Matthew 3:10 - Zokam International Version

¹⁰ Sing phungah hei om khin ta hi. Gah hoih a gah lo kung peuhmah kiphukin meikhuk ah kikhul ding hi.

LAISIENGTHOU CL Bible (BSI)

¹⁰ Tualeh tuin zong sing bul chin ah heipi koi ahita hi. Tuaziehin sing chin ga hoia ga lou pouma akiphua a mei ah akipailut zel hi.

Zo Bible

¹⁰ Tu nangawnin zong singzung cin tengah hei kikoi zo hi; a, ga hoi a ga lo singkung vannuoi kiphua-in mei sungah kipai hi.

Matthew 3:10 ပူးပေါင်းရင်းမြစ်များ

2 Samuel 23:7

Lingkung a lawng peuhmah in sik nazat khat ahikeh teipi tonglam zang uh hi; amaute a omna ah kihaltum hi,"

Phatna-late 1:3

Amah, tui luanna lui gei-a kisuan a gah hunin gah a, a teh vul lo singkung tawh kibang hi. A sepna peuhpeuh ah daupai hi.

Phatna-late 140:10

Amaute tungah mei-am lai zu henla; meikhuk sungah kikhulin a tho nawn lo dingin buannawi lakah kilawn hen.

Phatna-late 92:12

A thumaante nisuh kung bangin khanpha ding uh a, Lebanon a tamtak bangin khang ding uh hi;

Isaiah 27:11

A hiang mengte a keu ciangin kitan a numeite pai-in singin a cih uh hi. Ahang in, hih mite in a theitel kei uh hi; tua ahi ciangin amaute a Bawlpa in amaute khuatuah lo a, amaute a Piangsakpa in amaute a angvan kei hi.

Isaiah 61:3

Zion-a om a dahte huhin - amau lutungah vut tangin kumpi lukhu a khusak ding, thumna tangin nuamna sathau, le lungkiatna kha tangin phatna puan a pia dingin kei hong sawl zo hi. ama thupina a kilat nadingin amaute, TOPA suansa thumaanna tehno kungte, kici ding hi.

Jeremiah 17:8

Amah tui gei-a kisuan luipanga zungkha singkung bang ding hi. Ni a sat ciangin lau lo a, a tehte hing tawntung hi. Guahtui haan’ kumin zong patau lo - a gah lo tuan kei hi.

Daniel 4:14

Amah nakpi-in kiko a, ‘Tua singkung phuk inla ahiangte heuh in; a tehte zutkhia inla a gahte thehthang in. a nuai-a ganhingte le a hianga vasate taikeksak in.

Malachi 4:1

"A ni hong tung takpi ta hi; pummei-a kang hong bang ding hi. A kiphasakte le migilote khempeuh ninpa keu tawh kibang ding uh a, hong tung ding tua ni-in amaute meikhuk ah a khul ding hi," Thahatpen TOPA in ci hi. "A bul a hiangin amaute a kinusiat kei ding hi.

Matthew 21:19

Lampi gei-ah theikung khat a muh ciangin a zuan to hi. Ahi hangin theikung tungah a teh longal bangmah a mu kei hi. Tua ciangin, "Gah nawn peuhmah kei in!" a cih leh thei kung a dinggaw pah hi.

Matthew 7:19

Gah hoih a gah lo singkung peuhmah kiphukin meikhukah kikhul hi.

Luke 23:31

Ahang in, mite in sing ahin laitakin hihte hih uh ahileh akeu ciangin bang suak tazen ding uh hiam?" a ci hi.

Luke 3:9

Sing phungte ah hei a om khin zo hi; gah hoih a gah lo kungte kiphukin mei sungah kikhul ding hi," a ci hi.

John 15:2

Kei sungah oma, a gah lo hiang peuhmah a sattan hi; a gah hiang peuhmah tam a gah zawk nadingin heuhin a hahsiang a hi.

John 15:6

Mi khatpeuh kei sungah a om kei leh amah, a kipaimang a vul hiang tawh kibang hi. Tua bang hiangte kitawmin mei sungah kikhula, a kangtum hi.

Hebrews 12:25

Tua thu a genpa na nial loh nading un kikem un. Leitung ah amaute a vauhilhpa a nial uh ciangin suakta lo uh ahileh vantung pana eite hong vauhilhpa nungngatsan lehang i suahtak nading baih lo semsem ding hi lo ahi hiam?

Hebrews 6:8

Ahi hangin ling le thanglingte a pona lo in kimanna nei lo-a, a kihamsiat ding lauhuai hi. A tawpna-ah a kihaltum ding hi.