Matthew 5:16 - Zokam International Version

¹⁶ Tua mah bangin mite in na gamtatna hoihte uh a muh ciangin vantunga om na Pa uh a phat nadingun na khuavak uh mite mai-ah na tangsak un.

LAISIENGTHOU CL Bible (BSI)

¹⁶ Tuama bangin na vah uh mi mudingin vah heh, tuachi’n na silbawl hoite amu thei ding ua, Van a um na Pa uh apahtawi thei ding uhi.

Zo Bible

¹⁶ Tua ma bangin amate in na silpha bawl uh a mu ciengun vantunga om na Pa uh’ min a phat thei nadingun mite mai-ah na khuovah uh na tangsah un.

Matthew 5:16 ပူးပေါင်းရင်းမြစ်များ

Paikhiatna 34:35

amaute in atee ama maitang a mu uh hi. Tua ciangin Moses in TOPA hopih dinga a lut kik mateng a maitang maikhuhna in a khuh kik hi.

Paunakte 4:18

Thumaan mite’ lampi ahileh ni suak tung nizang banga, sun nitang a bat dong a tangpha semsem hi.

Isaiah 58:8

Tua ciangin na khuavak uh phalvak bangin suakkhia dinga, na damsakna uh kilangkhia pah ding hi; tua ciangin na thumaanna a uh na mai-uah pai dinga, TOPA minthanna in note nungah hong dal ding hi.

Isaiah 61:3

Zion-a om a dahte huhin - amau lutungah vut tangin kumpi lukhu a khusak ding, thumna tangin nuamna sathau, le lungkiatna kha tangin phatna puan a pia dingin kei hong sawl zo hi. ama thupina a kilat nadingin amaute, TOPA suansa thumaanna tehno kungte, kici ding hi.

Matthew 23:5

"Amaute hih peuhmah mite muh ding deihin a hih uh hi: Amaute in a phylact-te f uh liansak in, a thunget puante uh a mongtep a sausak uh hi.

Matthew 23:9

Vantunga om Pa khat bek nei na hi manun, leitungah kuamah ‘pa’ na ci kei un.

Matthew 5:45

Tua hileh vantunga na Pa uh tate na suak thei ding uh hi. Amah in miphate le misiate tungah ni tangsak a, thumaante le thumaan lote tungah guah a zusak hi.

Matthew 6:16

"Note in an na tan uh ciangin, an a tan lam uh mite a lah nop manun a maitang uh a kilamdangsak kineihsiamte bangin na mai uh mualsak kei un. Thutak kong geninah, amaute in pahtakman a cingin ngah zo uh hi.

Matthew 6:9

Note in hih bangin thu na ngen un: "‘Vantunga om kote Pa aw, nangma min kisiangthosak ta hen;

Matthew 9:8

Mihonpite in hih thu a muh uh ciangin lamdang a sa mahmah uh a, hih bang thuneihna mihingte tunga a pia Pasian a phat uh hi.

Luke 11:2

Amah in amaute kiangah, "Thu na nget uh ciangin, "‘Pa b aw, nangma min kisiangthosak ta hen, na gam hong tung ta hen. c

John 15:8

Note in gah tampi na gah uh a, ka nungzuite na hina uh na lahna uh, ka Pa minthanna ahi hi.

Nasepte 9:36

Joppa ah (a khiatna Dorcas a ahi) Tabitha kici nungzui khat om a, amah in mizawngte huhin, na hoih sem tawntung khat ahi hi.

1 Corinth-te 14:25

tua ciangin a lungtang sunga thusimte a kilang ding hi. Tua ciangin amah kiko-in," Note lakah Pasian om takpi hi!" ci-in bokin Pasian a bia ding hi.

2 Corinth-te 9:13

Na kilatkhiatna uh ahi tua nasepna hangin, Christ lungdamna-thu na pulakna uh a zui thuman’na le amaute le mi khempeuh tawh na tanh khop uh na citna uh hangin mite in Pasian a phat ding uh hi.

