Matthew 4:23 - Zokam International Version

²³ Galilee gam sung tengah Jesu pai kawikawi a, synagogue-te ah thu hilhin, vantung gam lungdamna thuthak hilh-a, cina luna khempeuh a damsak hi.

LAISIENGTHOU CL Bible (BSI)

²³ Tuachi’n Jesu Galili gam pumpi ah apei kawi kawi a, akikhopna innte uah, leenggam khantanhoi thu agen a, mite lah a natna chinteng leh damlouna chinteng, adam sah zel hi.

Zo Bible

²³ Galilee gam sung tengah Jesu vah kawikawi a, amau’ kikhopna inn ah thuhilin Pasien’ manggam lungdamna thu tangko a, mipi lahah cina luna zosie a damsah hi.

Matthew 4:23 ပူးပေါင်းရင်းမြစ်များ

Phatna-late 103:3

Amah in na mawhnate khempeuh maisakin na natnate khempeuh damsaka,

Phatna-late 74:8

A lungsim un, "Tuate zanmangsak ni," ci uh hi. Amaute in gam sunga Pasian kibiakna mun peuhmah a haltum uh hi.

Matthew 11:5

Mittawte in khua mu a, khebaite lam pai-in, miphakte a damsiang uh a, bilngongte in khua za hi; misite kithosakin, mizawngte kiangah lung damna thu kigen hi.

Matthew 12:9

Tua mun pan paikhia-a amaute synagogue sungah a lut hi.

Matthew 13:19

Mi khatpeuh in vantung gam thu a zak hangin a theihtel kei leh, gilopa pai-in a lungtang sunga kivawhsate a sutkhia hi. Hih khaici pen lamdunga tute ahi hi.

Matthew 13:54

Ama khua a tun ciangin synagogue sungah mite thuhilh kipana, amaute in lamdang a sa uh hi. Amaute in, "Hih pilna le hih bang nalamdang bawl theihna vangte hih pa in koi pana a ngah ahi hiam?

Matthew 14:14

Jesu a kumkhiat ciangin mihonte mu a, amaute khuatuah in a cinate uh a damsak hi.

Matthew 24:14

Tua ciangin mi namkim tungah teci ahi dingin leitung buppi ah kumpi-gam lungdamna-thu kihilh dinga tua khit ciangin beina a tung ding hi.

Matthew 3:2

"Kisik un. Vantung gam hong nai ta hi," ci-in Judea gama Gamlakah thu a hilh hi.

Matthew 9:35

Khuapi le khuaneu khempeuh ah Jesu pai kawikawi a, amaute synagogue-te ah vantung gam tawh kisai lungdamna thu hilhin natna satna namkim a damsak hi.

Mark 1:14

John thong a kiat khit ciangin Pasian lungdamna thuthak tangko in Galilee gam sungah Jesu va pai hi.

Mark 1:21

Amaute Capernaum ah pai uh a, Sabbath ni a tun ciangin synagogue ah Jesu lutin thuhilh a kipan hi.

Mark 1:39

Tua ciangin amah Galilee gam sung tengah zin kawikawi a, synagogue-te ah thu hilhin dawite a hawlkhia hi.

Mark 3:10

Ahang in, amah in mi tampi damsak khin ahi manin a cina laite in amah lawng nuamin mailam a phu tentan uh hi.

Mark 6:2

Sabbath a tun ciangin synagogue sungah thuhilh kipana, ama thugen a za mi tampi in lamdang a sa uh hi. Amaute in, "Hih mipa in hih nate koi pana a ngah ahi hiam? Nalamdangte nangawn a bawl theih nadingin ama tunga kipia hih pilna bang ahi hiam?

Mark 6:6

Amah in amaute uplahna lamdang a sa hi. Tua ciangin Jesu, khua khat pan khua khatah thuhilhin a vak kawikawi hi.

Luke 10:9

Tua khua-a cinate damsak unla amaute kiangah, ‘Note kiangah Pasian-gam hong nai ta hi,’ ci-in gen un.

Luke 13:10

Sabbath ni khat Jesu in synagogue-te khatah thu a hilh hi.

