.

John 11:47

Tua ciangin siampi makaite le Pharisee-te in Sanhedrin kikhop a sam uh hi. Amaute in, "A bangci tazen i hi hiam? Hih mipa in limlamdangte bawlbawl a;

John 15:25

Ahi hangin hih in amaute thukham sunga kigelhsa: ‘Amaute in ahang om lopi-in kei hong mudah uh hi,’ c cih a tangtunna ahi hi.

John 7:20

Mihonte in, "Nang dawi lut na hi hi; kua in nang thah hong sawm ahi hiam?" ci-in a dawng uh hi.

John 8:48

Jew-te in, "Nang, Samaria mi hi in, dawi lut hi, kong cih uh maan lo ka hi uh hiam?" ci-in a dawng uh hi.

Nasepte 17:18

Epicurea le Stoic thuguizuihte honkhat amah tawh a kisel uh hi. Amaute pawlkhat in, "Hih kam theipa in bang gen nuam ahi hiam?" ci-in a dong uh hi. Paul in lungdamna thu ahi Jesu thu le thawhkikna thu hilh ahi manin a dangte in, "Amah in gamdang pasiante a gum hileh kilawm," a ci uh hi.

Nasepte 22:30

A zing ciangin galkap mangpa in, bang pen hanga Jew-te in Paul hih banga mawhmat nuam uh ahi hiam, cih cian taka a theih khit nop manin, amah khahkhia a, siampi makaite le Sanhedrin-te khempeuh a kikup dingun thu a pia hi. Tua ciangin Paul paipiha amaute mai-ah a dingsak hi.

Nasepte 23:1

Paul in Sanhedrin-te tangtakin en a, "Ka sanggamte aw, tuni dongin Pasian tungah kisuantaakna om loin ka sep ding teng ka tangtun khin zo hi," a ci hi.

Nasepte 24:20

Ahikeh Sanhedrin mai-a ka din lai-in, kei tungah bang mawhsakna a mu uh hiam? Hih lai-a omte in gen uh hen.

Nasepte 4:15

Tua ahi ciangin Sanhedrin panin kihemkhia dinga thu a piak khit uh ciangin, amaute thu a kikum uh hi.

Nasepte 5:21

Amaute tunga kigensa bangin khuavak phetin biakinnpi huangte ah lut uh a, mite thu a hilh uh hi. Tulpipa le a kithuahpihte a tun uh ciangin Israel upate—Sanhedrin khempeuh kikhawmsakin, thonga sawltakpite a samsak uh hi.

Nasepte 5:27

Sawltakpite a tunpih khit uh ciangin tulpipa thusit dingin Sanhedrin mai-ah a dingsak uh hi.

Nasepte 6:12

Tuaci-in amaute in mipite le upate le thukham siate a hansuah uh hi. Amaute in Stephen man uh a Sanhedrin mai-ah a tun uh hi.

Nasepte 6:15

Sanhedrin a tu mi khempeuh in Stephen limtakin entek uh a, amaute in a maitang, vansawltak maitang tawh kibangin a mu tek uh hi.

Nasepte 7:37

‘Pasian in nomau mite lak panin keimah bang kamsang khat hong sawl ding hi,’ f ci-a Israel-te tungah a na hilh pa tua Moses mah ahi hi.

Rome-te 12:10

Note khat le khat unau ki-itna kho tawh na ki-it thuk un. No sangin midangte a sangzaw-in na kipahtawi thuk un.

1 Corinth-te 6:10

gutate, duhhopte, zu khamkhamte, mi gensiate, sum ne simte khempeuh in Pasian gam a luah kei ding hi.

1 Corinth-te 6:6

Ahi hangin tua sangsikin sanggam khat in adang khat thukhente tungah hekin tua nangawn thu um lote tung hi sawnsawn hi!

Thupiakkikna 15:11

Tua gamah mizawng a om den ding hi. Tua ahi ciangin na gamua na sanggamte uh le mizawng le a tasamte tungah na cingh un, ci-in thu kong pia hi.

Thupiakkikna 16:18

TOPA note Pasian in hong piak ding khua simah na beh kimun thukhente le uliante na seh ding uh a, amaute in mite thu siangtakin a khen ding uh hi.

1 THESSALONIKA 4:6

hih thu-ah kuamah in a sanggam tungah khialin ama tungah hamphatna zong kei hen. Kote in kong vauhilhsa uh le kong gensa bangun hih mawhnate khempeuh hangin Topa in mihingte a gawt ding hi.

Titus 3:2

kuamah gensia loin mi tawh kilemin, mi ading khualin mi khempeuh tungah kiniamkhiatna taktak a lah dingun phawksak kik in.

Hebrews 12:25

Tua thu a genpa na nial loh nading un kikem un. Leitung ah amaute a vauhilhpa a nial uh ciangin suakta lo uh ahileh vantung pana eite hong vauhilhpa nungngatsan lehang i suahtak nading baih lo semsem ding hi lo ahi hiam?

Hebrews 5:9

khatvei hoihkim khinin, ama thu a mangte khempeuh adingin hotkhiatna nak hong suak zo a,

James 2:20

Nang mihaipa aw, gamtatna loin upna a kimanna om lo d hi cih a kitelna na thei nuam hiam?

James 3:6

Leii zong mei khat mah hi-a, pumpi nate lakah gitlohna lompi ahi hi. A mihinna pumpi siasaka, a nuntak sung bup kangsakin, amah le amah zong meilipi in a kihal kuang ahi hi.

1 Peter 2:23

Amaute in amah a zahko uh ciangin thukkik lo a, a thuak laitakin a tawng thuk kei hi. Tua sangsikin tangtaka thukhenpa tungah amah le amah a ki-ap zaw hi.

1 Peter 3:9

Gitlohna, gitlohna in na thuk kei un; hong engkote engko thuk loin thupha na pia zaw un. Bang hang hiam cih leh thupha khat na luah theih nadingun hih thu dinga note hong kisam ahi hi.

1 John 2:9

Mi khatpeuh in khuavak sungah ka om hi, ci napi in a sanggampa a muhdah leh khuamial sunga om lai ahi hi.

1 John 3:10

Hih in Pasian tate le dawimangpa tate i theihkak theih nading ahi hi. Mi khatpeuh amaana a gamtat kei a, ama sanggampa a it kei leh Pasian ta ahi kei hi.

1 John 5:16

Mi khatpeuh in, a sanggampa in sihna a tun lo mawhna khatpeuh a bawl a muh leh thu ngen ta hen; Pasian in amah nuntakna pia ding hi. Sihna a tun lo mawhna a hihte gen ka hi hi. Sihna a tun mawhna khat a om hi. Tua thu-a thu ngetsak ding ka ci kei hi.

Jude 1:9

Ahi hangin vansawltak a lianpen Michael nangawn, dawimangpa tawh Moses luang a kituh lai-un kosia in mawhsak ngam loin, "Topa in nang hong tai hen," ci bek hi.

Kilaakna 20:14

Tua ciangin meili sungah sihna le Gawtmun kipai hi. Tua meili sihna nihna ahi hi.