Galatia-te 1:24

Keima hangin amaute in Pasian a phat uh hi.

Ephesa-te 2:10

Ahang in, eite sep dinga Pasian geelkholh, nasep hoih sem dinga Christ Jesu sunga kipiangsak Pasian khutsiam i hi hi.

Ephesa-te 5:8

Ahang in, hun khat lai-in note khuamial na hi uh a, ahi hangin tu-in Topa sungah khuavak na hi uh hi. Khuavak tate bangin na nungta un;

1 THESSALONIKA 2:12

ama gam le a minthanna sunga hong sampa Pasian tawh kilawma nungta dingin note kong hanthawn uh a, hong hehnem in kong kun uh hi.

1 Timothy 2:10

Pasian bia numeite adinga kilawm ciang gamtat hoih tawh a kizep ding uh hizaw hi.

1 Timothy 5:10

Ahi zongin a gamtat hoihin, a tate khansuah zo a, zindo a siam, misiangte khe a silsak, gim ngahte huh tawntunga, gamtat hoih namkimte ah kipia zo mahmah in a kipahtak leh meigong lakah ciamteh in.

1 Timothy 5:25

Tua mah bangin gamtatna hoihte kilang sise a, a kilang sise lote zong a kiselcip thei kei hi.

1 Timothy 6:18

A hoih semin, gamtat hoih tampi a gamtat nading uh le cingh in mi a hop nop nadingun thu pia in.

Titus 2:14

Amah, tatsiatna khempeuh pana eite hong tankhia ding le ama hong neihtuam dingin amahmah in hong siansuaha, a hoih a gamtat ding a lawp dingin eite ading amahmah hong kipia pa ahi hi.

Titus 2:7

Na khempeuhah na hoih semin amaute etteh na suak in. Thu na hilh ciangin thutakna, cihtakna,

Titus 3:14

I mite mawk nuntak loin a nisim kisapnate uh a kisiktawm zawh nadingun na hoih sem dingin amau le amau a kipiak nadingun kisin pelmawh uh hen.

Titus 3:4

Ahi hangin eite Honpa Pasian migitna le itna hong kilat ciangin,

Hebrews 10:24

Tua bangin eite khat le khat itna le gamtat hoih lama i kithanopsuah theih nadingin ngaihsun ni.

1 Peter 2:12

Lawkite lakah tua bang nuntakna hoih na nungta un. Amaute in a khiala hong ngawh uh hangin, na gamtatna hoihte uh mu thei ding uh a, Pasian in eite hong veh ni ciangin amah a minthangsak ding uh hi.

1 Peter 2:9

Ahi hangin note na hi uh leh khuamial sung pan hong samkhia-a, ama khuavak lamdang sunga hong tunpa phatna na tangko theih nadingun hong teeltuam mi pawl, kumpi nam, siampi, minam siangtho, Pasian mite na hi uh hi.

1 Peter 3:1

Tua mah bangin zite aw, na pasalte uh tungah kiniamkhiat un. Tua hileh amaute khatpeuh thu um lo a om leh, pau kul loin a zite uh gamtatzia,

1 Peter 3:16

Christ sunga om na gamtatna hoih uh langpang a, a simmawhte in a gensiatna uh a maizumpih theih nadingun na lungsim kitheihna uh siangthotakin kem un.

1 Peter 4:11

Mi khatpeuh in thu a gen leh Pasian kammalte mahmah a gen bangin gen ta hen. Mi khatpeuh in mi na a sep leh, na khempeuh ah Jesu Christ tungtawna Pasian a kiphat theih nadingin Pasian piak thahatna tawh sem ta hen. Ama tungah minthanna le vangliatna a tawntungin om den ta hen. Amen.

1 Peter 4:14

Pasian le a minthanna Kha note tungah om ahi manin, Jesu min hangin note hong ki-engko leh thupha ngah na hi uh hi.