Luke 16:16

"John hun masiah Thukham le Kamsangte a kitangko hi. Tua khita kipan, Pasian gam lungdamna-thu kihilhin, tua sungah thahatthu-in mikim a lut gawp hi.

Luke 20:1

Ni khat biakinnpi tualah thu hilh-a lungdamna-thu a gen laitakin siampi makaite le thukham siate, upate tawh ama kiangah va pai uh hi.

Luke 4:14

Jesu, Kha vangliatna tawh Galilee ah ciah kika, ama thu gamsung khua khempeuh ah a kizel hi.

Luke 5:17

Ni khat Jesu in thu a hilh laitakin Galilee gam khuaneu khempeuh pan, Judea le Jerusalem pana pai Pharisee-te le thukham siate tua lai-ah a tu uh hi. Cinate a damsak nading Topa vangliatna ama adingin a om hi.

Luke 6:17

Amaute tawh amah tonkhawm sukin munzang khatah a ding hi. Ama nungzui mihon tampi le Judea gam khempeuh pan ahi zongin, Jerusalem le Tyre le Sidon le tuipi dung pan ahi zongin mi tampitak,

Luke 6:6

Sabbath ni dang khat synagogue sungah pai-a thu a hilh laitakin a khut taklam a teem mi khat a om hi.

Luke 7:21

Tua hun laitak tektekin Jesu in natna satna le kha gilo a veite tampi damsakin, mittaw tampi khua a musak hi.

Luke 7:22

Tua ciangin amah in thupuate kiangah, "Note pai kik unla, na zaksa na muhsa uh thu teng John kiangah va hilh un: Mittawte in khua mu uh hi, khebaite lam pai thei uh hi; miphakte b damsiang uh hi; bilngongte in khua za uh hi; misite kihingkiksak hi; mizawngte kiangah lungdamna thu kihilh hi.

Luke 8:1

Tua khit ciangin Jesu khuapi le khuaneute ah zin kawikawi-a, Pasian gam tawh kisai lungdamna thu a tangko hi. Tua Sawm-le-nihte ama kiangah om uh a,

Luke 9:11

Ahi hangin mihonpite in thei veve uh a, amah a zui uh hi. Amah in amaute na muak a, Pasian-gam thu genpihin damsak ding a kisamte a damsak hi.

Luke 9:60

Jesu in ama kiangah, "Misite in amau misite na vui uh hen. Ahi hangin nang pai inla Pasian-gam thu na tangko in," a ci hi.

John 18:20

Jesu in, "Leitung kiangah a lang tang in ka gen zo hi. Jew-te kikhopna ahi zongin synagogue-te le biakinnpi ah thu ka hilh tawntung hi. Ka sim gen bangmah a om kei hi.

John 6:59

Hih thu, Capernaum a synagogue ah thu a hilh laitaka a gen ahi hi.

John 7:1

Hih teng khit ciangin Jew-te in Jesu thah sawmin tua munah a ngak uh ciangin Judea pan kihemkhia-in Galilee kim tengah a vak kawikawi hi.

Nasepte 10:38

Pasian in Nazareth mi Jesu, Khasiangtho le vangliatna sathau a nilh zia le amah pai kawikawi in, Pasian in amah a ompihna hangin na hoih sema, dawimangpa vangliatna nuai-a mi khempeuh a dam saknate na thei zo uh hi.

Nasepte 18:4

Sabbath ni simin Jew-te le Greek-te zol sawmin synagogue sungah thu a kikuppih hi.

Nasepte 20:25

"Tu-in kumpi-gam thu gena a laka ka pai kawikawina mite khat beek in nong mu kik nawn kei ding uh cih ka thei hi.

Nasepte 28:31

A dal om loin hangtakin Pasian gam thu hilh a, Topa Jesu Christ thu a sinsak hi.

Rome-te 10:15

A kisawl kei leh amaute in bangci hilh theih ding uh ahi hiam? A kigelhsa bangin: "Lungdamna thu a puakte khe etlawm mahmah si e!" l